Jeremiah 52:7 - Yn Vible Casherick 1775 1819

⁷ Eisht va’n ard-valley er ny vrishey stiagh, as ren ooilley ny deiney-caggee cosney roue, as hie ad magh ass yn ard-valley ’syn oie, liorish raad ny giattey, eddyr y daa voalley, va liorish garey yn ree; (nish va ny Caldeanee er chruinnaghey yn ard-valley mygeayrt;) as ghow ad raad y cheer-rea.

Jeremiah 52:7 ပူးပေါင်းရင်းမြစ်များ

2 Reeaghyn 25:4

As va’n ard-valley er ny vrishey seose, as ren ooilley ny deiney-caggee cosney ersooyl ’syn oie, rish raad ny giattey, eddyr y daa voalley, ta liorish garey’n ree: (nish va ny Caldeeyn er chruinnaghey yn ard-valley mygeayrt:) as ghow yn ree raad y cheer-rea.

Jeremiah 34:22

Cur-my-ner, ver-yms magh sarey, ta’n Chiarn dy ghra, dauesyn dy hyndaa reesht noi’n ard-valley shoh; as nee ad caggey rish, as goaill eh, as lostey lesh aile eh: as ver-ym er ard-valjyn Yudah dy ve ny hraartys gyn cummaltagh faagit ayn.

Jeremiah 39:2

As ’syn un vleïn jeig jeh reill Zedekiah, ’sy chiarroo vee, er y nuyoo laa jeh’n vee, vrish ad stiagh er yn ard-valley.

Jeremiah 49:26

Shen-y-fa nee ny deiney aegey eck tuittym ayns ny straïdyn, as bee ooilley ny fir-chaggee er ny yiarey jeh ayns y laa shen, ta Chiarn ny flaunyssee dy ghra.

Jeremiah 51:32

Dy vel ny coorseyn-ushtey giarit jeh, yn chuirtlagh er aile, as ny deiney-caggee er choayl nyn dappey.

Jeremiah 6:5

Trog-jee, as lhig dooin goll ’syn oie, as lhig dooin ny plaaseyn eck y stroie.

Ezekiel 12:12

As y prince ta ny mast’ oc, nee eh gymmyrkey er e gheaylin ’sy cho-leayrtys, as hed eh magh: nee ad jannoo baarney trooid y voalley, dy chur lhieu magh ny hrooid: nee eh e eddin y choodaghey, nagh vaik eh yn thalloo lesh e hooillyn.

Ezekiel 12:4

Eisht ver oo lhiat magh dty stoo-thie ’sy laa, ayns y chilley oc, myr cooid ry-hoi arraghey: as hed oo magh ec yn astyr ayns nyn shilley, myr adsyn ta dy gholl magh gys cappeeys.

Ezekiel 33:21

As haink eh gy-kione ayns y nah vleïn jeig jeh’n chappeeys ain, ayns y jeihoo vee, er y wheiggoo laa jeh’n vee, dy daink fer, v’er scapail ass Jerusalem, hym’s, gra, Ta’n ard-valley goit.

Leviticus 26:17

As nee’m soiaghey m’eddin nyn ’oï, as bee shiu er nyn stroie roish nyn noidyn: as nee ad reill harrishdiu, as nee shiu roie er-chea, tra nagh bee fer erbee er nyn eiyrt’s.

Leviticus 26:36

As orroosyn vees faagit bio jiuish, ver-yms annooinid cree ayns cheer nyn noidyn; as nee feiyr duillag criht ad y agglaghey; as nee ad chea, myr veih’n chliwe: as nee ad tuittym, tra nagh bee fer er nyn eiyrt’s.

Amos 4:3

As hed shiu magh er ny doarlishyn, dy chooilley vooa jeeragh ro-ee, as bee shiu eiyrit gys y woaillee, ta’n Chiarn dy ghra.

Deuteronomy 28:25

Ver y Chiarn ort dy ve er dty imman roish dty noidyn: hed oo magh un raad nyn ’oï, as chea ersooyl rhymboo shiaght raaidyn, as bee shiu skeaylt fud ooilley reeriaghtyn y thallooin.

Deuteronomy 32:30

Nagh jinnagh eisht un dooinney gimman ersooyl thousane, as daa ghooinney jeih thousaneyn, agh dy row nyn Greg er chreck ad, as y Chiarn er n’yeigh ad seose?