Jeremiah 7:4 - Yn Vible Casherick 1775 1819

⁴ Ny cur-jee nyn marrant er goan fardalagh, gra, Chiamble y Chiarn, Chiamble y Chiarn, Chiamble y Chiarn, ad shoh.

Jeremiah 7:4 ပူးပေါင်းရင်းမြစ်များ

1 Reeaghyn 9:7

Eisht nee’m Israel y yiarey magh veih’n cheer ta mee er chur daue: as y thie shoh ta mee er chasherickey son my ennym, scugh-ym ass my hilley; as hig Israel dy ve son craid as an-ghoo mastey dy chooilley phobble:

Isaiah 48:2

Son t’ad genmys ad-hene lurg yn ard-valley casherick, as coyrt nyn marrant er Jee Israel; Chiarn ny flaunyssee e ennym.

Isaiah 59:4

Agh cha vel unnane geamagh son cairys, ny pleadeil son yn ynrickys: t’ad treishteil ayns fardail, as loayrt breagyn; t’ad gientyn olkys, as gymmyrkey magh mee-chairys.

Isaiah 66:1

Myr shoh ta’n Chiarn dy ghra, Ta niau my stoyl-reeoil, as y thalloo stoyl my choshey: c’raad ta’n thie hroggys shiu dooys? as cre raad ta ynnyd y fea aym?

Jeremiah 28:15

Eisht dooyrt y phadeyr Jeremiah rish yn adeyr Hananiah, Eaisht rhym nish, Hananiah, Cha vel yn Chiarn er dty choyrt; agh t’ou cur er y pobble shoh dy hreishteil ayns breg.

Jeremiah 29:23

Son dy vel ad er n’yannoo dy naareydagh ayns Israel, as er vrishey-poosey rish mraane nyn naboonyn, as er loayrt goan breagagh ayns my ennym, red nagh doardee mee daue: aym’s ta fys er shoh, as ta mee my eanish orroo, ta’n Chiarn dy ghra.

Jeremiah 29:31

Cur fys hucsyn ooilley jeh’n chappeeys, gra, Myr shoh ta’n Chiarn dy ghra mychione Shemaiah yn Nehelamite, Er-yn-oyr dy vel Shemaiah er n’yannoo phadeyrys diuish, as cha dug mish eh, as hug eh erriuish treishteil ayns breg;

Jeremiah 6:14

As s’coan t’ad er lheihys lhott inneen my phobble, gra, Shee, shee; tra nagh vel shee nyn gour.

Jeremiah 7:14

Neem’s jannoo rish y thie shoh ta enmyssit lurg my ennym’s, er ta shiu cur nyn marrant, as rish y voayl hug mee diuish, as da nyn ayraghyn, myr ren mee rish Shiloh.

Ezekiel 13:19

As der shiu orrym’s dy ve beg soit jee’m mastey my phobble son basslagh dy oarn, as son greme dy veer, dy stroie ny anmeenyn nagh lhisagh baase y gheddyn, as dy hauail bio ny anmeenyn nagh lhisagh ve bio, liorish nyn mreagyn gys my phobble, ta geaishtagh rish ny breagyn eu?

Micah 3:11

Ta ny briwnyn eck briwnys son leagh, as ny saggyrtyn eck gynsagh son faill, as ny phadeyryn eck phadeyrys son argid: ny-yeih t’ad goaill orroo dy ve ass lieh yn Chiarn, as gra, Nagh vel y Chiarn ny mast’ ain? cha jig olk erbee orrin.

Zephaniah 3:11

Ayns y laa shen cha bee nearey ort son ooilley dty obbraghyn, ayndoo t’ou er ve mee-viallagh m’oï: son eisht goyms ersooyl veih ny mast’ eu adsyn ta boggyssagh ayns dty voym, as cha bee oo arragh mooaralagh jeh my chronk casherick.

Noo Luke 3:8

Cur-jee magh nish er-y-fa shen messyn cooie dy arrys, as ny jean-jee toshiaght dy ghra riu hene, Ta Abraham ain son nyn ayr: son ta mee gra riu, dy vel pooar ec Jee eer jeh ny claghyn shoh cloan y hroggal seose da Abraham.