Jeremiah 7:17 - Yn Vible Casherick 1775 1819

¹⁷ Nagh vaik oo cre t’ad jannoo ayns ard-valjyn Yudah, as ayns straïdyn Yerusalem?

Jeremiah 7:17 ပူးပေါင်းရင်းမြစ်များ

Jeremiah 1:16

As neem’s my vriwnyssyn y ockley magh noi oc son ooilley yn vee-chraueeaght ocsyn, t’er my hreigeil, as er lostey incense da jeeghyn elley, as er choyrt ooashley da obbraghyn nyn laueyn hene.

Jeremiah 32:29

As hig ny Caldeanee ta caggey noi yn ard-valley shoh, as ver ad aile ayns yn ard-valley shoh, as loshtee ad eh, marish ny thieyn er ny mulleeyn oc t’ad er hebbal incense da Baal, as er gheayrtey magh ourallyn-feeyney gys jeeghyn joarree, dy vrasnaghey my yymmoose.

Jeremiah 32:32

Kyndagh rish ooilley yn drogh-yannoo ta cloan Israel as cloan Yudah er chur-rish dy my vrasnaghey gys corree, ad-hene, nyn reeaghyn, nyn brinceyn, nyn saggyrtyn, as ny phadeyryn oc, marish deiney Yudah, as fir-vaghee Yerusalem.

Jeremiah 44:17

Agh nee mayd eer lurg nyn aigney hene, dy lostey incense gys queen yn aer, as dy lhieeney magh ourallyn-feeyney jee, myr boallagh shin, shin hene, as nyn ayraghyn, nyn reeaghyn, as nyn brinceyn, ayns ard-valjyn Yudah, as ayns straïdyn Yerusalem: son eisht va palchey beaghey ain, as va shin dy souyr, chamoo honnick shin olk erbee.

Jeremiah 44:4

Ny-yeih hug mish hiuish ooilley my harvaantyn ny phadeyryn, girree dy moghey, as dy choyrt ad, gra, Oh, ny jean-jee yn red dwoaiagh shoh, ta feoh aym er.

Jeremiah 44:6

Shen-y-fa va my eulys as my chorree deayrtit magh, as foaddit er ard-valjyn Yudah, as ayns straïdyn Yerusalem; as t’ad naardey as mow, myr ec y laa jiu.

Jeremiah 6:27

Ta mee er dty hoiaghey son toor as carrick mastey my phobble, dy vod oo toiggal as prowal nyn raaidyn.

Jeremiah 7:16

Shen-y-fa ny jean uss aghin son y pobble shoh, chamoo trog seose eam ny padjer er nyn son, chamoo loayr ass y lieh oc hym’s; son cha der-ym clashtyn dhyt.

Jeremiah 7:18

Ta’n chloan teiy spollagyn, as ta ny ayraghyn foaddey yn aile, as ny mraane fuinney yn theayst, dy vroie keeakyn da ben-reïn yn aer, as dy hebbal ourallyn-feeyney da jeeghyn joarree, dy my vrasnaghey gys corree.

Ezekiel 14:23

As nee ad shiuish y gherjaghey, tra hee shiu nyn raaidyn as nyn obbraghyn: as bee fys eu, nagh vel mee er n’yannoo gyn oyr, ooilley ny ta mee er n’yannoo ayn, ta’n Chiarn Jee dy ghra.