Jeremiah 51:8 - Yn Vible Casherick 1775 1819

⁸ Ta Babylon er duittym doaltattym, as t’ee naardey: jean-jee dobberan er e son; gow-jee shelliu son y ghuin eck, my ta lheihys ny cour.

Jeremiah 51:8 ပူးပေါင်းရင်းမြစ်များ

Isaiah 21:9

As cur-my-ner, hee-ym cheet fainagh dy gheiney, marish cubbyl dy varkee. As dreggyr eh, as dooyrt eh, Ta Babylon er duittym, er duittym; as ooilley jallooyn grainnit ny jeeghyn eck, t’eh er vrishey gys y thalloo.

Isaiah 47:11

Shen-y-fa berree yn olk ort; cha bee fys ayd cre veih te troggal: as taghyrys assee dhyt; cha bee oo abyl shaghney: as hig traartys ort doaltattym, nagh bee fys ayd cre veih.

Isaiah 47:9

Agh berree yn daa red shoh ort’s ’sy tullogh, er yn un laa, baase clienney, as treoghys: hig ad ort dy dewil kyndagh rish earroo mooar dty phishagyn, as dty ymmodee obbeeys.

Jeremiah 46:11

Immee seose gys Gilead, as gow yn chelliu costal, O voidyn, inneen Egypt: ayns fardail nee oo goaill ymmodee saaseyn-lheihys; son cha bee oo er dty laanaghey.

Jeremiah 48:20

Ta Moab bun-ry-skyn, son te lhieggit: yllee-jee, as jean-jee keayney; insh-jee ayns Arnon, dy vel Moab naardey,

Jeremiah 48:31

Shen-y-fa trog-yms yllaghey son Moab, as dobberan son ooilley Moab; hig osnaghyn veih my chree son deiney Chir-heres.

Jeremiah 50:2

Insh-jee magh mastey ny ashoonyn, as lhig daue clashtyn, as soie-jee seose yn mergey; cur-jee eam, as ny jean-jee keiltyn: abbyr-jee, Ta Babylon goit, ta Bel currit naardey, ta Merodach brisht ayns peeshyn; ta ny jeeghyn eck bun-ry-skyn, ny jallooyn eck nyn beeshyn mynney.

Jeremiah 51:41

Kys dy vel Sheshach goit! as kys ta gloyr vooar y theihll greimmit doaltattym! kys ta Babylon er jeet dy ve red atchimagh mastey ny ashoonyn!

Jeremiah 8:22

Vel veg y valm ayns Gilead? vel fer-lhee erbee ayns shen? Cre’n-fa eisht nagh vel aslaynt inneen my phobble er ny choural?

Ezekiel 30:2

Vac y dooinney, jean phadeyrys, as abbyr, Shoh myr ta’n Chiarn dy ghra, Jean-jee gullal, Ah treih son y laa!

Daniel 5:24

Eisht va’n ayrn shen jeh’n laue currit magh veihsyn, as va’n screeu shoh jeant.

Daniel 5:31

As haink Darius yn Median gys yn reeriaght, tra v’eh three-feed bleïn as jees.

Nahum 3:19

Cha vel saase cour dty lhott: s’dewil ta dty ghuin: nee ooilley ta clashtyn y skeeal jeed bwoalley nyn massyn harryd; son quoi er nagh vel oo keayrt ny keayrt ennagh er n’yannoo tranlaase?

Ashlish 14:8

As haink geiyrt er ainle elley, gra, Ta Babylon er duittym, er duittym, yn ard-valley mooar shen, son dy dug ee er dy chooilley ashoon dy iu jeh feeyn yn vaarderys eck.

Ashlish 18:2

As deïe eh dy niartal lesh coraa lajer, gra, Ta’n Babylon yn ard-valley mooar er duittym, er duittym, as er jeet dy ve ynnyd-vaghee dy youyil, as cummal dy chooilley spyrryd neu-ghlen, as edd son dy chooilley eean neu-ghlen as eajee.