Jeremiah 7:18 - Yn Vible Casherick 1775 1819

¹⁸ Ta’n chloan teiy spollagyn, as ta ny ayraghyn foaddey yn aile, as ny mraane fuinney yn theayst, dy vroie keeakyn da ben-reïn yn aer, as dy hebbal ourallyn-feeyney da jeeghyn joarree, dy my vrasnaghey gys corree.

Jeremiah 7:18 ပူးပေါင်းရင်းမြစ်များ

1 Reeaghyn 14:9

Agh t’ou er n’yannoo olk erskyn ooilley ny va royd; son t’ou er n’gholl as er n’yannoo dhyt jeeghyn elley, as jallooyn lheït, dy my vrasnaghey gys corree, as t’ou er jyndaa cooyl rhym:

1 Reeaghyn 16:2

Son wheesh as dy hrog mee oo seose veih’n joan, as er n’yannoo jeed prince harrish my phobble Israel, as t’ou uss er hooyl ayns raad Yeroboam, as er hayrn my phobble Israel gys peccah, dy vrasnaghey mee gys corree lesh nyn beccaghyn;

Psalmyn 16:4

Agh adsyn ta geiyrt er Jee elley: yiow seaghyn mooar.

Isaiah 3:8

Son ta Jerusalem naardey, as ta Judah er duittym; er-yn-oyr dy vel yn chengey as yn jannoo oc noi yn Chiarn, dy vrasnaghey sooillyn e ghloyr.

Isaiah 57:6

Mastey claghyn shliawn y trooan ta dty chronney; t’adsyn, eer adsyn yn cronney ayd’s; dy jarroo dauesyn t’ou er gheayrtey magh oural-feeyney, t’ou er hebbal oural-arran. Cre’n taitnys oddym’s goaill ayndoo shoh?

Isaiah 65:11

Agh shiuish adsyn ta treigeil y Chiarn, ta jarrood my lieau’s casherick, ta gaarlagh boayrd da’n cheshaght shen, as jannoo magh oural-feeyney da’n earroo shen.

Isaiah 65:3

Pobble ta dy my vrasnaghey gys corree dy kinjagh gys my eddin; ta ouralley gys nyn yallooyn ayns ny garaghyn, as lostey incense er altaryn dy vreek;

Jeremiah 1:16

As neem’s my vriwnyssyn y ockley magh noi oc son ooilley yn vee-chraueeaght ocsyn, t’er my hreigeil, as er lostey incense da jeeghyn elley, as er choyrt ooashley da obbraghyn nyn laueyn hene.

Jeremiah 11:17

Son ta Chiarn ny sheshaghtyn flaunyssagh ren dty hoiaghey er n’ockley magh olk dt’oï, son drogh-yannoo thie Israel, as thie Yudah, t’ad er n’yannoo gys yn assee oc hene, dy my vrasnaghey gys corree, liorish chebbal incense da Baal.

Jeremiah 17:2

Choud as ta nyn gloan freayll ayns cooinaghtyn ny altaryn eu, as ny keylljyn dy viljyn glassey er ny croink ard.

Jeremiah 19:13

As bee thieyn Yerusalem, as thieyn reeaghyn Yudah, feohdoil myr yn ynnyd Tophet, kyndagh rish ooilley ny thieyn er y vullagh oc t’ad er lostey oural-incense da slane armee yn aer, as er gheayrtey magh chebballyn-feeyney da jeeghyn joarree.

Jeremiah 25:7

Ny-yeih cha vel shiu er n’eaishtagh rhym, ta’n Chiarn dy ghra; myr shoh dy ghreinnaghey my yymmoose lesh obbraghyn nyn laueyn gys y choayl eu hene.

Jeremiah 32:29

As hig ny Caldeanee ta caggey noi yn ard-valley shoh, as ver ad aile ayns yn ard-valley shoh, as loshtee ad eh, marish ny thieyn er ny mulleeyn oc t’ad er hebbal incense da Baal, as er gheayrtey magh ourallyn-feeyney gys jeeghyn joarree, dy vrasnaghey my yymmoose.

