Jeremiah 7:22 - Yn Vible Casherick 1775 1819

²² Son cha loayr mee rish nyn ayraghyn, chamoo hug mee currym orroo mychione chebballyn-losht ny ourallyn, ’sy laa hug mee lhiam ad magh ass cheer Egypt.

Jeremiah 7:22 ပူးပေါင်းရင်းမြစ်များ

Psalmyn 40:6

O Hiarn my Yee, s’mooar ta ny obbraghyn yindyssagh t’ou uss er n’yannoo, myr ta neesht dty smooinaghtyn hooinyn: as foast cha vel y dooinney shen oddys yn earroo oc y hoiaghey royd dy kiart.

Jeremiah 32:30

Son cha vel cloan Israel, as cloan Yudah, er n’yannoo monney agh ynrycan olk kiongoyrt rhym veih nyn aegid: son ta cloan Israel ooilley-cooidjagh er vrasnaghey my yymmoose lesh obbyr nyn laueyn, ta’n Chiarn dy ghra.

Hosea 6:6

Son yeearree mee myghin roish oural: as tushtey dy Yee, ny smoo na ourallyn-losht.

Noo Mian 9:13

Agh immee-jee shiuish, as ynsee-jee cre ta dy ve toiggit liorish y raa shoh, S’bare lhiam myghin na oural: son cha daink mish dy eamagh er y vooinjer chairagh, agh er peccee gys arrys.

Noo Mark 12:33

As dy ve graihagh er lesh ooilley yn chree, as lesh ooilley yn tushtey, as lesh ooilley yn annym, as lesh ooilley yn niart, as dy ve graihagh er e naboo myr er hene, ta shen ny smoo na ooilley ny slane chebballyn-losht as ourallyn.

Deuteronomy 17:3

As t’er n’gholl as er hirveish jeeghyn joarree, as er choyrt ooashley daue, edyr da’n ghrian, ny da’n eayst, ny da veg jeh pooaraghyn sollys yn aer, shoh ta mish er lhiettal;

1 Samuel 15:22

As dooyrt Samuel, Vel wheesh dy haitnys ec y Chiarn ayns ourallyn-losht as chebballyn, as t’echey ayns biallys da coraa’n Chiarn? Cur-my-ner, ta biallys ny share na oural, as dy choyrt ammys, na riurid reaghyn.