Jeremiah 7:31 - Yn Vible Casherick 1775 1819

³¹ As t’ad er hroggal altaryn ayns Tophet, ta ayns coan mac Hinnom, dy lostey ny mec as ny inneenyn oc ’syn aile; red nagh doardee mee daue, chamoo haink y lheid ayns my chree.

Jeremiah 7:31 ပူးပေါင်းရင်းမြစ်များ

2 Reeaghyn 17:17

As hug ad er ny mec as ny inneenyn oc dy gholl trooid yn aile, as hug ad rish faishnys as obbeeys, as chreck ad ad-hene dy yannoo olk ayns shilley yn Chiarn, dy vrasnaghey eh gys corree.

2 Reeaghyn 23:10

As ren eh torran jeh Topheth, ta ayns coan cloan Hinnom, nagh jinnagh dooinney erbee er e vac ny e inneen dy gholl trooid yn aile gys Molech.

2 Reeaghyn 23:20

As hug eh gy-baase ooilley saggyrtyn ny ard-ynnydyn shen er ny altaryn, as losht eh craueyn deiney orroo, as hyndaa eh reesht gys Jerusalem.

2 Recortyssyn 28:3

Marish shoh, ren eh lostey incense ayns coan mac Hinnom, as heb eh e chloan son oural-losht, lurg cliaghtey eajee ny ashoonee va’n Chiarn er n’imman magh roish cloan Israel.

2 Recortyssyn 33:6

As hug eh er e chloan dy gholl trooid yn aile, ayns coan mac Hinnom: myrgeddin hug eh geill da traaghyn, as deiyr eh er obbeeys, as chliaghtee eh buitcheraght, as ren eh dellal rish spyrrydyn faishnee, as rish fir-obbee: dobbree eh shen ny va olk ayns shilley yn Chiarn, dy vrasnaghey eh gys corree.

Isaiah 30:33

Son s’foddey neayr’s va Tophet er ny oardaghey, eer cour yn ree te kiarit; t’eh er n’yannoo eh dowin as lhean: ta yn chreagh echey aile as lane fuygh, ta ennal y Chiarn myr strooan dy vrimstone dy oaddey eh.

Isaiah 57:5

Greinnaghey shiu hene seose gys jallooyn fo dy chooilley villey glass, marroo nyn gloan ayns ny coanyn fo scoltaghyn ny creggyn?

Jeremiah 19:2

As gow magh gys coan mac Hinnom, ta er-gerrey da’n raad myr t’ou goll stiagh er y yiat har, as jean fockley-magh ayns shen ny goan ver-yms royd;

Jeremiah 2:23

Kys oddys oo gra, Cha vel mee neu-ghlen, cha vel mee er n’eiyrt er Baalim? Jeeagh reesht gys dty raad ’sy choan, cooinee er shen t’ou er n’yannoo: t’ou myr dromedaree bieau joltagh er y raad;

Jeremiah 32:34

Agh hoie ad seose nyn yallooyn eajee ayns y thie ta enmyssit orrym, dy yannoo eh an-chasherick.

Jeremiah 32:35

As hrog ad altaryn Vaal, ta ayns coan mac Hinnom, dy choyrt er nyn mec as nyn inneenyn dy gholl trooid yn aile gys Molech, red nagh doardee mee daue, chamoo haink eh ayns my aigney, dy jinnagh ad lheid yn eajeeys shoh, dy hayrn Judah fo loght peccah.

Ezekiel 16:20

Ny-sodjey, t’ou er ghoaill dty vec, as dty inneenyn t’ou er n’ymmyrkey dooys, as ad shoh t’ou er hebbal myr oural daue dy ve stroit: vel shoh dty vaarderys red eddrym,

Ezekiel 20:26

As daag mee ad fo peccah ayns ny ourallyn oc hene, ayns shen dy dug ad er ooilley ny ta fosley yn vreïn dy gholl trooid yn aile, myr shoh dy leodaghey ad-hene, as fys dy ve oc, dy nee mish y Chiarn.

Ezekiel 20:31

Son tra ta shiu chebbal nyn yiootyn, tra ta shiu cur er nyn mec dy gholl trooid yn aile, ta shiu jannoo shiu hene eajee lesh ooilley nyn yallooyn, eer gys y laa t’ayn jiu: as jig shiu dy vriaght jeem’s, O hie Israel? myr ta mee bio, ta’n Chiarn Jee dy ghra; cha beem’s er my vriaght jeh lieriu.

Leviticus 18:21

Cha lhig oo veg jeh dty luight goll trooid yn aile gys Molech, chamoo nee oo tayrn mee-ooashley er ennym dty Yee: Mish y Chiarn.

Micah 6:7

Bee yn Chiarn er ny wooiys lesh thousaneyn dy reaghyn, ny lesh jeih thousaneyn dy awinyn ooil? der-ym my vac shinney son my vee-viallys, mess my chorp son peccah my annym?

Deuteronomy 12:31

Cha nee myr shoh nee oo rish y Chiarn dty Yee: son dy chooilley pheccah dwoaiagh as feohdoil gys y Chiarn, t’adsyn er n’yannoo gys ny jeeghyn oc: son eer nyn mec as inneenyn t’ad er lostey ’syn aile, gys ny jeeghyn oc.

Deuteronomy 17:3

As t’er n’gholl as er hirveish jeeghyn joarree, as er choyrt ooashley daue, edyr da’n ghrian, ny da’n eayst, ny da veg jeh pooaraghyn sollys yn aer, shoh ta mish er lhiettal;

Deuteronomy 18:10

Cha bee ry-gheddyn ny mast’ eu unnane erbee ta cur er e vac ny e inneen dy gholl trooid yn aile, ny jannoo faishnys, ny coyrt geill da traaghyn, ny fir-obbee, ny buitch,

Joshua 15:8

As hie’n chagliagh seose rish coan mac Hinnom, gys cheu-jiass y Jebusite; ta shen Jerusalem: as hie eh seose gys mullagh y clieau erskyn coan Hinnom sheear, ta ec kione-twoaie coan ny foawir: