Jeremiah 7:9 - Yn Vible Casherick 1775 1819

⁹ Jean shiu geid, jannoo dunverys, as brishey poosey, as loo dy oaiagh, as lostey incense gys Baal, as geiyrt er jeeghyn elley nagh vel enney eu orroo;

Jeremiah 7:9 ပူးပေါင်းရင်းမြစ်များ

1 Reeaghyn 18:21

As haink Elijah gys ooilley’n pobble, as dooyrt eh, Caïd ta shiu leaystey eddyr daa chredjue? my she’n Chiarn y Jee, eiyr-jee er: agh my she Baal, eisht eiyr-jee ersyn. As cha dug y pobble fockle dy ansoor da.

Exodus 20:3

Cha bee Jee erbee elley ayd’s, agh mish.

Isaiah 1:13

Ny cur-jee lhieu arragh hym’s nyn jebballyn donney: ta’n oural-incense dwoaiagh dou; ny eaystyn-noa, as ny dooneeyn, as nyn veaillaghyn sumnit elley, cha voddym surranse daue; she mee-chraueeaght eh, eer yn chirveish smoo casherick.

Isaiah 58:2

Foast t’ad shirrey mee gagh laa, as goaill taitnys dy hoiggal my raaidyn, myr ashoon ren geiyrt er ynrickys, as nagh ren treigeil oardaghyn yn Jee oc: t’ad geearree voym oardaghyn dy chairys; t’ad goaill taitnys ayns tayrn er-gerrey da Jee.

Jeremiah 1:16

As neem’s my vriwnyssyn y ockley magh noi oc son ooilley yn vee-chraueeaght ocsyn, t’er my hreigeil, as er lostey incense da jeeghyn elley, as er choyrt ooashley da obbraghyn nyn laueyn hene.

Jeremiah 11:13

Son corrym rish earroo dty ard-valjyn va ny jeeghyn ayd’s, O Yudah; as corrym rish earroo straïdyn Yerusalem ta shiu er hroggal altaryn da’n red dwoaiagh shen, eer altaryn dy lostey incense da Baal.

Jeremiah 11:17

Son ta Chiarn ny sheshaghtyn flaunyssagh ren dty hoiaghey er n’ockley magh olk dt’oï, son drogh-yannoo thie Israel, as thie Yudah, t’ad er n’yannoo gys yn assee oc hene, dy my vrasnaghey gys corree, liorish chebbal incense da Baal.

Jeremiah 13:10

Bee yn pobble mee-chrauee shoh, ta gobbal dy eaishtagh rish my ghoan, ta gimmeeaght ayns roonid nyn gree hene, as geiyrt er jeeghyn elley dy hirveish ad, as dy chur ooashley daue, bee ad eer myr y cryss shoh, nagh nieeagh veg.

Jeremiah 18:15

Er-yn-oyr dy vel my phobble’s er my yarrood, t’ad er lostey incense gys fardalys, as t’adsyn er chur orroo dy skyrraghtyn veih my raaidyn, treigeil ny shenn cassanyn, dy hooyl ayns cassanyn cammey ayns raad neu-chiart;

Jeremiah 19:4

Er-yn-oyr dy vel ad er my hreigeil, as er an-chasherickey yn voayl shoh, as er lostey incense ayn da jeeghyn joarree, nagh row enney oc hene orroo, ny ec nyn ayraghyn, ny ec reeaghyn Yudah, as dy vel ad er lhieeney yn voayl shoh lesh fuill gyn-loght.

Jeremiah 32:29

As hig ny Caldeanee ta caggey noi yn ard-valley shoh, as ver ad aile ayns yn ard-valley shoh, as loshtee ad eh, marish ny thieyn er ny mulleeyn oc t’ad er hebbal incense da Baal, as er gheayrtey magh ourallyn-feeyney gys jeeghyn joarree, dy vrasnaghey my yymmoose.

Jeremiah 44:3

Son ooilley yn olk t’ad er n’yannoo, dy my vrasnaghey gys corree, as dy jagh ad dy lostey incense, as dy hirveish jeeghyn joarree, nagh bione daue hene, ny shiuish, ny nyn ayraghyn.

Jeremiah 44:8

Son dy vel shiu dy my vrasnaghey gys corree lesh obbraghyn nyn laueyn, lostey incense gys jeeghyn joarree ayns thalloo Egypt, raad ta shiu er gholl dy vaghey, shiu hene dy ve giarit jeh, as dy ve son mollaght as oltooan mastey ooilley ashoonyn y theihll?

Jeremiah 44:9

Vel shiu er yarrood mee-chraueeaght nyn ayraghyn, as drogh-yannoo reeaghyn Yudah, as drogh-yannoo ny mraane oc, as y drogh-yannoo eu hene, as olkys nyn mraane, t’ad er chur-rish ayns cheer Yudah, as ayns straïdyn Yerusalem?

