Jeremiah 7:14 - Yn Vible Casherick 1775 1819

¹⁴ Neem’s jannoo rish y thie shoh ta enmyssit lurg my ennym’s, er ta shiu cur nyn marrant, as rish y voayl hug mee diuish, as da nyn ayraghyn, myr ren mee rish Shiloh.

Jeremiah 7:14 ပူးပေါင်းရင်းမြစ်များ

2 Reeaghyn 25:9

As losht eh thie yn Chiarn, as thie yn ree, as ooilley thieyn Yerusalem, as losht eh thieyn ny ard-gheiney lesh aile.

2 Recortyssyn 7:21

As y thie shoh ta cha ard, bee eh son yindys da dagh unnane ta goll shaghey; myr shen dy jir eh, Cre’n-fa ta’n Chiarn er n’yannoo myr shoh rish y cheer shoh, as rish y thie shoh?

Psalmyn 78:60

Tra cheayll Jee shoh, v’eh corree: as ghow eh jymmoose trome noi Israel;

Isaiah 64:11

Ta’n thie aalin as casherick ain, raad hug nyn ayraghyn moylley dhyt’s, losht lesh aile: as ta ooilley ny nheeghyn eunyssagh ain er nyn goyrt naardey.

Jeremiah 12:7

Ta mee er hreigeil my hie, ta mee er chur voym my eiraght; ta mee er livrey ish va slane graih my chree gys laueyn e noidyn.

Jeremiah 23:39

Shen-y-fa, cur-jee my-ner, neem’s, dy jarroo neem’s, shiuish y ghoaill ersooyl myr errey, as nee’m shiu y hreigeil, shiu hene, as yn ard-valley hug mee diuish as da nyn ayraghyn, as ver-yms shiu ass my hilley:

Jeremiah 26:18

Ren Micah yn Morasthite phadeyrys rish lhing Hezekiah ree Yudah, as loayr eh rish ooilley pobble Yudah, gra, Myr shoh ta Chiarn ny sheshaghtyn flaunyssagh dy ghra, Bee Zion traaueit myr magher, as bee Jerusalem jeant ny holtanyn, as yrjid y thie myr ardjyn ny keylley.

Jeremiah 26:4

As jir uss roo, Myr shoh ta’n Chiarn dy ghra, Mannagh n’eaisht shiuish rhym’s, dy immeeaght ayns my leigh’s ta mee er hoiaghey reue,

Jeremiah 7:10

As jig shiu dy hassoo kiongoyrt rhym’s ’sy thie shoh, ta enmyssit orrym’s, as gra, Ta shin er scapail, ga dy vel shin er n’yannoo ooilley ny reddyn dwoaiagh shoh?

Jeremiah 7:12

Agh gow-jee nish gys yn ynnyd v’aym’s ayns Shiloh, raad ren mee my ennym y hoiaghey seose ec y toshiaght, as jeeagh-jee cre ren mee rish son mee-chraueeaght my phobble Israel.

Jeremiah 7:4

Ny cur-jee nyn marrant er goan fardalagh, gra, Chiamble y Chiarn, Chiamble y Chiarn, Chiamble y Chiarn, ad shoh.

Dobberan 2:7

Ta’n Chiarn er n’yiooldey rish e altar: t’eh er chur dwoaie da e hiamble casherick: t’eh er livrey gys laue y noid voallaghyn ny plaaseyn eck; t’ad er hroggal seose nyn goraa ayns thie’n Chiarn, myr ayns laa’n feailley casherick.

Dobberan 4:1

Kys ta’n airh er jeet dy ve dorraghey! kys ta’n airh s’glenney er ny chaghlaa! ta claghyn yn ynnyd casherick ceaut magh ayns kione dy chooilley straïd.

Ezekiel 23:31

T’ou er n’immeeaght ayns raad dty huyr, shen-y-fa ver-ym yn cappan ecksh ayns dty laue.

Ezekiel 24:21

Abbyr rish thie Israel, Myr shoh ta’n Chiarn dy ghra, Cur-my-ner, neem’s my ynnyd casherick ny hraartys, ard-vooaralys nyn niart, yeearree jeean nyn sooillyn, as shen ta nyn annym soit er: as nee ny mec, as ny inneenyn eu t’er-mayrn, tuittym liorish y chliwe.

Deuteronomy 12:5

Agh gys yn ynnyd, nee’n Chiarn nyn Yee y reih ass ooilley ny tribeyn eu, dy chur e ennym ayn, eer ayns e ynnyd-vaghee hene nee shiu shirrey, as gys shen nee shiu cheet:

Deuteronomy 28:52

As nee eh oo y hionney stiagh lesh caggey ayns ooilley dty yiattyn, derrey t’eh er lhieggal ooilley dty voallaghyn ard as lajer, huc v’ou coyrt dty varrant, trooid ooilley dty heer; as nee eh uss y chruinnaghey stiagh ayns ooilley dty yiattyn, trooid ooilley’n cheer, ta’n Chiarn dty Yee er choyrt dhyt.