Jeremiah 51:9 - Yn Vible Casherick 1775 1819

⁹ Bailliu v’er lheihys Babylon, agh cha beagh ee er ny lheihys: faag-jee veue ee, as lhig dooin goll dagh dooinney gys e heer hene: son ta’n briwnys eck roshtyn gys niau, as er droggal eer gys yrjid yn aer.

Jeremiah 51:9 ပူးပေါင်းရင်းမြစ်များ

2 Recortyssyn 28:9

Agh va phadeyr y Chiarn ayns shen, va e ennym Oded: as hie eh magh quail y cheshaght-chaggee haink gys Samaria, as dooyrt eh roo, Cur-my-ner, er-yn-oyr dy row’n Chiarn Jee nyn ayraghyn corree rish Judah, t’eh er livrey ad gys nyn laue, as ta shiu er varroo ad ayns jymmoose, ta geamagh gys niau son cooilleeney.

Ezra 9:6

As dooyrt mee, O my Yee, ta mee goaill nearey, as jiargaghey dy hroggal seose my eddin hood’s my Yee: son ta nyn beccaghyn er vishaghey harrish nyn ghing, as nyn loght er roshtyn gys ny niaughyn.

Isaiah 13:14

As bee eh myr feeaïh ta shelgit, as myr keyrrey chailjey: nee dagh dooinney chyndaa gys e phobble hene, as cosney dagh unnane gys e heer hene.

Isaiah 47:15

Shoh myr nee adsyn rhyt’s t’ou er ghellal roo, eer marchanyn dty aegid: hed ad roue dagh dooinney gys e ynnyd hene; cha jean fer dty hauail.

Jeremiah 46:16

Hug eh er ymmodee dy huittym, dy feer, huitt ad y derrey yeh er y jeh elley; as dooyrt ad, Trog-jee, as lhig dooin goll reesht gys nyn bobble hene, as gys cheer nyn ghooie, veih’n chliwe tranlaasagh.

Jeremiah 46:21

Ta ny deiney-caggee failt ecksh neesht cheu-sthie j’ee myr dew beiyht; son t’adsyn myrgeddin er chur cooyl, as er roie er-chea dy cheilley: cha hass ad, son dy row yn laa trome er jeet orroo, as earish nyn gerraghey.

Jeremiah 50:16

Giare-jee jeh yn correyder veih Babylon, as yn beaynee ta loaghtey yn corran ayns imbagh yn ouyr: son aggle roish cliwe yn chragheyder nee ad cosney roue dy chooilley ghooinney gys e phobble, as nee ad chea dagh fer gys e heer hene.

Jeremiah 8:20

Ta’n fouyr harrish, ta’n sourey ec kione, as foast cha vel feaysley ain.

Hosea 7:13

Smerg daue, son t’ad er-chea voym, toyrt-mow dy row orroo, son t’ad er my hreigeil: ga dy vel mee er chur feaysley daue, ny-yeih t’ad er loayrt breagyn m’oï.

Ashlish 18:4

As cheayll mee coraa elley veih niau, gra, Tar-jee magh ass-jee, my phobble, nagh bee shiu sheshaghyn mâree ayns e peccaghyn, as nagh gow shiu ayrn jeh’n kerraghey dewil eck.

Ashlish 18:5

Son ta e peccaghyn er roshtyn gys niau, as ta Jee er chooinaghtyn er y vee-chairys eck.