Jeremiah 44:25

Myr shoh ta Chiarn ny flaunyssee, Jee Israel, dy ghra, Ta shiu hene as ny mraane eu chammah er loayrt lesh nyn meeal, as er chooilleeney lesh nyn laue, gra, Nee mayd dy shickyr cooilleeney ny breearraghyn ta shin er n’yannoo, dy lostey incense gys queen yn aer, as dy lhieeney magh ourallyn-feeyney gys yn ooashley eck: nee shiu dy jarroo cooilleeney nyn mreearraghyn, as dy shickyr jannoo mie ny ta shiu er yialdyn.

Jeremiah 44:4

Ny-yeih hug mish hiuish ooilley my harvaantyn ny phadeyryn, girree dy moghey, as dy choyrt ad, gra, Oh, ny jean-jee yn red dwoaiagh shoh, ta feoh aym er.

Jeremiah 7:17

Nagh vaik oo cre t’ad jannoo ayns ard-valjyn Yudah, as ayns straïdyn Yerusalem?

Dobberan 5:13

Ghow ad ny deiney aegey dy vlieh, as huitt ny scollagyn fo’n fuygh.

Ezekiel 16:26

T’ou er n’yannoo maarderys myrgeddin rish ny Egyptianee dty naboonyn, mooar ayns feill; as t’ou er vishaghey dty streebeeys, dy my vrasnaghey gys corree.

Ezekiel 20:28

Son tra hug mee lhiam ad stiagh ’sy cheer, er y hon ren mee breearrey, dy chur daue eh, eisht honnick ad dy chooilley chronk ard, as ooilley ny biljyn choo, as heb ad ayns shen nyn ourallyn, as ayns shen heb ad brasnaghey nyn jebballyn: ayns shen myrgeddin hoie ad magh nyn oural-arran, as gheayrt ad magh ayns shen nyn ourallyn-feeyney.

Ezekiel 8:16

Eisht hug eh lesh mee gys y chooyrt sodjey stiagh jeh thie yn Chiarn, as cur-my-ner, ec dorrys chiamble y Chiarn, eddyr y phorch as yn altar, va mysh queig deiney as feed, as nyn ghreeym er chiamble y Chiarn, as nyn oaie lesh y niar, as hug ad ooashley da’n ghrian lesh y niar.

Ezekiel 8:17

Eisht dooyrt eh rhym, Vel oo er vakin shoh, O vac y dooinney? nee red eddrym eh da thie Yudah, dy vel ad cur-rish lheid yn eajeeys, as t’ad dy yannoo ayns shoh? son t’ad er lhieeney yn thalloo lesh tranlaase, as t’ad er chur cooyl rhym, dy my vrasnaghey; as cur-my-ner ta’n broïd oc er chur feoh aynym.

1 Corinthianee 10:22

Vel shin brasnaghey yn Chiarn gys corree? vel shin ny s’troshey na eshyn?

Deuteronomy 32:16

Ren ad eh y vrasnaghey gys corree, lesh jeeghyn joarree, lesh nyn obbraghyn eajee vrasnee ad eh.

Deuteronomy 32:21

T’ad er my ghreinnaghey gys corree, lesh shen nagh nee jee eh, t’ad er m’ vrasnaghey gys jymmoose, lesh nyn jallooyn: as neem’s adsyn y ghreinnaghey gys eadaghey lioroosyn nagh nee pobble ad, nee’m ad y vrasnaghey gys corree lesh ashoon fardalagh.

Deuteronomy 4:19

As er-aggle dy drog oo dty hooillyn lesh yn aer, as tra hee oo yn ghrian, yn eayst, as ny rollageyn, dy jarroo slane sheshaght yn aer, dy bee oo cleaynit dy choyrt ooashley daue, as dy hirveish ad shen, ta’n Chiarn dty Yee er rheynn er dy chooilley ashoon fo niau.