Jeremiah 8:16 - Yn Vible Casherick 1775 1819

¹⁶ Va stronneraght e chabbil er ny chlashtyn veih Dan; va’n slane cheer er-creau ec sheean shutternee e chabbil caggee; son t’ad er roshtyn, as er chur naardey yn cheer, as ooilley ny t’ayn: yn ard-valley as e cummaltee.

Jeremiah 8:16 ပူးပေါင်းရင်းမြစ်များ

Lioar Yob 39:20

Vod oo aggle y chur ayn, myr ayns y lheimeyder-faiyr? ta gloyr e stroanyn atchimagh.

Psalmyn 24:1

Lesh y Chiarn y thalloo, as ooilley ny t’ayn: combaase y theihll, as adsyn ta baghey ayn.

Jeremiah 10:25

Deayrt magh dt’eulys er ny ashoonyn nagh vel er choyrt enney ort’s, as er ny lught-thieyn nagh vel geamagh er dty ennym: son t’ad er stroie Jacob, as er choyrt eh mow as naardey, as er n’yannoo e ynnyd-vaghee ny hraartys.

Jeremiah 3:24

Son ta’n scammylt er stroie laboraght nyn ayraghyn veih nyn aegid; nyn shioltaneyn kirree as ollagh, nyn mec as nyn inneenyn.

Jeremiah 30:16

Shen-y-fa bee adsyn ooilley ta son coyrt oo naardey, ad-hene currit naardey; as hed ooilley dty noidyn gyn cappeeys; as bee adsyn ta dy dty spooilley son spooilley ad-hene; adsyn ooilley ta dty chraghey ver-ym seose gys y chragh.

Jeremiah 30:5

Son myr shoh ta’n Chiarn dy ghra, Ta shin er chlashtyn coraa dy chraa, dy aggle, as cha nee dy hee.

Jeremiah 4:24

Yeeagh mee er ny sleityn, as cur-my-ner, v’ad er-creau, as ren ooilley ny croink craa dy corragh.

Jeremiah 4:7

Ta’n lion er jeet seose veih e cheyll, as ta stroider ny ashoonee er e raad; t’eh er n’gholl magh veih e oayll dy yannoo dty heer ny hraartys: as bee dty ard-valjyn er nyn goyrt naardey fegooish cummaltagh.

Jeremiah 47:3

Ec feiyr stampey yngnyn e chabbil trean, ec sheean ny fainee, as tharmane ny queeylyn, bee ny ayraghyn cha lhag-lauee shen nagh bee ad abyl jeeaghyn lurg nyn gloan hene;

Jeremiah 5:17

As ee-ys ad seose yn troar ayd, as dty arran va kiarit son beaghey dty vec as dty inneenyn: nee ad gee seose dty hioltaneyn kirree as ollagh; nee ad gee seose messyn dty viljyn-feeyney as dty viljyn-figgagh: as dty ard-valjyn voallit, orroo v’ou cur dty varrant, ver ad naardey lesh y chliwe.

Jeremiah 50:42

Nee ad loaghtey yn vhow, as y shleiy: t’ad dewil, as cha jeeaghee ad myghin: nee yn coraa oc freaney myr y cheayn, as nee ad markiagh er cabbil, dagh fer jeu eillit myr dooinney son y chaggey dt’oï’s, O inneen Vabylon.

Jeremiah 51:29

As bee yn cheer er-creau as seaghnit: son bee slane aigney yn Chiarn cooilleenit er Babylon, dy yannoo thalloo Vabylon ny hraartys gyn cummaltagh.

Jeremiah 6:23

Nee ad yn vhow as yn shleiy y loaghtey; t’ad dewil, as gyn myghin: ta’n sheean oc freaney myr yn aarkey; as t’ad markiagh er cabbil, myr deiney soit ayns order-caggee dt’oï, O inneen Zion.

Nahum 3:2

Feiyr y chipp, as sheean freaney ny queeylyn, as lheimyragh ny cabbil, as leaystey ny fainee.

Habakkuk 3:10

Honnick ny sleityn oo, as v’ad er-creau; ren ny thooillaghyn ushtey lhieeney harrish: ren y diunid freaney lesh e choraa, as gatt seose dy ard er dagh cheu.

1 Corinthianee 10:26

Son lesh y Chiarn yn seihll, as ooilley ny t’ayn.

1 Corinthianee 10:28

Agh my jir dooinney erbee riu, va shoh er ny hebbal ayns oural gys jallooyn, ny ee-jee jeh er y choontey echeysyn ren shoh y hoilshaghey, as er graih cooinsheanse. Son ta’n seihll lesh y Chiarn, as ooilley ny t’ayn.

Briwnyn 18:29

As denmys ad yn ard-valley Dan, lurg ennym Dan nyn ayr, va mac Israel: agh va ennym yn ard-valley roish shen Laish.

Briwnyn 20:1

Eisht hie ooilley cloan Israel magh, as v’ad er nyn jaglym cooidjagh myr un dooinney, veih Dan eer gys Beer-sheba, marish cheer Ghilead, fenish y Chiarn ayns Mizpeh.

Briwnyn 5:22

Eisht va yngnyn ny cabbil brisht liorish stampey, liorish lheimyragh nyn gabbil trean.