Jeremiah 6:8 - Yn Vible Casherick 1775 1819

⁸ Gow-jee ynsaghey, O Yerusalem, er-aggle dy der m’annym cooyl rhyt; nagh jean-ym oo ny hraartys, cheer gyn cummaltee.

Jeremiah 6:8 ပူးပေါင်းရင်းမြစ်များ

Psalmyn 2:10

Gow-jee keeayl nish er-y-fa shen, O shiuish reeaghyn: gow-jee raaue shiuish ta briwnyn y thallooin.

Psalmyn 50:17

Fakin dy vel dwoaie ayd er lhiasaghey-bea: as t’ou er hilgey my ghoan cheu dty chooylloo.

Psalmyn 94:12

Bannit yn dooinney t’ou dy smaghtaghey, O Hiarn: as dy ynsaghey ayns dty leigh;

Raaghyn Creeney 19:20

Eaisht rish coyrle, as gow ynsagh, dy vod gerjagh ve ayd ayns jerrey dty laghyn.

Raaghyn Creeney 4:13

Gow greme shickyr er ynsagh, ny lhig voïd ee, cum ayd ee, son t’ee dty vioys.

Jeremiah 17:23

Agh cha dug adsyn biallys, chamoo chroym ad nyn gleaysh, agh ren ad nyn mwannal roonagh, nagh jinnagh ad geaishtagh, ny goaill ynsagh.

Jeremiah 2:15

Ren ny lionyn aegey garveigagh n’oï as gullyrnee, as hug ad yn cheer echey naardey: ta ny ard-valjyn echey losht, as gyn cummaltagh.

Jeremiah 31:19

Dy firrinagh erreish dou ve er jyndaa, ghow mee arrys; as tra haink mee gys tushtey, woaill mee er my lheayst: ghow mee nearey, dy feer, va mee dy mooar seaghnit, fo laad oltooan my aegid.

Jeremiah 32:33

Son t’ad er jyndaa cooyl rhym, as cha nee nyn oaie orrym: ga dy dynsee mee ad, girree dy moghey as cur roue, ny-yeih cha vel ad er n’eaishtagh dy ghoaill ynsagh.

Jeremiah 4:14

O Yerusalem, jean dty chree y niee veih mee-chraueeaght, dy vod oo ve sauchey: caïd nee dty smooinaghtyn fardalagh cummal cheu-sthie jeed?

Jeremiah 7:20

Shen-y-fa shoh myr ta’n Chiarn Jee dy ghra, Cur-my-ner, bee my chorree as my eulys er ny gheayrtey magh er y voayl shoh, er dooinney, as er baagh, as er biljyn y vagheragh, as er mess y thallooin; as nee eh lostey, as cha bee eh er ny vooghey.

Jeremiah 7:28

Agh jir uss roosyn, Ta shoh ny ashoon nagh vel coyrt biallys da coraa yn Chiarn nyn Yee, ny goaill ynsagh: ta’n ynrickys er jerraghtyn, as giarit ersooyl veih’n veeal oc.

Jeremiah 7:34

Eisht ver-yms gys fea ayns ard-valjyn Yudah, as ayns straïdyn Yerusalem, yn coraa dy vingys, as y kiaull dy yennallys, coraa yn dooinney-poosee, as coraa yn ven-phoosee; son bee’n cheer ny hraartys.

Jeremiah 9:11

As neem’s Jerusalem y yannoo ny holtanyn, as ooig dy ghragonyn; as neem’s ard-valjyn Yudah y yannoo ny hraartys, gyn cummaltagh.

Ezekiel 23:18

Myr shoh ren ee yn maarderys eck hene y vrah, as va’n nearey eck er ny akin: eisht va my aigney’s chyndaït vo-eeish myr ve chyndaït voish e shuyr.

Hosea 2:5

Son ta’n moir oc er choyrt rish streebeeys: t’eeish ren ad y yientyn er n’yannoo dy naareydagh: son dooyrt ee, Hem marish my gheiney-sooree, ta coyrt dou m’arran, as m’ushtey, my ollan, as my lieen, my ooil, as feeyn.

Hosea 9:12

Ga dy vel ad troggal nyn gloan, ny-yeih neem’s ad y roostey, nagh bee dooinney jeu faagit: dy jarroo smerg dauesyn myrgeddin, tra nee’m ad y hreigeil.

Leviticus 26:34

Eisht yiow yn thalloo ny dooneeyn dy aash, choud as te ny lhie treigit, as shiuish ayns cheer nyn noidyn; eisht yiow’n thalloo fea dy gheddyn e ghooneeyn.

Zephaniah 3:7

Dooyrt mee, Shickyr nee oo aggle y ghoaill roym: bee oo er dty ynsaghey, myr shen nagh beagh yn cummal oc giarit jeh, cre-erbee yn aght ren mee ad y cherraghey: ny-yeih, dirree ad dy moghey, as hie ad er ny smessey as ny smessey ayns ooilley nyn yannoo.

Deuteronomy 32:29

O dy beagh ad creeney, dy doiggagh ad shoh, dy goghe ad gys nyn gree nyn laghyn jerrinagh!