Jeremiah 7:11 - Yn Vible Casherick 1775 1819

¹¹ Vel y thie shoh, ta enmyssit orrym’s, er jeet dy ve ny ooig dy vaarlee ’sy chilley euish? Cur-my-ner, ta mish, eer mee hene, er n’akin eh, ta’n Chiarn dy ghra.

Jeremiah 7:11 ပူးပေါင်းရင်းမြစ်များ

2 Recortyssyn 6:33

Eisht jean uss clashtyn veih ny niaughyn, eer veih dt’ynnyd-vaghee, as jean cordail rish ooilley ny ta’n joarree jannoo aghin hood er y hon; dy vod ooilley sheelnaue enney y choyrt er dt’ennym, as aggle ’ghoaill royd, myr ta dty phobble Israel, as dy vod fys ’ve oc dy vel y thie shoh ta mish er hroggal, enmyssit lurg dt’ennym:

Isaiah 1:12

Tra ta shiu cheet ayns my enish, quoi t’er hirrey shoh ec nyn laue, dy haaghey my chooyrtyn?

Isaiah 56:7

Eer ad shen ver-ym lhiam gys my lieau casherick, as nee’m ad gerjoil ayns my hie dy phadjer; bee soiaghey jeant jeh ny ourallyn-losht as ny chebballyn oc er my altar: son bee my hie’s enmyssit thie dy phadjer son dy chooilley phobble.

Jeremiah 2:34

Ayns ny ardjyn ayd’s myrgeddin t’er ny gheddyn fuill oikanyn ôney: cha nee ayns ny jeeigyn hooar mee eh, agh raad gheayrt oo eh.

Jeremiah 23:24

Vod fer erbee eh-hene y cheiltyn ayns ynnydyn follit nagh vaik-yms eh? ta’n Chiarn dy ghra. Nagh vel mish lhieeney niau as thalloo? ta’n Chiarn dy ghra.

Jeremiah 29:23

Son dy vel ad er n’yannoo dy naareydagh ayns Israel, as er vrishey-poosey rish mraane nyn naboonyn, as er loayrt goan breagagh ayns my ennym, red nagh doardee mee daue: aym’s ta fys er shoh, as ta mee my eanish orroo, ta’n Chiarn dy ghra.

Jeremiah 7:10

As jig shiu dy hassoo kiongoyrt rhym’s ’sy thie shoh, ta enmyssit orrym’s, as gra, Ta shin er scapail, ga dy vel shin er n’yannoo ooilley ny reddyn dwoaiagh shoh?

Ezekiel 35:13

Myr shoh lesh nyn meeal ta shiu er voggyssagh harrym, as er vishaghey ny goan eu m’oï: ta mee er chlashtyn ad.

Daniel 9:18

O my Yee, croym dty chleaysh, as eaisht, foshil dty hooillyn, as cur-my-ner y traartys ain, as yn ard-valley ta enmyssit ort’s: son cha vel shin chebbal nyn aghinyn kiongoyrt rhyt er coontey’n ynrickys ain hene, agh er graih, dty vyghinyn mooarey.

Noo Mian 21:13

As dooyrt eh roo, Te scruit, Bee my hie’s enmyssit thie yn phadjer, agh ta shiuish er n’yannoo eh ny ooig dy vaarlee.

Noo Mark 11:17

As dynsee eh ad, gra, Nagh vel eh scruit, Bee my hie’s enmyssit liorish dy chooilley ashoon, thie yn phadjer? agh ta shiuish er n’yannoo eh ny ooig dy vaarlee.

Noo Ean 2:16

As dooyrt eh roosyn va creck calmaneyn, Ersooyl-jee lesh ny reddyn shoh, ny jean-jee thie my Ayrey ny hie margee.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.