Jeremiah 8:18 - Yn Vible Casherick 1775 1819

¹⁸ Tra ta mee son gerjagh y gheddyn noi trimshey, ta my chree traashtit cheu-sthie jee’m.

Jeremiah 8:18 ပူးပေါင်းရင်းမြစ်များ

Psalmyn 143:7

Eaisht rhym, O Hiarn, as shen dy leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Isaiah 22:4

Er-y-fa shen dooyrt mee, Ny jeeagh-jee orrym; neem’s keayney dy sharroo, ny shir-jee dy my gherjaghey; er-yn-oyr dy vel ad er spooilley inneen my phobble.

Jeremiah 23:9

Ta my chree brisht cheu-sthie jee’m kyndagh rish ny phadeyryn foalsey; ta ooilley my chraueyn er-creau: ta mee myr dooinney er-meshtey, as myr dooinney ta feeyn er ghoaill niart er, ayns my ghraih jeean gys y Chiarn, as gys goan e chasherickys.

Jeremiah 4:19

My veeghyn, my veeghyn! ta mee guint, eer ec my chree; ta my chree jannoo feiyr cheu-sthie jee’m: cha voddym ve my host, son t’ou er chlashtyn, O my annym, sheean y trumpet, yn larm-caggee.

Jeremiah 6:24

Ta shin er chlashtyn skeeal jeu; ta ny laueyn ain gaase moal: ta angaish er ghoaill greme orrin, as pian myr ben er-troailt.

Jeremiah 9:1

O dy beagh my chione ny ushtaghyn, as my hooillyn farrane dy yeïr, dy voddin keayney oie as laa son cloan stroit inneen my phobble!

Dobberan 5:17

Son shoh ta’n cree ain faiynt, son ny reddyn shoh ta ny sooillyn ain moal;

Habakkuk 3:16

Tra cheayll mee, va my chree traishtit: va my veillyn er-creau ec yn choraa: ren loauid greimmey my chraueyn, as va mee ooilley er-creau: O dy beign ec fea veih’n laa seaghnagh! tra hig eh seose noi yn pobble, hig eh stiagh orroo lesh e heshaghtyn-caggee.