Jeremiah 7:25 - Yn Vible Casherick 1775 1819

²⁵ Er-dyn laa haink nyn ayraghyn magh ass cheer Egypt gys y laa jiu, ta mee eer er choyrt hiu ooilley my harvaantyn ny phadeyryn, dagh laa girree dy moghey, as dy choyrt ad:

Jeremiah 7:25 ပူးပေါင်းရင်းမြစ်များ

2 Recortyssyn 24:19

Ny-yeih, haink phadeyryn huc, dy hyndaa ad reesht gys y Chiarn, as dymmyrk ad feanish nyn ’oï [ayns ennym y Chiarn] agh cha jinnagh ad geaishtagh.

2 Recortyssyn 36:15

As hug y Chiarn Jee nyn ayraghyn huc e haghteryn, coyrlaghey ad dy kinjagh as dy kiaralagh; son dy row chymmey echey er e phobble, as er e chummal chasherick.

Ezra 9:7

Er-dy laghyn nyn ayraghyn, ta shin er ve fo loght trome, gys y laa t’ayn jiu; as son y drogh-yannoo ain, ta shin hene, ny reeaghyn, as ny saggyrtyn ain er ve livreit gys laue reeaghyn ny ashoonyn, gys y chliwe, gys cappeeys, gys spooilley, gys nearey eddin, myr te yn laa jiu.

Nehemiah 9:26

Son shoh as ooilley v’ad mee-viallagh, as dirree ad magh dt’oï, as hilg ad dty leigh cheu nyn gooylloo, as varr ad dt’adeyryn, ren gymmyrkey feanish nyn ’oï, dy hyndaa ad hood’s, as ren ad uss dy mooar y vrasnaghey.

Nehemiah 9:30

Foast, dymmyrk oo lhieu ry bleeantyn foddey, gymmyrkey feanish nyn ’oï liorish dty spyrryd ayns dty adeyryn: ny-yeih, cha n’eaishtagh ad: er-yn-oyr shen livrey oo ad gys laue pobble ny cheeraghyn.

Isaiah 5:4

Cre smoo oddagh ve jeant son my gharey-feeyney, nagh vel mish er n’yannoo ayn? cre’n-fa eisht, tra yeeagh mee dy n’ymmyrkagh eh berrishyn-feeyney, dy dymmyrk eh berrishyn-feeyney feïe?

Jeremiah 11:7

Son ren mee breearrey chion noi nyn ayraghyn, ’sy laa hug mee lhiam ad seose ass cheer Egypt, eer gys y laa t’ayn jiu, girree dy moghey as cur raaue chion, as gra, Cur-jee biallys da my choraa.

Jeremiah 25:3

Veih’n trass vleïn jeig dy Yosiah mac Amon ree Yudah, eer gys y laa jiu, (ta shen y trass vleïn as feed,) ta goo yn Chiarn er ny ve cheet hym, as ta mee er ve loayrt riu, girree dy moghey as loayrt; agh cha vel shiu er n’eaishtagh.

Jeremiah 25:4

As ta’n Chiarn er choyrt hiu ooilley e harvaantyn ny phadeyryn, girree dy moghey as coyrt magh ad; agh cha vel shiuish er n’eaishtagh, ny er chroymmey nyn gleaysh dy chlashtyn.

Jeremiah 29:19

Er-yn-oyr nagh vel ad er choyrt geill da my ghoan, ta’n Chiarn dy ghra, loayr mee roo liorish my hirveishee ny phadeyryn, girree dy moghey as dy choyrt ad magh; agh cha n’eaishtagh shiu, ta’n Chiarn dy ghra.

Jeremiah 35:14

Ta sarey Yonadab mac Rechab jeant mie, myr doardee eh da e vec, gyn feeyn y iu; son gys y laa jiu cha vel ad giu veg, agh t’ad freayll sarey nyn ayr: ny-yeih ta mish er loayrt riuish, girree dy moghey as loayrt; agh cha dug shiu geill dou.

Jeremiah 35:15

Ta mee er choyrt hiu myrgeddin ooilley my harvaantyn ny phadeyryn, girree dy moghey as dy choyrt ad, gra, Chyndaa-jee nish dy chooilley ghooinney veih e ghrogh raad, as lhiassee-jee nyn raaidyn, as ny eiyr-jee er jeeghyn joarree dy hirveish ad, as nee shiu cummal ayns y cheer ta mish er choyrt diu hene, as da nyn ayraghyn; agh cha vel shiu er chroymmey nyn gleaysh, ny er n’eaishtagh rhym’s.

Jeremiah 44:4

Ny-yeih hug mish hiuish ooilley my harvaantyn ny phadeyryn, girree dy moghey, as dy choyrt ad, gra, Oh, ny jean-jee yn red dwoaiagh shoh, ta feoh aym er.

Jeremiah 7:13

As nish er-yn-oyr dy vel shiuish er n’yannoo ooilley ny obbraghyn shoh, ta’n Chiarn dy ghra, as dy loayr mee riu, girree dy moghey as loayrt, agh nagh vel shiu er n’eaishtagh rhym; as dy vel mee er n’eamagh erriu, agh cha vel shiu er reggyrt;

Ezekiel 2:3

As dooyrt eh rhym, Vac y dooinney, ta mee dy dty choyrt gys cloan Israel, gys ashoon mee-viallagh, t’er n’irree-magh m’oï: t’adsyn as nyn ayraghyn er n’irree-magh m’oï, eer gys y laa t’ayn jiu.

Hosea 11:7

As ta my phobble soit er skyrraghtyn voym; ga dy row eam oc gys yn er smoo syrjey, cha dug fer erbee ard-voylley da.

Hosea 12:10

Ta mee myrgeddin er loayrt liorish ny phadeyryn, as er vishaghey ashlishyn, as chliaghtee mee co-soylaghyn, liorish shirveish ny phadeyryn.

Amos 2:11

As hrog mee seose ny mee eu son phadeyryn, as ny deiney aegey eu son Nazariteyn. Nagh vel eh eer myr shoh, O shiuish chloan Israel? ta’n Chiarn dy ghra.

Malachi 3:7

Veih eer laghyn ny ayraghyn eu, ta shiu er n’gholl er-shaghryn veih my lattyssyn, as cha vel shiu er reayll ad: chyndaa-jee hym’s, as chyndaa-yms hiuish, ta Chiarn ny flaunyssee dy ghra: agh dooyrt shiu, Kys nee mayd chyndaa?

Noo Luke 11:49

As shoh yn oyr ta creenaght Yee er ghra, Ver-ym huc phadeyryn as ostyllyn, as paart jeu nee ad y varroo, as tranlaase y yannoo orroo:

Deuteronomy 9:7

Cooinee er, as ny jarrood, kys ren oo yn Chiarn dty Yee y vrasnaghey gys jymmoose ’syn aasagh: er-dyn laa daag oo cheer Egypt, derrey haink shiu gys yn ynnyd shoh, ta shiu er ve ayns irree-magh noi yn Chiarn.