Jeremiah 7:23 - Yn Vible Casherick 1775 1819

²³ Agh shoh hug mee er y churrym oc, gra, Cur-jee biallys da my choraa, as beem’s yn Jee euish, as bee shiuish yn pobble aym’s; as jean-jee gimmeeaght ayns ooilley ny raaidyn ta mee er n’oardaghey diu, dy vod eh ve dy mie mêriu.

Jeremiah 7:23 ပူးပေါင်းရင်းမြစ်များ

Lioar Yob 36:11

My ver ad biallys as shirveish da, nee ad baarail nyn laghyn ayns maynrys, as nyn mleeantyn ayns shee:

Psalmyn 119:3

Son t’adsyn nagh vel jannoo veg yn olk: gimmeeaght ayns e raaidyn.

Psalmyn 40:6

O Hiarn my Yee, s’mooar ta ny obbraghyn yindyssagh t’ou uss er n’yannoo, myr ta neesht dty smooinaghtyn hooinyn: as foast cha vel y dooinney shen oddys yn earroo oc y hoiaghey royd dy kiart.

Psalmyn 81:13

Myr shen livrey mee ad seose gys sayntyn nyn greeaghyn hene: as lhig mee daue geiyrt er ny smooinaghtyn fardalagh oc hene.

Exodus 15:26

As dooyrt eh, My nee oo geaishtagh dy tastagh rish coraa yn Chiarn dty Yee, as jannoo shen ny ta kiart ayns e hilley, as my ver oo geill da ny saraghyn echey, dy reaylley ooilley e lattyssyn; cha der-ym veg jeh ny doghanyn shen ort’s hug mee er ny Egyptianee: son mish y Chiarn ta cur dhyt dty lhaynt.

Exodus 16:32

As dooyrt Moses, Shoh’n red ta’n Chiarn dy harey, lhieen-jee omer jeh, dy ve tashtit son ny sheelogheyn eu; dy vod adsyn fakin yn arran lesh ren mee shiu y veaghey ’syn aasagh, tra hug mee lhiam shiu magh ass cheer Egypt.

Isaiah 3:10

Abbyr-jee rish y dooinney ynrick, Dy jig eshyn jeh dy mie; son nee ad soylley y ghoaill jeh mess nyn yannoo.

Jeremiah 11:4

Shen hug mee ayns currym da nyn ayraghyn ’sy laa hug mee lhiam magh ad veih cheer Egypt, veih’n choirrey yiarn, gra, Bee-jee biallagh da goan my choraa, as jean-jee ad y chooilleeney, cordail rish ooilley ta mee dy harey diu: myr shen bee shiuish yn pobble aym’s, as beem’s yn Jee euish;

Jeremiah 11:7

Son ren mee breearrey chion noi nyn ayraghyn, ’sy laa hug mee lhiam ad seose ass cheer Egypt, eer gys y laa t’ayn jiu, girree dy moghey as cur raaue chion, as gra, Cur-jee biallys da my choraa.

Jeremiah 13:11

Son myr ta’n cryss er ny hionney mysh corp dooinney, myr shen hug mee er slane thie Israel, as slane thie Yudah, dy ve er ny hionney hym’s, ta’n Chiarn dy ghra; dy ve dooys son pobble, as son ennym, as son moylley, as son gloyr: agh cha n’eaishtagh ad rhym.

Jeremiah 22:21

Loayr mee rhyt ayns dty vaynrys: agh dooyrt oo, Cha jean-ym geaishtagh: shoh va dty chliaghtey veih dty aegid, nagh dug oo biallys da my choraa.

Jeremiah 22:3

Myr shoh ta’n Chiarn dy ghra, Shirveish-jee briwnys cairagh as jeeragh, as livrey-jee eshyn ta tranlaasit veih laue yn tranlaasagh: as ny jean-jee aggair, ny tranlaase erbee er y joarree, yn lhiannoo gyn ayr, ny’n ven-treoghe, chamoo jean-jee fuill gyn-loght y gheayrtey ’syn ynnyd shoh.

Jeremiah 24:7

As ver-ym daue cree dy chur enney orrym’s, dy nee mish y Chiarn; as bee adsyn y pobble aym’s, as beem’s yn Jee ocsyn: son nee ad chyndaa reesht hym’s lesh nyn slane cree.

Jeremiah 31:33

Agh shoh vees y conaant neem’s rish thie Israel; Lurg ny laghyn shen, ta’n Chiarn dy ghra, ver-yms my leigh er cheu-sthie jeu, as scrieu-yms eh er nyn greeaghyn; as beem’s yn Jee oc, as bee adsyn my phobble’s.

Jeremiah 32:23

As haink ad stiagh ayn, as ve oc ayns nyn gummal; agh cha dug ad biallys da dty choraa, chamoo jimmee ad ayns dty leigh; cha vel ad er n’yannoo veg jeh ooilley ny t’ou er harey daue dy yannoo; shen-y-fa t’ou er choyrt orroo ooilley’n kerraghey trome shoh.

Jeremiah 38:20

Agh dooyrt Jeremiah, Cha jean ad oo y livrey seose: cur biallys, ta mee guee ort, da coraa yn Chiarn, ta mee dy loayrt rhyt: as hig eh dy mie lhiat, as bee dty annym bio.

Jeremiah 42:6

Edyr eh ve mie ny sie ver mayd biallys da coraa yn Chiarn nyn Yee, huggey ta shin dy dty choyrt; dy vod eh ve mie mârin, tra ta shin biallagh da coraa yn Chiarn y Jee ain.

