Jeremiah 6:16 - Yn Vible Casherick 1775 1819

¹⁶ Myr shoh ta’n Chiarn dy ghra, shass-jee ayns ny raaidyn as shir-jee, as brie-jee son ny shenn cassanyn, eer yn raad mie shen, as eiyr-jee er, as yiow shiu fea gys nyn anmeenyn. Agh dooyrt ad, Cha jean mayd gimmeeaght ayndoo.

Jeremiah 6:16 ပူးပေါင်းရင်းမြစ်များ

Isaiah 30:21

As nee dty chleayshyn clashtyn yn goo cheu dty chooylloo, gra, Shoh’n raad, shooyl-jee ayn, tra ta shiu chyndaa gys y laue yesh, as tra ta shiu chyndaa gys y laue chiare.

Jeremiah 18:15

Er-yn-oyr dy vel my phobble’s er my yarrood, t’ad er lostey incense gys fardalys, as t’adsyn er chur orroo dy skyrraghtyn veih my raaidyn, treigeil ny shenn cassanyn, dy hooyl ayns cassanyn cammey ayns raad neu-chiart;

Deuteronomy 32:7

Cooinee er ny shenn earishyn, smooinee er bleeantyn ymmodee sheelogheyn: fênee jeh dty ayr, as inshee eh dhyt; jeh dty henn-ayryn, as soilshee ad dhyt.

Jeremiah 7:23

Agh shoh hug mee er y churrym oc, gra, Cur-jee biallys da my choraa, as beem’s yn Jee euish, as bee shiuish yn pobble aym’s; as jean-jee gimmeeaght ayns ooilley ny raaidyn ta mee er n’oardaghey diu, dy vod eh ve dy mie mêriu.

Colossianee 2:6

Myr ta shiu eisht er ghoaill rish Creest Yeesey nyn Jiarn, myr shen jean-jee gimmeeaght aynsyn:

Isaiah 2:5

O hie Yacob, tar-jee as lhig dooin gimmeeaght ayns soilshey yn Chiarn.

Noo Ean 12:35

Eisht dooyrt Yeesey roo, Foast tammylt beg ta’n soilshey mêriu: shooill-jee choud as ta’n soilshey eu, er-aggle dy jig y dorraghys erriu: son cha vel fys echeysyn ta shooyl ayns y dorraghys c’raad t’eh goll.

Jeremiah 18:12

As dooyrt ad, Cha vel saase nyn gour; agh nee mayd gimmeeaght lurg nyn aghtyn hene, as nee mayd dy chooilley ghooinney geiyrt da smooinaghtyn e chree mee-chrauee hene.

Jeremiah 22:21

Loayr mee rhyt ayns dty vaynrys: agh dooyrt oo, Cha jean-ym geaishtagh: shoh va dty chliaghtey veih dty aegid, nagh dug oo biallys da my choraa.

Jeremiah 44:16

Son ny goan t’ou er ghoaill ort dy loayrt rooin ayns ennym y Chiarn, cha n’eaisht mayd rhyt.

Hebrewnee 11:2

Son liorish ren ny shenn-ayryn cosney goo mie.

Noo Ean 13:17

My ta fys eu er ny reddyn shoh, s’maynrey vees shiu my nee shiu ad y yannoo.

Malachi 4:4

Cooinee-jee er leigh Voses my hirveishagh, shen doardee mee da ayns Horeb, son ooilley Israel, marish my lattyssyn as my vriwnyssyn.

Hebrewnee 6:12

Nagh bee shiu lhag-chreeagh, agh eiyrtyssee orroosyn, ta trooid credjue as meenid er chosney ny gialdynyn.

Isaiah 8:20

Shir-jee gys y leigh as gys y recortys: mannagh vel ad loayrt cordail rish yn goo shoh, te er-yn-oyr nagh vel veg y toilshey ayndoo.

Noo Luke 16:29

Dooyrt Abraham rish, Ta Moses as ny phadeyryn oc; lhig daue clashtyn adsyn.

Isaiah 28:12

Roosyn dooyrt eh, Shoh’n aash oddys shiu y choyrt da’n vooinjer gheinagh; as shoh’n ooraghey: foast cha jinnagh ad clashtyn.

