Jeremiah 8:10 - Yn Vible Casherick 1775 1819

¹⁰ Shen-y-fa ver-yms ny mraane oc da feallagh elley, as ny magheryn oc da eiraghyn joarree: son ta dy chooilley unnane, veih’n er sloo gys yn er smoo, sondagh er cosney; veih’n phadeyr eer gys y taggyrt, ta dy chooilley unnane dellal dy foalsey.

Jeremiah 8:10 ပူးပေါင်းရင်းမြစ်များ

Lioar Yob 31:10

Eisht lhig da my ven-heshey blieh gys fer elley, as lhig da feallagh elley croymmey sheese urree.

Isaiah 28:7

Agh t’adsyn myrgeddin er n’gholl er-shaghryn liorish feeyn, as liorish jough lajer t’ad ass y raad: ta’n saggyrt as y phadeyr fo shaghrynys liorish jough lajer, t’ad baiht ayns feeyn, t’ad ass y raad liorish jough lajer; t’ad mollit ayns ashlish, t’ad leaystey ayns briwnys.

Isaiah 57:17

Son mee-chairys y taynt echeysyn va my yymmoose, as woaill mee eh: dollee mee mee-hene, as va mee corree, as hie eh dy roonagh er e hoshiaght ayns raad e chree hene.

Jeremiah 14:14

Eisht dooyrt y Chiarn rhym, Ta ny phadeyryn jannoo phadeyrys breagagh ayns m’ennym’s; cha dug mee ad er y chaghteraght shoh, chamoo hug mee sarey daue, chamoo loayr mee roo: t’ad fockley magh diu ashlish foalsey, as faishnaghyn breagagh, as red gyn veg, as molteyrys yn chree oc hene.

Jeremiah 14:18

My hem magh ’sy vagher, eisht cur-my-ner ad shen ta stroit lesh y chliwe! as my hem stiagh ’syn ard-valley, eisht cur-my-ner adsyn t’ayns raad y vaaish lesh y ghortey! dy jarroo, ta chammah yn phadeyr as yn saggyrt goll mygeayrt gys cheer nagh vel oayll oc er.

Jeremiah 17:11

Myr ta’n kiark-rhennee soie er oohyn, as nagh vel ee guirr aalagh; myr shen eshyn ta cosney berchys, as cha nee dy cairagh, faagee eh ad ayns mean e laghyn, as ec y jerrey bee eh ny ommydan.

Jeremiah 22:17

Agh cha vel dty hooillyn’s as dty chree’s agh ooilley son saynt, as son deayrtey fuill gyn-loght, as son dewilys, as son tranlaase, dy yannoo eh.

Jeremiah 32:32

Kyndagh rish ooilley yn drogh-yannoo ta cloan Israel as cloan Yudah er chur-rish dy my vrasnaghey gys corree, ad-hene, nyn reeaghyn, nyn brinceyn, nyn saggyrtyn, as ny phadeyryn oc, marish deiney Yudah, as fir-vaghee Yerusalem.

Jeremiah 38:22

As cur-my-ner, hed ooilley ny mraane, ta faagit ayns thie ree Yudah, magh gys princeyn ree Vabylon, as nee ad gra, Ta e chaarjyn er volley eh, as er ghoaill vondeish er; ta e chassyn dowin ’sy laagh, as t’ad er choyrt cooyl rish.

Jeremiah 42:1

Eisht haink er-gerrey ooilley ny captanyn-caggee, as Johanan mac Chareah, as Jezaniah mac Hoshaiah, as ooilley yn pobble, ard as injil,

Jeremiah 5:31

Ta ny phadeyryn jannoo phadeyrys foalsey, as lesh y chooney ocsyn ta ny princeyn gymmyrkey reill; as ta my phobble booiagh lesh myr shen dy ve: as cre’n erree hig erriu son ooilley shoh?

Dobberan 4:13

Kyndagh rish peccaghyn e phadeyryn, as mee-chairys e haggyrtyn, t’er gheayrtey fuill yn vooinjer ynrick ayns y vean eck;

Ezekiel 33:31

As t’ad cheet hood’s myr ta sleih cliaghtey cheet, as t’ad kiongoyrt rhyt myr my phobble’s, as t’ad clashtyn dty ghoan, agh cha vel ad cooilleeney ad: son lesh nyn meeal t’ad jeeaghyn lane graih, agh ta’n cree oc goll er-eiyrt nyn sayntyn.

Amos 5:11

Son wheesh, er-y-fa shen, as dy vel shiu stampey fo-chosh yn voght, as goaill voish erraghyn dy churnaght; ta shiu er droggal thieyn dy chlaghyn cummit, agh cha jean shiu cummal ayndoo: ta shiu er hoiaghey magh garaghyn-feeyney eunyssagh, agh cha n’iu shiu jeh’n feeyn oc.

Micah 2:4

Ayns y laa shen nee fer goaill seose coraa-dorraghey nyn ’oï, as nee eh dobberan lesh dobberan hrimshagh, as jir eh, Ta shin dy bollagh spooillit: t’eh er chaghlaa eiraght my phobble: kys t’eh er scughey foddey voym eh! caghlaa yn chagliagh t’eh er rheynn nyn magheryn.

Micah 3:11

Ta ny briwnyn eck briwnys son leagh, as ny saggyrtyn eck gynsagh son faill, as ny phadeyryn eck phadeyrys son argid: ny-yeih t’ad goaill orroo dy ve ass lieh yn Chiarn, as gra, Nagh vel y Chiarn ny mast’ ain? cha jig olk erbee orrin.

Micah 3:5

Myr shoh ta’n Chiarn dy ghra mychione ny phadeyryn, ta coyrt shaghrynys er my phobble, ta lhottey lesh nyn veeacklyn, as fockley magh, Shee: as dy jarroo t’ad jannoo ad-hene aarloo gys caggey, noi eshyn nagh vel er lhieeney nyn meeal.

Habakkuk 1:6

Son cur-my-ner, nee’m greinnaghey seose ny Caldeanee, yn ashoon elgyssagh shen as gaskeydagh, nee marchal trooid lheead y cheer, dy ghoaill daue hene cummallyn, nagh vel nyn eiraght.

Zephaniah 1:13

Shen-y-fa hig yn chooid oc dy ve son spooilley, as ny thieyn oc nyn dholtanyn: nee ad myrgeddin thieyn y hroggal, agh cha jean ad cummal ayndoo: as nee ad garaghyn-feeyney y hoiaghey, agh jeh’n feeyn oc cha jean ad giu.

Titus 1:11

Ny beïll oc shegin y yeigh, ta cur slane lughtyn-thie fo-my-cheilley, gynsaghey reddyn nagh lhisagh ad er graih drogh chosney.

Titus 1:7

Son shegin da aspick ve gyn foill, myr stiurt Yee; cha nee mooaralagh, ny leah fargagh, cha nee cur rish feeyn, ny builltagh, ny soit er cosney scammyltagh;