Jeremiah 7:32 - Yn Vible Casherick 1775 1819

³² Shen-y-fa, cur-my-ner, ta ny laghyn cheet, ta’n Chiarn dy ghra, nagh bee eh ny-sodjey enmyssit Tophet, ny, Coan mac Hinnom, agh, Coan ny kirp marroo: son nee ad goanluckey ayns Tophet derrey nagh bee boayl-oanluckee faagit.

Jeremiah 7:32 ပူးပေါင်းရင်းမြစ်များ

2 Reeaghyn 23:10

As ren eh torran jeh Topheth, ta ayns coan cloan Hinnom, nagh jinnagh dooinney erbee er e vac ny e inneen dy gholl trooid yn aile gys Molech.

Jeremiah 19:11

As nee oo gra roo, Myr shoh ta Chiarn ny sheshaghtyn flaunyssagh dy ghra, Eer myr shoh brish-yms y pobble shoh, as yn ard-valley shoh, myr ta fer brishey saagh craie yn phasheyder, nagh vod reesht ve jeant slane; as nee ad goanluckey ad ayns Tophet, derrey nagh bee boayl-oanluckee ayn.

Jeremiah 19:13

As bee thieyn Yerusalem, as thieyn reeaghyn Yudah, feohdoil myr yn ynnyd Tophet, kyndagh rish ooilley ny thieyn er y vullagh oc t’ad er lostey oural-incense da slane armee yn aer, as er gheayrtey magh chebballyn-feeyney da jeeghyn joarree.

Jeremiah 19:2

As gow magh gys coan mac Hinnom, ta er-gerrey da’n raad myr t’ou goll stiagh er y yiat har, as jean fockley-magh ayns shen ny goan ver-yms royd;

Jeremiah 19:6

Shen-y-fa, cur-my-ner, ta ny laghyn cheet, ta’n Chiarn dy ghra, nagh bee yn ynnyd shoh ny-sodjey enmyssit Tophet, ny, Coan mac Hinnom, agh, Coan y dunverys.

Jeremiah 31:40

As bee slane coan ny kirp marroo, as thorran ny leoie, as ooilley ny magheryn, choud’s strooan Chidron, gys corneil giat ny gabbyl lesh y shiar, casherick gys y Chiarn: cha bee eh er ny rassey veih’n undin, ny lhieggit, arragh son dy bragh.

Jeremiah 7:31

As t’ad er hroggal altaryn ayns Tophet, ta ayns coan mac Hinnom, dy lostey ny mec as ny inneenyn oc ’syn aile; red nagh doardee mee daue, chamoo haink y lheid ayns my chree.

Ezekiel 6:4

As bee ny altaryn eu treigit, as bee ny jallooyn eu er ny vrishey: as neem’s ny deiney marroo eu y hilgey sheese kiongoyrt rish nyn yallooyn.

Leviticus 26:30

As nee’m stroie nyn ard-ynnydyn, as giarey sheese ny jallooyn eu, as tilgey nyn gallinyn er callinyn ny jallooyn eu, as ver m’annym feoh diu.