Jeremiah 8:12 - Yn Vible Casherick 1775 1819

¹² Row nearey orroo tra v’ad er n’yannoo yn peccah dwoaiagh? beggan, cha ghow ad veg y nearey, chamoo ren ad jiargaghey: shen-y-fa nee ad tuittym ny mast’ oc shen huittys; tra hig-yms orroo ayns kerraghey, bee ad lhieggit gys yn ooir, ta’n Chiarn dy ghra.

Jeremiah 8:12 ပူးပေါင်းရင်းမြစ်များ

Genesis 19:34

As haink eh gy-kione, er laa-ny-vairagh, dy dooyrt y shuyr shinney rish yn unnane saa, Cur-my-ner, lhie mish riyr marish my ayr: lhig dooin cur er giu feeyn noght myrgeddin; as gow uss stiagh, as lhie mârish, dy vod mayd cummal seose sluight nyn ayrey.

Psalmyn 52:1

Cre hon t’ou boggyssagh jeed hene, uss hranlaasagh: dy vod oo olk y yannoo;

Psalmyn 52:7

Hee yn sleih cairal shoh myrgeddin, as gowee ad aggle: as nee ad craidey mysh as gearey;

Isaiah 24:2

As shen myr vees eh, dy jean y pobble as y saggyrt farrail co-laik; yn fer-mooinjerey as e vainshtyr; yn charvaant as e ben-ainshtyr; yn kionneyder as y creckeyder; yn eeaseyder as yn eeaseydagh; yn tackeyder as yn tackeydagh; dy jean ad ooilley farrail co-laik.

Isaiah 3:9

Ta daanys nyn eddin son feanish nyn ’oï, as t’ad fockley-magh nyn beccah myr Sodom, as cha vel ad dy cheiltyn eh: smerg da’n annym oc! son t’ad er cherraghey olk orroo hene.

Jeremiah 10:15

T’ad fardail, as obbyr y volteyrys: ayns earish nyn gerraghey nee ad cherraghtyn.

Jeremiah 14:15

Shen-y-fa shoh myr ta’n Chiarn dy ghra mychione ny phadeyryn ta jannoo phadeyrys ayns m’ennym’s, as nagh dug mee ad er y chaghteraght, ny-yeih t’ad gra, Cha bee cliwe ny gortey ’sy cheer shoh; Liorish y chliwe as y ghortey hed ny phadeyryn shoh er nyn stroie.

Jeremiah 23:12

Shen-y-fa bee’n immeeaght oc myr raaidyn shliawney ’sy dorraghys; bee ad immanit er nyn doshiaght, as tuittee ad ayn: son ver-ym lhiam yn olk orroo, eer bleïn nyn gerraghey, ta’n Chiarn dy ghra.

Jeremiah 3:3

Shen-y-fa ta ny frassyn er nyn lhiettal, as cha vel y fliaghey jerrey-bleeaney er jeet; as va eddin streebagh ayd, dob oo nearey y ghoaill.

Jeremiah 44:10

Cha vel ad er n’injillaghey ad-hene eer gys y laa t’ayn jiu, chamoo t’ad er ghoaill aggle, ny er n’immeeaght ayns my leigh, ny ayns my lattyssyn, ren mee soiaghey reue, as roish ny ayraghyn eu.

Jeremiah 6:15

Row nearey orroo tra v’ad er n’yannoo yn peccah dwoaiagh? beggan, cha row veg y nearey orroo, chamoo ren ad jiargaghey; shen-y-fa nee ad tuittym mastey ad shen huittys: tra hig-yms orroo ayns kerraghey bee ad lhieggit gys yn ooir, ta’n Chiarn dy ghra.

Jeremiah 6:21

Shen-y-fa myr shoh ta’n Chiarn dy ghra, Cur-my-ner, neem’s kiapyn snapperal y hoiaghey ayns raad y phobble shoh, as nee ny ayraghyn as ny mec dy cheilley tuittym lioroo; nee’n naboo as e charrey cherraghtyn.

Ezekiel 23:18

Myr shoh ren ee yn maarderys eck hene y vrah, as va’n nearey eck er ny akin: eisht va my aigney’s chyndaït vo-eeish myr ve chyndaït voish e shuyr.

Hosea 5:9

Bee Ephraim ny hraartys ’sy laa oghsanagh: mastey sheelogheyn Israel ta mee er hoilshaghey shen, hig son shickyrys gys kione.

Zephaniah 3:5

Ta’n Chiarn cairal ayns y vean eck; cha jean eshyn dy aggairagh: moghrey lurg moghrey t’eh soilshaghey e vriwnys, cha vel eh failleil; agh cha vel veg y nearey er ny drogh-yantee.

Deuteronomy 32:35

Dooys ta bentyn kerraghey, as cooilleeney, nee’n chass oc skyrrey ayns traa cooie: son ta laa nyn dreihys er-gerrey, as ta ny reddyn hig orroo cheet dy tappee.

Philippianee 3:19

Ta’n jerrey oc toyrt-mow, yn Jee oc ta nyn molg, as ta’n gloyr oc ayns nyn nearey, ta nyn aigney er nheeghyn seihltagh.)