Jeremiah 6:2 - Yn Vible Casherick 1775 1819

² Ta mee er hoylaghey inneen Zion gys aber aalin as menoyr.

Jeremiah 6:2 ပူးပေါင်းရင်းမြစ်များ

Isaiah 1:8

As ta inneen Zion treigit myr bwane ayns garey-feeyney, as bwaag ayns garey-cucumber, as myr balley cruinnit stiagh lesh noidyn.

Jeremiah 4:31

Son ta mee er chlashtyn coraa myr jeh ben er-troailt, as myr yn angaish ecksh ta cur y chied lhiannoo son y theihll; coraa inneen Zion, dobberan r’ee hene, skeayley magh e laueyn, as gra, ’Smerg dooys nish! son ta m’annym seaghnit kyndagh rish dunveryn.

Dobberan 2:1

Kys ta’n Chiarn ayns e yymmoose er choodaghey inneen Zion lesh bodjal, as er lhieggal aalid Israel veih niau gys y thalloo, as cha chooinee eh er stoyl e choshey ayns laa e eulys!

Dobberan 2:13

Quoi nee’m y ghoaill son feanish ort? cre gys nee’m dty hoylaghey, O inneen Yerusalem? cre nee’m y chormal rhyt, dy voddym dty gherjaghey, O voidyn inneen Zion? son ta dty vrishey mooar myr yn aarkey; quoi oddys dty lheihys?

Dobberan 4:5

Adsyn va beaghey dy keiyn, t’ad treigit ayns ny straïdyn: adsyn va coamrit lesh scarleod t’ad lhie er ny torranyn.

Deuteronomy 28:56

Yn ven seyr as mettey ny mast’ eu nagh jinnagh e cass y choyrt er y laare son moyrn as mettey-ys, bee drogh hooill eck gys sheshey e oghrish, gys e mac, as gys e inneen,