Jeremiah 6:4 - Yn Vible Casherick 1775 1819

⁴ Fow-jee aarloo dy chaggey n’oï; trog-jee, as lhig dooin goll seose ec y vun-laa. Smerg dooinyn! son ta’n laa goll shaghey, son ta scadooyn yn astyr er ny heeyney magh.

Jeremiah 6:4 ပူးပေါင်းရင်းမြစ်များ

Lioar Yob 7:2

Myr ta’n charvaant dy jeean geearree yn scadoo, as myr ta’n labree jeeaghyn son leagh e obbyr;

Arrane Solomon 2:17

Derrey’n vadran, as skeayley ny bodjallyn, chyndaa my ghraih, as bee uss myr y vinjeig feïe, ny’n feeaïh aeg er sleityn Vether.

Jeremiah 15:8

Ta ny mraane-treoghe oc ayns earroo erskyn genniagh ny marrey: ta mee er lhiggey magh orroo, noi moir ny deiney aegey, roosteyryn ec y vun-laa; ver-ym orroo dy huittym urree doaltattym, as atchim agglagh er yn ard-valley.

Jeremiah 15:9

T’eeish t’er n’ymmyrkey shiaght dy chloan raad y vaaish; t’ee er phaartail; ta’n ghrian er n’gholl sheese urree choud as va’n laa foast ayn; v’ee coodit lesh nearey as atchim: as yn fooilliagh jeu livrey-ym da’n chliwe roish ny noidyn oc, ta’n Chiarn dy ghra.

Jeremiah 5:10

Seose-jee er ny voallaghyn eck, as stroie-jee ad; agh ny jean-jee slane jerrey orroo: gow-jee ersooyl ny tooryn eck; son cha nee lesh y Chiarn ad.

Jeremiah 6:23

Nee ad yn vhow as yn shleiy y loaghtey; t’ad dewil, as gyn myghin: ta’n sheean oc freaney myr yn aarkey; as t’ad markiagh er cabbil, myr deiney soit ayns order-caggee dt’oï, O inneen Zion.

Jeremiah 8:20

Ta’n fouyr harrish, ta’n sourey ec kione, as foast cha vel feaysley ain.

Joel 3:9

Fockle-jee shoh magh mastey ny ashoonee: bee-jee ullee son y chaggey, dooisht-jee ny deiney niartal, lhig da ooilley ny deiney-caggee tayrn er-gerrey, lhig daue cheet seose.

Obadiah 1:1

Ashlish Obadiah. Shoh myr ta’n Chiarn Jee dy ghra mychione Edom; Ta shin er chlashtyn goo veih’n Chiarn, as ta chaghter er ny choyrt mastey ny ashoonee, Trog-jee erriu, as lhig dooin goll seose noi eck ayns caggey.

Micah 3:5

Myr shoh ta’n Chiarn dy ghra mychione ny phadeyryn, ta coyrt shaghrynys er my phobble, ta lhottey lesh nyn veeacklyn, as fockley magh, Shee: as dy jarroo t’ad jannoo ad-hene aarloo gys caggey, noi eshyn nagh vel er lhieeney nyn meeal.

Zephaniah 2:4

Son bee Gaza treigit, as Ashkelon ny hraartys: nee ad Ashdod y eebyrt magh ec y vun-laa, as bee Ekron astyrit ass ny fraueyn.