Jeremiah 52:6 - Yn Vible Casherick 1775 1819

⁶ As ’sy chiarroo vee, er y nuyoo laa jeh’n vee, va’n ghortey trome ayns yn ard-valley, myr shen nagh row arran ayn son pobble y cheer.

Jeremiah 52:6 ပူးပေါင်းရင်းမြစ်များ

2 Reeaghyn 25:3

As er y nuyoo laa jeh’n chiarroo vee ghow’n gortey niart ayns yn ard-valley, as cha row beaghey son ny cummaltee.

Isaiah 3:1

Son cur-my-ner, ta’n Chiarn, Chiarn ny flaunyssee, goaill ersooyl voish Jerusalem, as voish Judah, yn kemmyrk, as yn lorg, yn slane troar arran, as slane kemmyrk yn ushtey,

Jeremiah 15:2

As hig eh gy-kione, my jir ad rhyt, Cre’n raad hem mayd magh? eisht jir oo roo, Myr shoh ta’n Chiarn dy ghra, Nyn lheid as ta cour baase, dy baase; as lheid as ta cour y chliwe, da’n chliwe; as lheid as ta cour y ghortey, da’n ghortey; as lheid as ta cour cappeeys, gys cappeeys.

Jeremiah 19:9

As ver-ym orroo gee feill nyn mec, as feill ny inneenyn oc hene, as dy n’ee ad dagh unnane feill e charrey, ’sy chaggey as ’sy chennid lesh nee nyn noidyn, as adsyn ta shirrey nyn mioys, ad y chruinnaghey stiagh.

Jeremiah 21:9

Eshyn ta fuirriaghtyn ’syn ard-valley shoh, yiow eh baase lesh y chliwe, as lesh y ghortey, as lesh y chramp: agh eshyn hed magh, as livrey-ys seose eh-hene gys ny Caldeanee ta chionney stiagh shiu, bee eh bio, as bee e vioys son cosney da.

Jeremiah 25:10

Ny sodjey, ver-ym ny host yn kiaull dy voggey, as yn kiaull dy vingys, coraa yn dooinney-poosee, as coraa ben y phoosee, feiyr ny claghyn-mwyllin, as soilshey yn chainle.

Jeremiah 37:21

Eisht doardee Zedekiah yn ree Jeremiah dy ve ayns cooyrt y phryssoon, as dy choyrt da gagh laa lowanse arran veih straïd y fuinneyder, derrey veagh ooilley’n arran ’syn ard-valley baarit. Myr shoh duirree Jeremiah ayns cooyrt y phryssoon.

Jeremiah 38:9

My hiarn yn ree, ta ny deiney shoh er n’yannoo dy olk ayns ooilley ny t’ad er n’yannoo rish Jeremiah yn phadeyr, t’ad er hilgey ayns y dungeon, raad t’eh goll eig lesh accyrys; son cha vel arragh dy arran ayns yn ard-valley.

Jeremiah 39:2

As ’syn un vleïn jeig jeh reill Zedekiah, ’sy chiarroo vee, er y nuyoo laa jeh’n vee, vrish ad stiagh er yn ard-valley.

Dobberan 1:11

Ta ooilley yn pobble er osnaghey, t’ad briaght son arran, t’ad er chur nyn gooid share son beaghey dy reayll bioys ayndoo: jeeagh orrym, O Hiarn, as cur geill, son s’beg y leigh t’oc orrym.

Dobberan 5:10

Va’n crackan ain doo myr yn oghe, kyndagh rish y ghortey dewil.

Ezekiel 14:13

Vac y dooinney, tra ta’n cheer jannoo peccah m’oï liorish ard-loghtynys, eisht sheeyn-yms magh my laue er, as brish-ym bun yn arran echey, as ver-ym er yn ghortey, as giare-ym jeh veih shen dooinney as baagh.

Ezekiel 14:21

Son shoh myr ta’n Chiarn Jee dy ghra, Cre-woad smoo, tra ver-ym my chiare briwnyssyn trome er Jerusalem, yn cliwe, as y ghortey, as ny beishtyn dewilley, as y phaitt, dy yiarey jeh dooinney as baagh?

Ezekiel 31:1

As haink eh gy-kione ayns yn un vleïn jeig, ayns y jeihoo vee, er y chied laa jeh’n vee, dy daink goo yn Chiarn hym’s, gra,

Ezekiel 5:16

Tra lhig-yms orroo ny sideyn gyere dy ghortey, kiarit son y toyrt-mow oc, as shen ver-yms dy stroie shiu, as gowee yn ghortey niart erriu, as brish-yms bun nyn arran.

Ezekiel 7:15

Ta’n cliwe cheu-mooie, as y phaitt, as yn ghortey cheu-sthie, eshyn t’ayns y vagher, yiow eh baase liorish y chliwe: as eshyn t’ayns yn ard-valley, nee gortey as paitt ad y stroie.

Leviticus 26:26

As tra ta mish er vrishey lorg nyn arran, nee jeih mraane gaarlaghey nyn arran ’syn un oghe, as ver ad diu nyn arran reesht liorish towse: as nee shiu gee, as cha bee shiu jeant magh.

Zechariah 8:19

Myr shoh ta Chiarn ny flaunyssee loayrt, Bee trostey yn chiarroo vee, as trostey yn wheiggoo, as trostey yn chiaghtoo, as trostey yn jeihoo vee son thie Yudah boggey as gennallys, as feaillaghyn eunyssagh; Shen-y-fa cur-jee graih da ynrickys as shee.

Deuteronomy 32:24

Bee ad losht lesh gortey, as er nyn stroie lesh smarageyn loshtee, as lesh toyrt-mow atchimagh: lhig-ym feayshlit orroo myrgeddin feeacklyn beishtyn feïe, lesh pyshoon ard-nieughyn ny hooirey.