Jeremiah 7:6 - Yn Vible Casherick 1775 1819

⁶ Mannagh jean shiu tranlaase er y joarree, yn lhiannoo gyn ayr, as y ven-treoghe, as nagh deayrt shiu fuill gyn-loght ’sy voayl shoh, chamoo nagh n’eiyr shiu er jeeghyn elley gys yn assee eu hene:

Jeremiah 7:6 ပူးပေါင်းရင်းမြစ်များ

2 Reeaghyn 21:6

As hug eh er e vac dy gholl trooid yn aile, as deiyr eh er guessyn, as hug eh rish buitcheraght, as ghell eh rish spyrrydyn faishnee as fir-obbee: as dobbree eh mooarane olk ayns shilley yn Chiarn, dy vrasnaghey eh gys corree.

2 Reeaghyn 24:4

As myrgeddin son yn uill neu-chyndagh gheayrt eh, (son lhieen eh Jerusalem lesh fuill gyn-loght,) nagh jinnagh y Chiarn pardooney.

Psalmyn 106:38

Myr shoh v’ad neu-ghlen lesh ny obbraghyn oc hene: as hie ad er maarderys lurg nyn yeearreeyn hene.

Raaghyn Creeney 23:10

Ny scugh yn chenn chagliagh; as ny brish stiagh er magheryn y chloan gyn ayr.

Isaiah 59:7

Ta ny cassyn oc roie gys olk, as gastey dy gheayrtey fuill gyn-loght: ta ny smooinaghtyn oc smooinaghtyn dy vee-chairys; ta traartys as treihys ayns nyn raaidyn.

Jeremiah 13:10

Bee yn pobble mee-chrauee shoh, ta gobbal dy eaishtagh rish my ghoan, ta gimmeeaght ayns roonid nyn gree hene, as geiyrt er jeeghyn elley dy hirveish ad, as dy chur ooashley daue, bee ad eer myr y cryss shoh, nagh nieeagh veg.

Jeremiah 19:4

Er-yn-oyr dy vel ad er my hreigeil, as er an-chasherickey yn voayl shoh, as er lostey incense ayn da jeeghyn joarree, nagh row enney oc hene orroo, ny ec nyn ayraghyn, ny ec reeaghyn Yudah, as dy vel ad er lhieeney yn voayl shoh lesh fuill gyn-loght.

Jeremiah 2:30

Ayns fardail ta mee er smaghtaghey nyn gloan, nagh beagh er nyn gerraghey: ta’n cliwe eu hene, myr lion stroialtagh, er varroo nyn adeyryn.

Jeremiah 2:34

Ayns ny ardjyn ayd’s myrgeddin t’er ny gheddyn fuill oikanyn ôney: cha nee ayns ny jeeigyn hooar mee eh, agh raad gheayrt oo eh.

Jeremiah 26:15

Agh toig-jee son shickyrys, my ver shiu mee dy baase, ver shiu lhieu son shickyrys fuill neu-chyndagh erriu hene, as er yn ard-valley shoh, as er ny cummaltee eck: son dy firrinagh-focklagh hug y Chiarn mish magh hiu, dy loayrt ooilley ny goan shoh ayns nyn glashtyn.

Jeremiah 26:23

As hug ad lhieu Urijah veih Egypt; as livrey ad eh gys laue y ree, hug er dy ve er ny varroo lesh y chliwe, as e chorp marroo dy ve er ny oanluckey ayns oaiaghyn ny kimmee.

Jeremiah 35:15

Ta mee er choyrt hiu myrgeddin ooilley my harvaantyn ny phadeyryn, girree dy moghey as dy choyrt ad, gra, Chyndaa-jee nish dy chooilley ghooinney veih e ghrogh raad, as lhiassee-jee nyn raaidyn, as ny eiyr-jee er jeeghyn joarree dy hirveish ad, as nee shiu cummal ayns y cheer ta mish er choyrt diu hene, as da nyn ayraghyn; agh cha vel shiu er chroymmey nyn gleaysh, ny er n’eaishtagh rhym’s.

Jeremiah 5:28

T’ad er n’aase roauyr, t’ad ayns callin vie, t’ad er n’gholl erskyn eer obbraghyn smessey ny mee-chrauee; cha vel ad briwnys yn chooish, cooish y chloan gyn ayr, ny-yeih t’ad bishaghey; as cooish chair yn ymmyrchagh cha vel ad reaghey.

Jeremiah 7:5

Son my nee shiu nyn slane ymmyrkey-bea as nyn obbraghyn y lhiasaghey; my ver shiu dy firrinagh briwnys cair eddyr dooinney as dooinney;

Jeremiah 7:9

Jean shiu geid, jannoo dunverys, as brishey poosey, as loo dy oaiagh, as lostey incense gys Baal, as geiyrt er jeeghyn elley nagh vel enney eu orroo;

Dobberan 4:13

Kyndagh rish peccaghyn e phadeyryn, as mee-chairys e haggyrtyn, t’er gheayrtey fuill yn vooinjer ynrick ayns y vean eck;

Ezekiel 18:6

As nagh vel er n’ee er ny sleityn, ny er hroggal seose e hooillyn gys jallooyn thie Israel, chamoo t’er n’yannoo peccah rish ben e naboo, ny er jeet coair ben veeoil:

Ezekiel 22:7

Aynyd’s t’ad er hoiaghey beg jeh ayr as moir: ayns dty vean t’ad er n’yannoo tranlaase er y joarree: aynyd’s t’ad er heaghney yn chloan gyn ayr, as y ven-treoghe.

Leviticus 19:33

As my ta joarree cummal mayrt ’sy cheer, cha jean shiu tranlaase er.

Leviticus 25:17

Shen-y-fa, cha jean shiu tranlaase er y cheilley; agh nee uss goaill aggle roish dty Yee; son mish y Chiarn y Jee eu.

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

Noo Mian 27:25

Eisht dansoor ooilley yn pobble, gra, Yn uill echey dy row orrinyn, as er nyn gloan.

Noo Mian 27:4

Gra, Ta mee er n’yannoo peccah, ayns dy vel mee er vrah yn uill neu-chyndagh. As dooyrt adsyn, Cre ta shen dooinyn? jeeagh uss da shen.

Deuteronomy 11:28

As mollaght, mannagh der shiu biallys da saraghyn y Chiarn nyn Yee, agh chyndaa dy lhiattee veih’n raad ta mee sarey diu yn laa jiu, dy eiyrt er jeeghyn joarree nagh nione diu.

Deuteronomy 24:17

Cha jean oo cassey briwnys y joarree ny’n lhiannoo gyn ayr, chamoo nee oo garmad ben-treoghe y ghoaill son gioal.

Deuteronomy 27:19

Cursit t’eshyn, ta coyrt briwnys aggairagh ayns cooish y joarree, yn chloan gyn ayr, as y ven-treoghe, as jir ooilley’n pobble, Amen.

Deuteronomy 8:19

Agh my nee shiu er aght erbee jarrood y Chiarn nyn Yee, as geiyrt da jeeghyn erbee elley, dy hirveish ad, as dy chur ooashley daue, ta mee gymmyrkey feanish nyn ’oï yn laa jiu, dy jean shiu son shickyrys cherraghtyn.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane-treoghe ayns nyn seaghyn, as dy reayll eh hene glen veih broïd y theihll.