Jeremiah 7:19 - Yn Vible Casherick 1775 1819

¹⁹ Vel ad brasnaghey mish gys corree? ta’n Chiarn dy ghra: nagh nee ad-hene t’ad dy vrasnaghey, gys nearey nyn eddin hene?

Jeremiah 7:19 ပူးပေါင်းရင်းမြစ်များ

Ezra 9:7

Er-dy laghyn nyn ayraghyn, ta shin er ve fo loght trome, gys y laa t’ayn jiu; as son y drogh-yannoo ain, ta shin hene, ny reeaghyn, as ny saggyrtyn ain er ve livreit gys laue reeaghyn ny ashoonyn, gys y chliwe, gys cappeeys, gys spooilley, gys nearey eddin, myr te yn laa jiu.

Lioar Yob 35:6

My t’ou cur-rish peccah, cre t’ou dy yannoo n’oï? ny my ta dty ghrogh-yannoo er ny vishaghey, cre oddys oo jannoo rishyn?

Isaiah 1:20

Agh my ta shiu gobbal as girree-magh, bee shiuish er nyn stroie lesh y chliwe: son ta beeal y Chiarn er loayrt eh.

Isaiah 1:24

Shen-y-fa myr shoh ta’n Chiarn dy ghra, Chiarn ny flaunyssee, Jee niartal Israel, Ah, neem’s reaghey rish my noidyn, as goym cooilleeney orroosyn ta girree-magh m’oï.

Isaiah 45:16

Bee nearey orroo, as bee ad myrgeddin er nyn gastey, dagh fer jeu: bee ad ooilley naardey dy cheilley ta jannoo jallooyn.

Jeremiah 15:9

T’eeish t’er n’ymmyrkey shiaght dy chloan raad y vaaish; t’ee er phaartail; ta’n ghrian er n’gholl sheese urree choud as va’n laa foast ayn; v’ee coodit lesh nearey as atchim: as yn fooilliagh jeu livrey-ym da’n chliwe roish ny noidyn oc, ta’n Chiarn dy ghra.

Jeremiah 2:17

Nagh vel oo er dayrn shoh ort hene, liorish dy vel oo er hreigeil yn Chiarn dty Yee, va dty leeideilagh raaidey?

Jeremiah 2:19

Nee dty vee-chraueeaght hene uss y smaghtaghey, as nee dty chooyl-skyrraghtyn hene oo y gheyrey: toig er-y-fa shen, as gow tastey vie, dy vel eh ny red olk as sharroo dy vel oo er hreigeil yn Chiarn dty Yee, as nagh vel yn aggle aym’s aynyd, ta Chiarn ny sheshaghtyn flaunyssagh dy ghra.

Jeremiah 20:11

Agh ta’n Chiarn mârym’s myr fer-caggee niartal as atchimagh; shen-y-fa nee my hranlaasee tuittym, as cha vow ad yn varriaght; bee ad coodit lesh nearey; son cha jig eh lhieu; cha bee yn slane toyrt-mow oc dy bragh er ny yarrood.

Jeremiah 22:22

Nee’n gheay sheebey ersooyl ooilley dty vochillyn, as hed dty chaarjyn graihagh roue ayns cappeeys: shickyr eisht bee oo coodit lesh nearey as atchim son ooilley dty vee-chraueeaght.

Jeremiah 25:7

Ny-yeih cha vel shiu er n’eaishtagh rhym, ta’n Chiarn dy ghra; myr shoh dy ghreinnaghey my yymmoose lesh obbraghyn nyn laueyn gys y choayl eu hene.

Jeremiah 3:25

Ta shin lhie sheese ayns nyn nearey, as ta nyn sou-aigney dy laadey shin: son ta shin er n’yannoo peccah noi’n Chiarn nyn Yee, shin hene as nyn ayraghyn, veih nyn aegid eer gys y laa jiu, as cha vel shin er choyrt biallys da coraa yn Chiarn y Jee ain.

Jeremiah 44:3

Son ooilley yn olk t’ad er n’yannoo, dy my vrasnaghey gys corree, as dy jagh ad dy lostey incense, as dy hirveish jeeghyn joarree, nagh bione daue hene, ny shiuish, ny nyn ayraghyn.

Jeremiah 8:19

Cur-my-ner, coraa accan inneen my phobble, kyndagh roosyn ta cummal ayns cheer foddey. Nagh vel y Chiarn ayns Zion? nagh vel y ree ecksh aynjee? cre’n-fa eisht t’ad er my vrasnaghey gys corree lesh nyn yallooyn grainnit, as lesh fardalyssyn joarree?

Jeremiah 9:19

Son ta coraa yllaghey er ny chlashtyn veih Zion, Kys ta shin er nyn spooilley! ta cragh hrome er jeet orrin, liorish dy vel shin er hreigeil y cheer, as dy vel nyn gummallyn er hilgey shin magh.

Ezekiel 16:26

T’ou er n’yannoo maarderys myrgeddin rish ny Egyptianee dty naboonyn, mooar ayns feill; as t’ou er vishaghey dty streebeeys, dy my vrasnaghey gys corree.

1 Corinthianee 10:22

Vel shin brasnaghey yn Chiarn gys corree? vel shin ny s’troshey na eshyn?

Deuteronomy 32:16

Ren ad eh y vrasnaghey gys corree, lesh jeeghyn joarree, lesh nyn obbraghyn eajee vrasnee ad eh.