Jeremiah 6:7 - Yn Vible Casherick 1775 1819

⁷ Myr ta farrane cur magh ny ushtaghyn eck, myr shen t’eeish cur magh e mee-chraueeaght: ta eam dy hranlaase as spooilley er ny chlashtyn aynjee; ayns my hilley’s dy kinjagh ta trimshey as lhottyn.

Jeremiah 6:7 ပူးပေါင်းရင်းမြစ်များ

Raaghyn Creeney 4:23

Freill arrey er dty chree lesh ard-chiarail: son magh ass shen ta cheet raaidyn y vea.

Isaiah 1:6

Veih boyn ny coshey eer gys y chione cha vel slaynt erbee ayn; agh lhottyn, as brooghyn, as chingyn yngyragh: cha vel ad er ve glennit ny soïlit, chamoo er ny veiyghey lesh shelliu.

Isaiah 57:20

Agh ta ny mee-chrauee myr yn aarkey seiyt, tra nagh vod ee fea y ghoaill, ta ny ushtaghyn eck tilgey seose laagh as broïd.

Isaiah 59:6

Cha jig ny eggaghyn oc dy ve garmadyn, chamoo nee ad coodaghey ad-hene lesh yn ghrease oc hene: ta nyn obbraghyn obbraghyn dy vee-chairys, as ta tranlaase ayns nyn laueyn.

Jeremiah 20:8

Son neayr’s loayr mee, dyllee mee, hrog mee my choraa noi tranlaase as spooilley; son dy row goo yn Chiarn ny oltooan dou, as faghid gagh-laa.

Jeremiah 30:12

Son shoh myr ta’n Chiarn dy ghra, Ta dty vroo baasoil, as ta dty lhott dewil:

Jeremiah 30:13

Son cha vel ayd fer-lhee dy dty choyrlaghey, as dy hoïlley dty lhottyn: cha vel ayd veg ny saaseyn dy lheihys.

Jeremiah 30:15

Kys dy vel oo gaccan harrish dty heaghyn? cha vel saase cour dty hrimshey kyndagh rish ymmodee dty vee-chairys: son dy vel dty pheccaghyn er n’ghoaill niart ta mee er n’yannoo myr shoh rhyt.

Jeremiah 32:31

Son ta’n ard-valley shoh er ve dooys oyr corree as eulys, veih’n laa hrog ad eh, eer gys y laa t’ayn jiu, as derrey hed eh er scughey ass my hilley;

Jeremiah 8:22

Vel veg y valm ayns Gilead? vel fer-lhee erbee ayns shen? Cre’n-fa eisht nagh vel aslaynt inneen my phobble er ny choural?

Ezekiel 21:29

Choud’s t’ad fakin fardalys er dty hon, choud’s t’ad faishnys breagyn dhyt, dy jean oo greimmey ny mwannallyn ocsyn ta craghit, ny mee-chrauee ta’n laa trome er jeet orroo, as nyn mee-chairys ec kione.

Ezekiel 24:7

Son ta’n uill eck ’sy vean eck, daag ee eh er mullagh y chreg, cha gheayrt ee er y thalloo eh, dy choodaghey eh lesh ooir:

Ezekiel 45:9

Myr shoh ta’n Chiarn Jee dy ghra, S’lioar shoh diuish, O phrinceyn Israel: cur-jee veue tranlaase as spooilley, as jean-jee briwnys as cairys, trog-jee nyn laue-lajerys veih my phobble, ta’n Chiarn Jee dy ghra.

Ezekiel 7:11

Ta tranlaase er n’irree seose dy ve lorg-reill dy vee-chairys: cha bee veg jeu er-mayrn jeh nyn earroo mooar, ny veg lhieu, chamoo vees dobberan er nyn son.

Ezekiel 7:23

Jean-jee geuley: son ta’n thalloo lane dy pheccaghyn folley, as ta’n ard-valley lane dy hranlaase.

Zephaniah 3:1

Smerg jeeish ta beishtagh as neu-ghlen, eer yn ard-valley tranlaasagh!