Jeremiah 7:2 - Yn Vible Casherick 1775 1819

² Shass ayns giat thie’n Chiarn, as jean fockley-magh ayns shen ny goan shoh, as abbyr, Clasht-jee goo yn Chiarn, ooilley shiuish sleih Yudah, ta goll stiagh er ny giattyn shoh dy chur ooashley da’n Chiarn:

Jeremiah 7:2 ပူးပေါင်းရင်းမြစ်များ

1 Reeaghyn 22:19

As dooyrt eh, Eaisht uss, er-y-fa shen, rish goo’n Chiarn: Honnick mee yn Chiarn ny hoie er e stoyl-reeoil, as ooilley sheshaght-flaunyss ny hassoo liorish, er e laue yesh as er e laue hoshtal.

Psalmyn 122:2

Shassee ny cassyn ainyn ayns dty yiattyn: O Yerusalem.

Isaiah 1:10

Clasht-jee rish goo yn Chiarn, shiuish reiltee Sodom; eaisht-jee rish leigh yn Jee ain, shiuish phobble Ghomorrah:

Jeremiah 10:1

Clasht-jee rish yn goo ta’n Chiarn dy loayrt riu, O hie Israel:

Jeremiah 11:6

Eisht dooyrt y Chiarn rhym, Jean ooilley ny goan shoh y ockley magh ayns ard-valjyn Yudah, as ayns straïdyn Yerusalem, gra, Clasht-jee goan y chonaant shoh, as jean-jee ad y chooilleeney.

Jeremiah 19:14

Eisht haink Jeremiah veih Tophet, raad va’n Chiarn er choyrt eh dy yannoo phadeyrys, as hass eh ayns cooyrt thie yn Chiarn, as dooyrt eh rish ooilley yn pobble.

Jeremiah 2:2

Immee, cur eam ayns cleayshyn Yerusalem, gra, Myr shoh ta’n Chiarn dy ghra, Ta cooinaghtyn aym’s ort’s, er kenjallys dty aegid, er dty ghraih tra v’ou nasht rhym, tra deiyr oo orrym ’syn aasagh, ayns cheer nagh row rieau fo.

Jeremiah 2:4

Clasht-jee goo’n Chiarn, O shiuish hie Yacob, as ooilley kynneeyn thie Israel:

Jeremiah 26:2

Myr shoh ta’n Chiarn dy ghra, Shass ayns cooyrt thie yn Chiarn, as loayr rish ooilley ard-valjyn Yudah, ta cheet dy ooashlaghey ayns thie yn Chiarn, ooilley ny goan, ta mee coyrt er dty churrym dy loayrt roo; ny lhig sheese fockle jeh:

Jeremiah 28:5

Eisht dooyrt y phadeyr Jeremiah rish y phadeyr Hananiah, fenish ny saggyrtyn as ooilley’n pobble, va nyn shassoo ayns thie yn Chiarn,

Jeremiah 34:4

Ny-yeih eaisht rish goo yn Chiarn, O Zedekiah ree Yudah; Myr shoh ta’n Chiarn dy ghra jeed’s, Cha vow baase lesh y chliwe;

Jeremiah 36:10

Eisht ren Baruch lhaih ass y lioar goan Yeremiah ayns thie yn Chiarn, ayns shamyr Ghemariah mac Shaphan y scrudeyr, ’sy chooyrt syrjey, liorish giat noa thie yn Chiarn, ayns clashtyn ooilley yn pobble.

Jeremiah 36:6

Shen-y-fa immee uss, as jean lhaih ’sy lioar, t’ou er scrieu veih my veeal, goan y Chiarn, ayns clashtyn y phobble, ayns thie yn Chiarn er y laa troshtee: as nee oo lhaih ad neesht ayns clashtyn ooilley Judah ta cheet ass nyn ard-valjyn.

Jeremiah 44:24

Ny-sodjey dooyrt Jeremiah rish ooilley yn pobble, as rish ooilley ny mraane, eaisht-jee rish goo yn Chiarn, shiuish ooilley Yudah ta ayns cheer Egypt;

Jeremiah 7:1

Yn goo haink gys Jeremiah veih’n Chiarn, gra,

Ezekiel 37:1

Va laue yn Chiarn orrym’s, as hug eh lesh mee magh ayns spyrryd y Chiarn, as lhig eh sheese mee ayns mean y choan va lane dy chraueyn,

Hosea 5:1

Eaisht-jee rish shoh, O haggyrtyn, as cur-jee tastey, shiuish hie Israel, as jean-jee clashtyn, O hie yn ree; son ta briwnys ny chour eu, er-yn-oyr dy vel shiu er ve ny ribbey er Mizpah, as myr lieen skeaylt er Tabor.

Amos 7:16

Nish er-y-fa shen, eaisht uss rish goo yn Chiarn: t’ou gra, Ny jean phadeyrys noi Israel, as ny lhig fockle voïd noi thie Isaac.

Micah 1:2

Clasht-jee, ooilley shiuish phobble: eaisht, O halloo, as ooilley ny t’ayn: as lhig da’n Chiarn Jee ve feanish nyn ’oï, eer y Chiarn voish e hiamble casherick.

Micah 3:1

As dooyrt mish, clasht-jee, ta mee guee erriu, O shiuish leeideilee Yacob, as shiuish phrinceyn thie Israel, nagh vel eh bentyn diuish dy hoiggal briwnys?

Micah 3:9

Eaisht-jee rish shoh, ta mee guee erriu, shiuish leeideilee thie Yacob, as princeyn thie Israel, ta dwoaiagh er briwnys, as cassey dy chooilley chairys.

Noo Mian 13:9

Eshyn ta cleayshyn echey dy chlashtyn, lhig da clashtyn.

Noo Ean 18:20

Dreggyr Yeesey eh, Loayr mee dy foshlit rish y theihll: dynsee mee kinjagh ayns y cheeill, as ayns y chiamble, raad ta ny Hewnyn kinjagh taaghey, as dy follit cha vel mee er ghra nhee erbee.

Jannoo 5:20

Immee-jee, as shass-jee, as loayr-jee ayns y chiamble rish y pobble ooilley goan y vea shoh.

Jannoo 5:42

As gagh laa ayns y chiamble, as veih thie dy thie cha scuirr ad dy ynsaghey as dy phreacheil Yeesey Creest.

Ashlish 2:11

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn, Cha vow eshyn ta geddyn y varriaght, aggair liorish y nah vaase.

Ashlish 2:17

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn. Dasyn ta geddyn yn varriaght ver-yms dy ee jeh’n manna follit, as ver-ym da clagh vane, as er y chlagh ennym noa scruit, nagh nione da dooinney erbee, agh eshyn ta dy gheddyn eh.

Ashlish 2:29

Eshyn ta cleaysh echey, lhig da clashtyn ny ta’n Spyrryd dy ghra rish ny kialteenyn.

Ashlish 2:7

Eshyn ta cleaysh echey, lhig da clashtyn cre ta’n Spyrryd dy ghra rish ny kialteenyn. Dasyn yiow yn varriaght ver-ym’s dy ee jeh billey yn vea, ta ayns mean paradise Yee.

Ashlish 3:13

Eshyn ta cleaysh echey, lhig eh clashtyn ny ta’n Spyrryd dy ghra rish ny kialteenyn.

Ashlish 3:22

Eshyn ta cleaysh echey, lhig eh clashtyn ny ta’n Spyrryd dy ghra rish ny kialteenyn.

Ashlish 3:6

Eshyn ta cleaysh echey, lhig eh clashtyn ny ta’n Spyrryd dy ghra rish ny kialteenyn.