Jeremiah 8:11 - Yn Vible Casherick 1775 1819

¹¹ Son s’coan t’ad er scryssey harrish lhott inneen my phobble, gra, Shee, shee; tra nagh vel shee nyn gour.

Jeremiah 8:11 ပူးပေါင်းရင်းမြစ်များ

1 Reeaghyn 22:13

As loayr y chaghter va er gholl dy eamagh er Micaiah rish, gra, Cur-my-ner nish, ta goan ny phadeyryn fockley magh mie da’n ree lesh un choraa: lhig da dty ghoan’s, ta mee guee ort, ve cordail rish goan fer jeusyn, as loayr uss shen ny ta mie.

1 Reeaghyn 22:6

Eisht ren ree Israel sumney ny phadeyryn cooidjagh, mygeayrt kiare cheead dooinney, as dooyrt eh roo, Jem seose dy chaggey noi Ramoth-gilead, ny jean-ym lhiggey shaghey? As dooyrt ad, Immee seose; son nee’n Chiarn livrey eh gys laue yn ree.

Jeremiah 14:13

Eisht dooyrt mee, Ah, Hiarn Yee! cur-my-ner, ta ny phadeyryn oc gra roo, Cha vaik shiu yn cliwe, chamoo hig erriu gortey; agh ver-ym diu shee shickyr ’sy voayl shoh.

Jeremiah 23:17

T’ad dy kinjagh gra roosyn ta soiaghey beg jeem’s, Ta’n Chiarn dy ghra, Bee shee eu; as rish dy chooilley unnane ta gimmeeaght lurg smooinaghtyn e chree hene t’ad gra, Cha jig olk erbee erriu.

Jeremiah 6:14

As s’coan t’ad er lheihys lhott inneen my phobble, gra, Shee, shee; tra nagh vel shee nyn gour.

Jeremiah 8:15

Va shin jeeaghyn son shee, agh cha daink mie erbee orrin; as son earish dy hauchys, as cur-my-ner seaghyn!

Dobberan 2:14

Ta dty adeyryn er vakin nheeghyn fardalagh as ommijagh er dty hon; as cha vel ad er vrah dty loghtyn, dy hyndaa ersooyl dty chappeeys, agh t’ad er vakin dty chour erraghyn foalsey, as oyryn eebyrt-cheerey.

Ezekiel 13:22

Er-yn-oyr dy vel shiu lesh breagyn er n’yannoo cree yn er-crauee trimshagh, nagh vel mish er n’yannoo trimshagh; as er niartaghey laueyn ny mee-chrauee, gyn eh dy hyndaa veih e ghrogh raad, liorish gialdynys bea da:

Micah 2:11

My ta dooinney gimmeeaght ayns spyrryd dy oalsaght, cur rish breagyn, gra, Nee’m phadeyrys dhyt mychione feeyn as jough lajer; bee eshyn eer phadeyr yn phobble shoh.

1 Thessalonianee 5:3

Son tra jir ad, Shee as sauchys; eisht hig toyrt-mow orroo doaltattym, myr ta pian cheet er ben tra t’ee er-troailt; as cha jean ad scapail.