Jeremiah 52:4 - Yn Vible Casherick 1775 1819

⁴ As haink eh gy-kione, ’sy nuyoo vleïn jeh’n reill echey, ayns y jeihoo vee, er y jeihoo laa jeh’n vee, dy daink Nebuchadrezzar ree Vabylon, eh-hene as ooilley e heshaght-chaggee, noi Jerusalem, as ren ad campal roish, as hrog ad tooryn n’oï ooilley mygeayrt.

Jeremiah 52:4 ပူးပေါင်းရင်းမြစ်များ

Isaiah 29:3

As nee’m campal dt’oï ooilley mygeayrt, as cruinnaghey stiagh oo lesh carnane-caggee, as troggal tooryn dt’oï.

Jeremiah 21:2

Jean briaght, ta mee guee ort, jeh’n Chiarn er y hon ain; son ta Nebuchadrezzar ree Vabylon caggey nyn ’oï; my she shen dy jean y Chiarn dellal rooin cordail rish ooilley e obbraghyn yindyssagh, as eh y chastey.

Jeremiah 32:24

Cur-my-ner ny tooryn-caggee: t’ad er jeet gys yn ard-valley dy ghoaill eh; as ta’n ard-valley livreït gys laue ny Caldeanee ta caggey n’oï, lesh y chliwe as y ghortey, as y phaitt: as ta dty ghoan er nyn gooilleeney; as cur-my-ner, t’ou dy akin eh.

Jeremiah 34:1

Yn goo haink gys Jeremiah veih’n Chiarn, tra ren Nebuchadrezzar ree Vabylon, as ooilley e heshaghtyn-caggee, as ooilley reeriaghtyn y thallooin va ’syn ammys echeysyn, as dy chooilley phobble, caggey noi Jerusalem, as noi ooilley e ard-valjyn gra,

Jeremiah 39:1

Ayns y nuyoo vleïn jeh reill Zedekiah ree Yudah, ayns y jeihoo vee, haink Nebuchadrezzar ree Vabylon as ooilley yn armee echey noi Jerusalem, as chruinnee ad stiagh eh ooilley mygeayrt.

Jeremiah 4:17

Myr arreyderyn magheragh, shen myr t’adsyn noi eck cruin mygeayrt; er-yn-oyr dy vel ee er ve mee-viallagh m’oï’s, ta’n Chiarn dy ghra.

Jeremiah 52:7

Eisht va’n ard-valley er ny vrishey stiagh, as ren ooilley ny deiney-caggee cosney roue, as hie ad magh ass yn ard-valley ’syn oie, liorish raad ny giattey, eddyr y daa voalley, va liorish garey yn ree; (nish va ny Caldeanee er chruinnaghey yn ard-valley mygeayrt;) as ghow ad raad y cheer-rea.

Ezekiel 21:22

Ec y laue yesh va’n oalys son Jerusalem, dy phointeil captanyn, dy osley yn veeal ayns y dunverys, dy hroggal seose coraa lesh yllaghey, dy oardaghey greïnyn brishee noi ny giattyn, dy cheau seose carnane, as dy hroggal toor-caggee.

Ezekiel 21:27

Tilg-yms eh bun-ry-skyn, bun-ry-skyn, bun-ry-skyn, as cha bee arragh jeh, derrey hig eshyn, e chairys te, as dasyn ver-ym eh.

Ezekiel 26:8

As marree eshyn dty inneenyn lesh y chliwe ayns y vagher, as troggee eh toor dt’oï, as carnane-caggee, as gowee eh ny laue eilley-caggee dt’oï.

Ezekiel 33:21

As haink eh gy-kione ayns y nah vleïn jeig jeh’n chappeeys ain, ayns y jeihoo vee, er y wheiggoo laa jeh’n vee, dy daink fer, v’er scapail ass Jerusalem, hym’s, gra, Ta’n ard-valley goit.

Ezekiel 40:1

Ayns y wheiggoo vleïn as feed jeh’n chappeeys ain, ayns toshiaght ny bleeaney, er y jeihoo laa jeh’n vee: ayns y chiarroo vleïn jeig lurg da’n ard-valley ve goit, er yn eer laa cheddin va laue yn Chiarn orrym’s, as hug eh lesh mee derrey shen.

Leviticus 26:25

As ver-yms lhiam y chliwe erriu, nee cooilleeney ’ghoaill erriu son brishey my chonaant: as tra ta shiu er nyn jaglym cooidjagh ayns nyn ard-valjyn, ver-yms y plague ny-vud eu; as bee shiu er nyn livrey gys laueyn nyn noidyn.

Zechariah 8:19

Myr shoh ta Chiarn ny flaunyssee loayrt, Bee trostey yn chiarroo vee, as trostey yn wheiggoo, as trostey yn chiaghtoo, as trostey yn jeihoo vee son thie Yudah boggey as gennallys, as feaillaghyn eunyssagh; Shen-y-fa cur-jee graih da ynrickys as shee.

Noo Luke 19:43

Son hig ny laghyn ort, tra nee dty noidyn jeeg y yannoo mood, as soie-ee ad ad-hene mygeayrt, as cruinnee ad oo stiagh er dy chooilley heu.

Noo Luke 21:20

As tra hee shiu sheshaghtyn-caggee mygeayrt Jerusalem, eisht toig-jee dy vel y traartys eck er-gerrey.