Jeremiah 8:14 - Yn Vible Casherick 1775 1819

¹⁴ Kys dy vel shin soie myr shoh? chaggle-jee shiu hene, as lhig dooin cosney stiagh gys ny ard-valjyn voallit, as lhig dooin ve nyn dhost ayns shen; son ta’n Chiarn nyn Yee er choyrt shin nyn dhost, as er chur dooin ushtey galley dy iu, er-yn-oyr dy vel shin er n’yannoo peccah noi’n Chiarn.

Jeremiah 8:14 ပူးပေါင်းရင်းမြစ်များ

Jeremiah 23:15

Shen-y-fa shoh myr ta Chiarn ny sheshaghtyn flaunyssagh dy ghra mychione ny phadeyryn, Cur-my-ner, ver-ym daue ullymar dy ee, as ver-ym ushtey galley daue dy iu: son veih phadeyryn Yerusalem ta mee-chraueeaght er n’gholl magh fud ooilley’n cheer.

Jeremiah 9:15

Shen-y-fa myr shoh ta Chiarn ny sheshaghtyn flaunyssagh, Jee Israel, dy ghra, Cur-my-ner, neem’s ad y veaghey, eer y pobble shoh, lesh ullymar, as ver-ym ushtey gall daue dy iu.

Dobberan 3:19

Cooinaghtyn er my heaghyn as my hreihys, yn ullymar as y gall.

Jeremiah 35:11

Agh shen myr ve, tra haink Nebuchadrezzar ree Vabylon seose noi yn cheer, dy dooyrt shin, Tar-jee, as lhig dooin goll gys Jerusalem, er-aggle armee ny Caldeanee, as er-aggle roish armeeyn ny Syrianee. As shoh’n oyr ta shin nish cummal ec Jerusalem.

Noo Mian 27:34

Hug ad da vinegar dy iu, as gall ny chione: as tra v’eh er vlashtyn eh, cha baillish giu.

Psalmyn 69:21

Ta dt’oghsan er vrishey my chree, ta mee lane dy hrimshey: yeeagh mee son fer ennagh dy ghoaill chymmey orrym, agh cha row dooinney erbee; chamoo hooar mee unnane erbee dy my gherjaghey.

2 Samuel 20:6

As dooyrt David rish Abishai, Nish nee Sheba mac Bichri ny smoo dy aggair dooin na ren Absalom: gow uss sharvaantyn dty hiarn, as immee er e eiyrt’s, er-aggle dy vow eh stiagh ayns ard-valjyn voallit, as dy gossyn eh voïn.

Deuteronomy 29:18

Nagh bee ny mast’ eu dooinney, ny ben, ny lught-thie, ny tribe, ta ayns nyn gree chyndaa ersooyl veih’n Chiarn nyn Yee, dy gholl dy hirveish jeeghyn ny ashoonyn shoh; nagh bee ny mast’ eu fraue ta gymmyrkey gall as ullymar,

Zechariah 2:13

Lhig da ooilley sheelnaue ve nyn dhost kiongoyrt rish y Chiarn: son t’eh er hroggal seose eh-hene ayns e ynnyd casherick.

Habakkuk 2:20

Agh ta’n Chiarn ayns e hiamble casherick: lhig da ooilley yn seihll ve ny host kiongoyrt rish.

Amos 6:10

As nee carrey dooinney goaill seose eh, dy lostey yn corp, as dy chur lesh ny craueyn magh ass y thie, as nee eh gra rishyn ta ayns shamyryn sodjey stiagh y thie, Vel arragh mayrt? as jir eshyn, Cha vel: eisht jir eshyn, Bee dty host; son cha jig lhien gimraa er ennym y Chiarn.

Jeremiah 14:20

Ta shin goaill-rish, O Hiarn, nyn ghrogh-yannoo hene, as loghtyn nyn ayraghyn; son ta shin er n’yannoo peccah dt’oï’s.

Psalmyn 39:2

Smaght-ym my veeal myr lesh streean: choud as ta’n vee-chrauee ayns my hilley.

Deuteronomy 32:32

Son ta’n billey-feeyney ocsyn ny smessey na billey-feeyney Sodom, as magheryn Ghomorrah: ta ny smeyr-feeyney oc gall, ta ny dossanyn oc sharroo.

Leviticus 10:3

Eisht dooyrt Moses rish Aaron, Shoh ny loayr y Chiarn, gra, Beem’s er my chasherickey ayndoosyn ta tayrn er-gerrey dou, as kiongoyrt rish ooilley’n pobble bee’m er my ghloyraghey. As va Aaron ny host.

Isaiah 47:5

Soie uss dty host, as stiagh oo ayns dorraghys, O inneen ny Caldeanee: son cha bee oo ny smoo enmyssit, Ard-lady ny reeriaghtyn.

Jeremiah 3:25

Ta shin lhie sheese ayns nyn nearey, as ta nyn sou-aigney dy laadey shin: son ta shin er n’yannoo peccah noi’n Chiarn nyn Yee, shin hene as nyn ayraghyn, veih nyn aegid eer gys y laa jiu, as cha vel shin er choyrt biallys da coraa yn Chiarn y Jee ain.

Jeremiah 14:7

O Hiarn, ga dy vel nyn olkys hene gymmyrkey feanish nyn ’oï, cur uss feaysley dooin, son graih dty ennym: son s’mooar ta nyn gooyl-skyrraghtyn; ta shin er n’yannoo peccah dt’oï’s.

Jeremiah 9:14

Agh t’ad er n’eiyrt er smooinaghtyn nyn greeaghyn hene, as er Baalim, myr dynsee nyn ayraghyn daue: