Jeremiah 7:29 - Yn Vible Casherick 1775 1819

²⁹ Giare jeed dty olt, O Yerusalem, as tilg voïd eh, as trog seose dobberan er ny ard-ynnydyn; son ta’n Chiarn er n’yiooldey voish as er hreigeil sheeloghe e yymmoose.

Jeremiah 7:29 ပူးပေါင်းရင်းမြစ်များ

2 Reeaghyn 17:20

As ren y Chiarn tilgey jeh sluight Israel, as hug eh seaghyn nyn raad, as livrey eh ad gys laueyn ny spooilleyderyn, derrey v’eh dy bollagh er scughey ad ass e hilley.

Lioar Yob 1:20

Er shoh dirree Job, as raip eh e choamrey, as ren eh e chione y vaarey, as huitt eh sheese er y thalloo, as hug eh ooashley,

Isaiah 22:12

As er y laa shen ren y Chiarn, Jee ny flaunyssee, geamagh erriu gys keayney, as gys dobberan, as gys meaylid, as dy chur erriu aanrit-sack:

Jeremiah 12:7

Ta mee er hreigeil my hie, ta mee er chur voym my eiraght; ta mee er livrey ish va slane graih my chree gys laueyn e noidyn.

Jeremiah 14:19

Vel oo dy bollagh er hreigeil Judah? vel Zion dwoaie dty annym? cre’n-fa t’ou er woalley shin, as nagh vel saase nyn gour? va shin jerkal son shee, as cha vel veg y vie; as son earish slayntoil, as cur-my-ner seaghyn!

Jeremiah 16:6

Yiow chammah beg as mooar baase ’sy cheer shoh: cha bee ad er nyn oanluckey, chamoo nee sleih dobberan er nyn son, tayrn fuill orroo hene, ny jannoo ad-hene meayl er nyn son.

Jeremiah 3:2

Trog seose dty hooillyn gys ny ard-ynnydyn, as fow magh yn boayl raad nagh vel oo er n’yannoo maarderys: er ny raaidyn t’ou er hoie er nyn son, myr yn Arabian lhie cooyl-chlea ’syn aasagh; as t’ou er choyrt y cheer fo broïd lesh dty vaarderys, as dty vee-chraueeaght.

Jeremiah 3:21

Va coraa er ny chlashtyn er ny ard-ynnydyn, dobberan as keayney cloan Israel: son t’ad er hyndaa voym’s, as er yarrood yn Chiarn nyn Yee.

Jeremiah 47:5

Ta Gaza er n’aase meayl; ta Ashkelon er ny yiarey jeh marish jeelym ny glionney: caïd nee oo lhottey oo hene?

Jeremiah 48:37

Son bee dy chooilley chione meayl, as dy chooilley aasaag baarit: er dy chooilley laue vees geulaghyn, as aanrit-sack er nyn meeghyn.

Jeremiah 6:30

Trustyr dy argid nee sleih ad y enmys, son dy vel y Chiarn er hilgey jeh ad.

Jeremiah 9:10

Son ny sleityn trog-yms keayney as yllagh, as son ynnydyn-vaghee ny cheerey dobberan, er-yn-oyr dy vel ad losht seose, myr shen nagh vod unnane erbee goll nyn drooid, ny clashtyn eam yn ollagh: ta chammah eeanlee’n aer as y maase er chosney roue; t’ad er n’immeeaght.

Jeremiah 9:16

Nee’m ad y skeayley myrgeddin mastey ny ashoonee, nagh row enney chamoo oc hene ny ec nyn ayraghyn orroo: as ver-ym magh y cliwe geiyrt orroo, derrey vee’m er stroie ad.

Dobberan 5:22

Agh t’ou uss dy bollagh er n’yiooldey rooin: t’ou feer jymmoosagh nyn ’oï.

Ezekiel 19:1

Ny-sodjey, trog uss seose bardoon son princeyn Israel.

Ezekiel 28:12

Vac y dooinney, trog seose bardoon er ree Tyrus, as abbyr rish, Myr shoh ta’n Chiarn Jee dy ghra, T’ou sealal seose yn sym, lane dy chreenaght, as slane aalid.

Amos 5:1

Eaisht-jee rish yn goo shoh, ta mee goaill seose noi eu, eer dobberan hene, O hie Israel.

Micah 1:16

Jean oo hene meayl, as oo hene y vaarey son dty chloan dendeasagh; bee oo speeint myr yn urley ta coayl e edjagyn; son t’ad er n’gholl ayns cappeeys voïd.

Noo Mian 12:39

Agh dreggyr eshyn, as dooyrt eh roo, Ta drogh heeloghe as neu-ghooghyssagh shirrey cowrey, agh cha bee cowrey erbee er ny chur daue, agh cowrey yn adeyr Jonas.

Noo Mian 16:4

She drogh heeloghe as neu-ghooghyssagh ta shirrey cowrey, as cha bee cowrey er ny chur daue, agh cowrey yn adeyr Jonas. As daag eh ad, as jimmee eh roish.

Noo Mian 23:36

Dy firrinagh ta mee gra riu, Dy jig dy chooilley nhee jeu shoh er y cheeloghe shoh.

Noo Mian 3:7

Agh tra honnick eh ymmodee jeh ny Phariseeyn as ny Sadduceeyn cheet gys e vashtey, dooyrt eh roo, O shiuish heeloghe dy ard-nieughyn, quoi t’er chur raaue diu dy hea veih yn jymmoose ta ry-heet?

Jannoo 2:40

As lesh ymmodee goan elley dymmyrk eh feanish as choyrlee eh, gra, Saue-jee shiu hene veih’n cheeloghe roonagh shoh.

Deuteronomy 32:5

T’ad er n’yannoo ad hene neu-ghlen, ta’n vroïd oc neu-ghooghyssagh da’n chloan echeysyn: sheeloghe roonagh as camlaagagh ad.