Jeremiah 48:35

Ny-sodjey giare-yms jeh veih Moab, ta’n Chiarn dy ghra, eshyn ta chebbal er ny ard-ynnydyn, as eshyn ta lostey incense gys ny jeeghyn echey.

Jeremiah 5:2

As ga t’ad breearrey, gra, Liorish y Chiarn bio; son shickyrys t’ad goaill loo oaiagh.

Jeremiah 5:7

Caïd nee’m shoh y leih dhyt? ta dty chloan er my hreigeil, as er loo lioroosyn nagh nee jeeghyn ad: tra va mee er n’yannoo magh ad gys nyn yeeilley, eisht vrish ad poosey, taaghey ayns troopyn ny thieyn streebee.

Jeremiah 7:6

Mannagh jean shiu tranlaase er y joarree, yn lhiannoo gyn ayr, as y ven-treoghe, as nagh deayrt shiu fuill gyn-loght ’sy voayl shoh, chamoo nagh n’eiyr shiu er jeeghyn elley gys yn assee eu hene:

Ezekiel 18:18

Er son e ayr, er-yn-oyr dy row eh ny hranlaasagh dewil, as spooilley e vraar lesh laue lajer, as dy ren eh shen nagh row dy mie mastey e phobble, cur-my-ner, yiow eh shen baase ayns e vee-chairys hene.

Ezekiel 20:30

Shen-y-fa, abbyr rish thie Israel, Myr shoh ta’n Chiarn Jee dy ghra, Vel shiu oolee ayns cliaghtaghyn eajee nyn ayraghyn? as vel shiu cur-rish maarderys [spyrrydoil] lurg ny obbraghyn dwoaiagh ocsyn?

Ezekiel 23:39

Son tra v’ad er varroo nyn gloan son oural gys nyn yallooyn, eisht haink ad er y laa cheddin stiagh ayns my hiamble, dy yannoo neu-ghlen jeh; as cur-my-ner myr shoh t’ad er n’yannoo ayns mean my hie.

Ezekiel 5:11

Shen-y-fa, myr ta mee bio, ta’n Chiarn Jee dy ghra, Son shickyrys, er-yn-oyr dy vel oo er an-chasherickey my hiamble lesh ooilley dty chliaghtaghyn dwoaiagh, as lesh ooilley dty obbraghyn eajee; shen-y-fa neem’s uss myrgeddin y leodaghey, chamoo nee my hooill lhiggey lhiat, chamoo goym chymmey jeed.

Hosea 2:13

As nee’m kerraghey urree laghyn Vaalim, ayndoo losht ee incense daue, as ren ee soiaghey magh ee hene lesh e fainaghyn-cleayshey, as e jewellyn, as hie ee geiyrt er e gimmanyn, as yarrood ee mish, ta’n Chiarn dy ghra.

Hosea 6:9

As myr ta sheshaghtyn dy roosteyryn lhie cooyl-chlea son dooinney, myr shen ta sheshaght ny saggyrtyn coyrt nyn goyrle dy cheilley, dy yannoo dunverys er y raad: son t’ad jannoo dy eajee.

Amos 4:5

As cheb-jee oural dy hoyrt-booise lesh arran casherick, as jean-jee fockley as soiaghey magh ny ourallyn-arryltagh; son shoh by-haittin lhieu, O shiuish chloan Israel, ta’n Chiarn Jee dy ghra.

Zephaniah 1:5

As adsyn ta cur ooashley da sheshaght rollageagh yn aer, er mullagh ny thieyn, as adsyn ta ooashlaghey, as breearrey liorish y Chiarn, as breearrey liorish Malcham;

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

Romanee 2:2

Agh ta fys ain dy vel briwnys Yee cordail rish yn irriney, n’oï adsyn ta cur rish lheid ny reddyn.

Deuteronomy 32:17

Heb ad ourallyn gys jouyil, cha nee gys Jee; gys jeeghyn nagh bione daue, gys jeeghyn noa soit seose, daue nagh dug nyn ayraghyn ooashley.

Ashlish 21:8

Agh adsyn ta faitagh, as mee-chredjuagh, as adsyn ta cur rish obbraghyn dwoaiagh, as dunveryn, as maarderee, as fir-obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Ashlish 22:15

Son cheu-mooie ta moddee, as fir-obbee, as maarderee, as dunveryn, as adsyn ta cur ooashley da jallooyn, as quoi-erbee shynney lesh as ta jannoo breg.

Briwnyn 5:8

Reih ad jeeghyn noa; eisht va caggey ayns ny giattyn: row scape ny shleiy ry-akin mastey da-eed thousane ayns Israel?