Zephaniah 3:2

Cha row ee ammyssagh da’n goo: cha goghe ee rish ynsagh: cha hreisht ee ayns y Chiarn; cha daink ee er-gerrey da’n Jee eck.

Zechariah 6:15

As hig joarreeyn veih foddey, as troggee ad chiamble y Chiarn, as bee fys euish, dy vel Chiarn ny flaunyssee er my choyrt hiuish. As hig shoh gy-kione, my vees shiu imneagh dy chur biallys da coraa yn Chiarn y Jee eu.

Zechariah 7:7

Nagh lhisagh shiu tastey ’choyrt da my ghoan, ta’n Chiarn er n’ockley magh liorish ny chied phadeyryn, tra va cummaltee ayns Jerusalem, as ee hene ayns sonnys, as ny ard-valjyn eck ooilley mygeayrt-y-moee, tra va’n jiass as y cheer-rea fo slane cummaltee.

Romanee 16:26

Agh ta nish jeant cronnal, as liorish scriptyryn ny phadeyryn, cordail rish sarey yn Jee dy bragh farraghtyn, er ny hoilshaghey da dy chooilley ashoon son biallys da’n chredjue).

2 Corinthianee 10:5

Tilgey sheese resooney fardalagh, as dagh nhee mooaralagh ta soiaghey seose eh-hene noi tushtey Yee, as coyrt lhien ayns cappeeys dy chooilley smooinaghtyn gys biallys Chreest:

Deuteronomy 11:27

Bannaght, my ver shiu biallys da saraghyn y Chiarn nyn Yee, ta mee yn laa jiu dy choyrt er nyn gurrym:

Deuteronomy 13:4

Nee shiu tannaghtyn dy eiyrt er y Chiarn nyn Yee; as aggle y ghoaill roish, as freayll e annaghyn, as ve biallagh da e choraa, as nee shiu shirveish eh, as lhiantyn huggey.

Deuteronomy 13:5

As bee yn phadeyr ny’n dreamyder shen er ny choyrt gy-baase (son dy vel eh er loayrt dy hyndaa shiu ersooyl veih’n Chiarn nyn Yee, hug lesh shiu magh ass cheer Egypt, as deayshil shiu veih thie ny bondiaght, dy chur oo er-shaghryn jeh’n raad hug y Chiarn dty Yee sarey dhyt dy immeeaght ayn) myr shoh ver oo yn olk ersooyl veih ny mast’ eu.

Deuteronomy 30:2

As oo dy hyndaa gys y Chiarn dty Yee, as biallys y choyrt da e choraa, ayns ooilley ny ta mee sarey dhyt jiu, oo hene, as dty chloan, lesh ooilley dty chree, as lesh ooilley dty annym.

Deuteronomy 30:20

Dy vod oo graih y choyrt da’n Chiarn dty Yee, as ve biallagh gys e choraa, as dy vod oo lhiantyn huggey [son eshyn dty vioys, as lhiurid dty laghyn] dy vod oo cummal ayns y cheer, vreear y Chiarn da dty ayraghyn, da Abraham, da Isaac, as da Jacob, dy choyrt daue.

Deuteronomy 30:8

As nee oo chyndaa reesht, as coyrt biallys da coraa’n Chiarn, as cooilleeney ooilley e annaghyn, ta mee jiu dy dty harey.

Deuteronomy 4:10

Agh erskyn ooilley, yn laa ayn hass oo kiongoyrt rish y Chiarn dty Yee ayns Horeb, tra dooyrt y Chiarn rhym’s, Chaggil yn pobble dy cheilley hym’s, as ver-yms orroo clashtyn my ghoan, dy vod ad gynsaghey dy ghoaill aggle roym’s, ooilley ny laghyn vees ad bio er y thalloo, as dy vod ad gynsaghey nyn gloan.

Deuteronomy 4:40

Nee oo er-y-fa shen freayll e lattyssyn as e annaghyn ta mish dy harey dhyt’s jiu, dy vod oo hene ve maynrey, as dty chloan dty lurg, as dy vod dty laghyn ve foddey beayn ’sy cheer, ta’n Chiarn dty Yee coyrt dhyt.

Deuteronomy 5:16

Cur arrym da dt’ayr, as da dty voir, myr ren y Chiarn dty harey; dy vod dty laghyn ve foddey beayn, as dy vod oo ve maynrey ayns y cheer ta’n Chiarn dty Yee dy chur dhyt.

Deuteronomy 5:29

O dy beagh lheid y cree ayndoo, dy goghe ad aggle roym, as dy vreillagh ad ooilley my annaghyn dy kinjagh, dy voddagh ad hene as nyn gloan ve maynrey son dy bragh!

Deuteronomy 5:33

Nee shiu gimmeeaght ayns ooilley ny raaidyn, ta’n Chiarn y Jee eu er harey diu, dy vod shiu ve bio, as maynrey, as dy vod nyn laghyn ve beayn, ayns y cheer ta kiarit diu son eiraght.

Deuteronomy 6:3

Eaisht er-y-fa shen, O Israel, as gow tastey dy yannoo eh, dy vod oo ve maynrey, as dy vod shiu bishaghey dy mooar, myr ta’n Chiarn Jee dty ayraghyn er yialdyn dhyt, ’sy cheer ta palchey ayns bainney as mill.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

1 Samuel 15:22

As dooyrt Samuel, Vel wheesh dy haitnys ec y Chiarn ayns ourallyn-losht as chebballyn, as t’echey ayns biallys da coraa’n Chiarn? Cur-my-ner, ta biallys ny share na oural, as dy choyrt ammys, na riurid reaghyn.