Jeremiah 7:21 - Yn Vible Casherick 1775 1819

²¹ Myr shoh ta Chiarn ny flaunyssee, Jee Israel, dy ghra, Cur-jee nyn jebballyn-losht gys nyn ourallyn, as ee-jee feill.

Jeremiah 7:21 ပူးပေါင်းရင်းမြစ်များ

Psalmyn 50:8

Cha der-yms oghsan dhyt son dty ourallyn, ny son dty hebballyn-losht: son nagh row ad kinjagh kiongoyrt rhym.

Isaiah 43:23

Cha nee dooys t’ou er hebbal eayin ny mannanyn dty ourallyn-losht, chamoo t’ou er ooashlaghey mish lesh dty hebballyn: cha nee mish t’er chiangley lheid yn oural ort, ny er choyrt oo gys cost incense.

Jeremiah 14:12

Tra t’ad freayll trostey, cha n’eaisht-ym rish yn accan oc; as tra t’ad jannoo oural-losht as chebballyn, cha jean-ym soiaghey jeu; agh ver-ym mow ad lesh y chliwe, as lesh y ghortey, as lesh y chramp.

Jeremiah 6:20

Gys cre’n ymmyd ta incense cheet hym’s veih Sheba, as y cane millish veih cheer foddey jeh? cha vel taitnys aym ayns nyn jebballyn-losht, chamoo ta nyn ourallyn gys my aigney,

Ezekiel 33:25

Er-yn-oyr shoh, abbyr roosyn, Myr shoh ta’n Chiarn Jee dy ghra, Ta shiu gee lesh yn uill, as troggal seose nyn sooillyn gys ny jalloonyn eu, as deayrtey fuill; as vow shiu yn cheer myr eiraght?

Hosea 8:13

T’ad ouralley feill son ourallyn my hebballyn, as t’ad gee eh; agh cha vel y Chiarn jannoo soiaghey jeu: nish nee eh cooinaghtyn er nyn mee-chairys, as kerraghey nyn beccaghyn: nee ad chyndaa reesht gys Egypt.

Deuteronomy 12:27

As nee oo chebbal dty ourallyn-losht, yn eill as yn uill, er altar yn Chiarn dty Yee: as bee fuill dty ourallyn er ny gheayrtey magh er altar y Chiarn dty Yee: as nee oo gee yn eill.