Jeremiah 8:1 - Yn Vible Casherick 1775 1819

¹ Ec y traa shen, ta’n Chiarn dy ghra, ver ad lhieu magh ass ny oaiaghyn craueyn reeaghyn Yudah, as craueyn e phrinceyn, as craueyn ny saggyrtyn, as craueyn ny phadeyryn, as craueyn cummaltee Yerusalem:

Jeremiah 8:1 ပူးပေါင်းရင်းမြစ်များ

1 Reeaghyn 13:2

As hrog eh seose e choraa noi’n altar liorish goo’n Chiarn, as dooyrt eh, O altar, altar, myr shoh ta’n Chiarn dy ghra, cur-my-ner, bee lhiannoo er ny ruggey da thie Ghavid, e ennym Josiah; as ort’s nee eh chebbal saggyrtyn ny ard-ynnydyn ta lostey incense ort, as bee craueyn deiney er nyn lostey ort’s.

2 Reeaghyn 23:16

As myr va Josiah cur shilley mygeayrt, honnick eh ny oaiaghyn ayns y chronk, as doardee eh ny craueyn dy ve goit ass ny oaiaghyn, as dy ve losht er yn altar, as dy an-chasherickey eh, cordail rish goo yn Chiarn, loayr yn dooinney dy Yee, ren fockley ny goan shoh.

2 Reeaghyn 23:20

As hug eh gy-baase ooilley saggyrtyn ny ard-ynnydyn shen er ny altaryn, as losht eh craueyn deiney orroo, as hyndaa eh reesht gys Jerusalem.

2 Reeaghyn 9:37

As bee callin Jezebel myr eoylley er eaghtyr y thallooin, ayns magher Jezreel; myr shen nagh vod ad gra, She shoh Jezebel.

Psalmyn 53:5

Nagh vel adsyn fegooish tushtey ta gobbraghey olkys: gee seose my phobble myr ee-agh ad arran? cha vel ad er n’eamagh er Jee.

Jeremiah 14:16

As bee yn pobble daue t’ad phadeyrys er nyn dilgey magh ayns straïdyn Yerusalem, kyndagh rish y ghortey as y cliwe; as cha bee unnane erbee dy oanluckey ad, ad-hene, nyn mraane, ny nyn mec, ny nyn inneenyn; son neem’s kerraghey nyn mee-chraueeaght y gheayrtey magh orroo.

Ezekiel 37:1

Va laue yn Chiarn orrym’s, as hug eh lesh mee magh ayns spyrryd y Chiarn, as lhig eh sheese mee ayns mean y choan va lane dy chraueyn,

Ezekiel 6:4

As bee ny altaryn eu treigit, as bee ny jallooyn eu er ny vrishey: as neem’s ny deiney marroo eu y hilgey sheese kiongoyrt rish nyn yallooyn.

Ezekiel 6:5

As lhie-yms kirp marroo cloan Israel kiongoyrt rish ny jallooyn eu, as neem’s ny craueyn eu y skeayley mygeayrt ny altaryn eu.

Amos 2:1

Shoh myr ta’n Chiarn dy ghra, Son three ard-pheccaghyn Voab, as son kiare cha jyndaa-ym ersooyl e cherraghey: er-yn-oyr dy losht eh craueyn ree Edom gys eayl.