Jeremiah 7:16 - Yn Vible Casherick 1775 1819

¹⁶ Shen-y-fa ny jean uss aghin son y pobble shoh, chamoo trog seose eam ny padjer er nyn son, chamoo loayr ass y lieh oc hym’s; son cha der-ym clashtyn dhyt.

Jeremiah 7:16 ပူးပေါင်းရင်းမြစ်များ

2 Samuel 8:18

As Benaiah mac Jehoiada va harrish ny Cherethiteyn as ny Pelethiteyn; as va mec Ghavid ny ard-reiltee.

Exodus 32:10

Shen-y-fa nish, faag mee, dy vod my yymmoose brishey magh nyn ’oï, as dy voddym ad y stroie; as neem’s jeed’s ashoon mooar.

Isaiah 1:15

As tra ta shiu skeayley magh nyn laueyn, neem’s my hooillyn y hyndaa veue: dy jarroo tra ta shiu goaill ymmodee padjeryn, cha jean-ym clashtyn: ta nyn laueyn lane folley.

Jeremiah 11:14

Shen-y-fa ny jean uss guee ass lieh yn phobble shoh, chamoo jean aghin ny padjer y hebbal er nyn son: son cha n’eaisht-ym roo tra nee ad geamagh hym ayns earish nyn seaghyn.

Jeremiah 15:1

Eisht dooyrt y Chiarn rhym, Ga dy shassagh Moses as Samuel kiongoyrt rhym, ny-yeih cha vod my aigney y ve lesh y pobble shoh; ceau magh ad ass my hilley, as lhig daue goll.

Jeremiah 15:6

T’ou er hreigeil mish, ta’n Chiarn dy ghra, t’ou er chur cooyl rhym; shen-y-fa sheeyn-ym magh ort my laue, as nee’m dty stroie; ta mee skee lesh surranse-foddey rhyt.

Jeremiah 18:20

Nee olk vees er ny chooilleeney son mie? son t’ad er chleiy ooig son m’annym. Cooinee dy hass mish seose kiongoyrt rhyt’s dy loayrt ass y lieh oc, as dy hyndaa ersooyl voue dty yymmoose.

Jeremiah 4:28

Son shoh nee’n thalloo dobberan, as bee ny niaughyn heose ayns doo-dorraghys: er-y-fa dy vel mee er loayrt eh, ta foym dy bee eh jeant, as cha jean-ym arrys y ghoaill, chamoo nee’m shen y chaghlaa.

Jeremiah 7:17

Nagh vaik oo cre t’ad jannoo ayns ard-valjyn Yudah, as ayns straïdyn Yerusalem?

Micah 3:4

Eisht nee ad geamagh gys y Chiarn, agh cha jean eh ad y chlashtyn: nee eh dy jarroo e eddin y cheiltyn voue ec y traa shen, myr t’ad er n’ymmyrkey ad-hene dy olk ayns nyn yannoo.

Deuteronomy 9:14

Faag mee dou hene, dy voddym ad y stroie, as dy bollagh dolley ass yn ennym oc fo niau; as neem’s uss y hoiaghey seose harrish ashoon ny s’pooaral as ny smoo na ad shoh.

1 Ean 5:16

My ta dooinney erbee fakin e vraar cur rish peccah nagh vel gys baase, nee eh guee er e hon, as yiow eh bea er nyn son ocsyn nagh vel jannoo peccah gys baase. Ta peccah ayn gys baase: cha vel mee gra dy lhisagh eh guee er y hon.