Noo Ean 5:39

Ronsee-jee ny scriptyryn, son ayndoosyn ta shiu smooinaghtyn dy vel y vea veayn eu, as she ad shen ta gymmyrkey feanish jeem’s.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

Romanee 4:12

As ayr jeh giarey-chymmylt dauesyn nagh vel jeh’n ghiarey-chymmylt ny-lomarcan, agh dauesyn myrgeddin ta gimmeeaght ayns kesmadyn y chredjue shen va ec yn ayr ain Abraham roish my row eh er ny ghiarey-chymmylt.

Jeremiah 2:25

Ny lhig da dty chass ve rooisht, ny dty scoarnagh ve paagh: agh dooyrt oo, Cha vel veg y hreishteil er-mayrn: cha vel; son joarreeyn bynney lhiam, as geiyrt orroosyn nee’m goll.

1 Reeaghyn 8:36

Eisht jean uss clashtyn ayns niau, as leih peccah dty harvaantyn, as dty phobble Israel, as ynsee daue yn raad mie ayn lhisagh ad gimmeeaght, as cur fliaghey er dty halloo t’ou er choyrt da dty phobble son eiraght.

Psalmyn 116:7

Chyndaa reesht eisht gys dt’ea, O my annym: son ta’n Chiarn er dty chooilleeney.

Jeremiah 12:16

As hig eh gy-kione, my nee ad gynsaghey dy kiaralagh raaidyn my phobble, dy crauee loo liorish my ennym’s, gra, Myr ta’n Chiarn bio; (myr dynsee ad my phobble dy loo liorish Baal;) eisht yiow ad cummal shickyr, eer ayns mean my phobble.

Jeremiah 31:21

Cur seose claghyn-soit er y raad, as trog cayrnyn cronnal; chyndaa dty chree lesh y raad-vooar, eer gys y raad hie oo magh: chyndaa reesht, O voidyn Israel, chyndaa reesht daue shoh dty ard-valjyn.

Jeremiah 42:3

Dy vod y Chiarn dty Yee jeeaghyn dooin yn raad ta shin dy ghoaill, as cre t’orrin dy yannoo.

Jeremiah 50:5

Nee ad briaght yn raad gys Zion, as nyn eddin lesh shen, gra, Tar-jee, as lhig dooin lhiantyn gys y Chiarn ayns conaant shickyr nagh bee jarroodit.

Briwnyn 2:17

As ny-yeih cha dug ad geill da ny briwnyn oc, agh hie ad er-shaghryn geiyrt er jeeghyn elley, dy choyrt ooashley daue: hyndaa ad dy tappee jeh’n raad ayn jimmee nyn ayraghyn, va biallagh gys saraghyn y Chiarn; agh cha ren adsyn myr shen.

2 Recortyssyn 19:11

As cur-my-ner, ta Amariah yn ard-saggyrt harrishdiu ayns ooilley cooishyn y Chiarn; as Zebadiah mac Ishmael, fer-reill thie Yudah, son ooilley cooishyn y ree: bee ny Leviteyn mêriu myrgeddin dy chooney lhieu. Dell-jee dy dunnal, as bee’n Chiarn er cheu’n chairys.

Isaiah 46:9

Cooinee-jee er cooishyn y chenn earish: son mish yn Jee, as cha vel Jee erbee elley; mish yn Jee, as cha vel fer erbee casley rhym;

Isaiah 57:2

Hed eshyn roish ayns shee: bee ad ec fea ayns nyn lhiaghtyn, dagh unnane ta er n’immeeaght ayns e chairys.

Jeremiah 7:3

Myr shoh ta Chiarn ny pooaraghyn flaunyssagh, Jee Israel, dy ghra, Lhiassee-jee nyn ymmyrkey-bea as nyn obbraghyn, as ver-ym diu cummal ’sy voayl shoh.

Jeremiah 7:24

Agh cha ren ad geaishtagh, ny croymmey nyn gleaysh, agh jimmee ad lurg coyrle as smooinaghtyn yn chree roonagh oc hene, as hie ad back, as cha nee er nyn doshiaght.