Jeremiah 51:6 - Yn Vible Casherick 1775 1819

⁶ Cosne-jee magh veih Babylon, as saue-jee dagh dooinney e vioys; nagh bee shiu giarit jeh ayns e vee-chairys ecksh: son shoh traa yn Chiarn dy ghoaill cooilleeney urree, as dy choyrt jee leagh rere e toilliu.

Jeremiah 51:6 ပူးပေါင်းရင်းမြစ်များ

Psalmyn 94:1

O Hiarn Yee, dhyt’s ta bentyn dy ghoaill kerraghey: uss Yee, dhyt’s ta kerraghey bentyn, jean oo hene y hoilshaghey.

Raaghyn Creeney 13:20

Eshyn ta taaghey marish deiney creeney, bee eh creeney: agh bee sheshey ommydanyn currit naardey.

Isaiah 48:20

Cosne-jee magh ass Babylon, roie-jee er-chea veih ny Caldeanee; lesh y choraa dy vingys jean-jee gimraa er shoh, insh-jee shoh, fockle-jee eh dy jarroo gys ny ard-valjyn sodjey magh jeh’n theihll; abbyr-jee, Ta’n Chiarn er choyrt livrey-ys da e harvaant Jacob.

Isaiah 63:4

Son ta laa yn lhiasaghey ayns my chree, as ta’n vleïn dy livrey my phobble er jeet.

Jeremiah 25:14

Son nee ymmodee ashoonyn mooarey, as reeaghyn pooaral shirveish adsyn er yn aght cheddin: as neem’s ad y chooilleeney cordail rish nyn yannoo, as cordail rish obbyr ny laueyn oc hene.

Jeremiah 25:16

As nee ad giu, as bee ad er-meshtey as baanrit, kyndagh rish yn chliwe ver-yms magh ny mast’ oc.

Jeremiah 27:7

As nee dy chooilley ashoon eshyn y hirveish, as e vac, as y mac echeysyn, derrey hig eer traa yn cheer echeysyn mygeayrt; as eisht bee ymmodee ashoonyn as reeaghyn mooarey shirveishit liorishyn.

Jeremiah 46:10

Son ta shoh laa yn Chiarn Jee ny sheshaghtyn-caggee, laa yn lhiasaghey, dy ghoaill cooilleeney er e noidyn: as nee yn cliwe sluggey gys y clane, as bee eh er-meshtey lesh yn uill oc; son ec y Chiarn Jee ny sheshaghtyn-caggee ta oural [folley] ayns y cheer twoaie liorish yn awin Euphrates.

Jeremiah 48:6

Roie-jee er-chea, saue-jee nyn mioys, as bee-jee myr y freoagh ayns yn aasagh.

Jeremiah 50:15

Yllee-jee noi eck ooilley mygeayrt: t’ee er livrey seose ee hene: ta ny undinyn eck er ny lhaggaghey, ny voallaghyn eck lhieggit; son shoh lhiasaghey yn Chiarn: gow-jee cooilleeney urree; ’naght myr t’ee er n’yannoo, jean-jee r’ee.

Jeremiah 50:28

Yn coraa ocsyn ta er chosney roue, as er scapail veih cheer Vabylon, dy ockley magh ayns Zion kerraghey voish y Chiarn y Jee ain, yn cooilleen t’eh er ghoaill son e hiamble.

Jeremiah 50:31

Cur-my-ner, ta mish dt’oï, O uss s’mooaralee ta, myr ta’n Chiarn Jee ny flaunyssee gra: son ta’n laa ayd’s er jeet ort, eer yn imbagh smaghtee.

Jeremiah 50:8

Scugh-jee ass Babylon, as ny fuirree-jee ny-sodjey ayns cheer ny Caldeanee; as bee-jee myr buick ny goair er kione ny shioltaneyn.

Jeremiah 51:11

Shleeu-jee ny sideyn; lhieen-jee ny builg-side: ta’n Chiarn er ghoostey spyrryd reeaghyn ny Medeyn: son t’eh kiarit noi Babylon dy stroie eh, as dy nee shoh yn cooilleeney ta’n Chiarn dy ghoaill son e hiamble.

Jeremiah 51:36

Shen-y-fa myr shoh ta’n Chiarn dy ghra, Cur-my-ner, goym’s seose dty chooish, as trog-yms cooilleen er dty hon; as chyrmee-ym seose yn awin eck, as dooin-ym e farraneyn;

Jeremiah 51:45

My phobble, immee-jee magh ass-jee, as livrey-jee dy chooilley ghooinney e annym veih jymmoose trome y Chiarn.

Jeremiah 51:50

Shiuish ta er scapail yn chliwe, cosne-jee rieau, ny shass-jee: cooinee-jee er y Chiarn foddey jeh, as smooinee-jee er Jerusalem.

Jeremiah 51:56

Er-yn-oyr dy vel y spooilleyder er jeet urree, eer er Babylon, as ta ny deiney niartal eck goit; ta ooilley ny bow’ghyn oc brisht, son nee yn Chiarn Jee, yn Lhiaseyder, dy shickyr cooilleeney.

Jeremiah 51:9

Bailliu v’er lheihys Babylon, agh cha beagh ee er ny lheihys: faag-jee veue ee, as lhig dooin goll dagh dooinney gys e heer hene: son ta’n briwnys eck roshtyn gys niau, as er droggal eer gys yrjid yn aer.

Dobberan 3:64

Ver uss dauesyn, O Hiarn, cooilleeney, rere obbyr nyn laueyn.

Earrooyn 16:26

As loayr eh rish y cheshaght gra, Scugh-jee, ta mee guee erriu, veih cabbaneyn ny deiney mee-chrauee shoh, as ny benn-jee rish veg dy vel lhieu, nagh bee shiu er nyn stroie ayns ooilley ny peccaghyn oc.

Deuteronomy 32:25

Nee’n cliwe cheu-mooie, as atchim cheu-sthie stroie chammah’n dooinney aeg as y moidyn, yn oikan myrgeddin, as y kione lheeah.

Deuteronomy 32:41

My ver-ym foyr er my chliwe sollys, as my nee my laue goaill greme er briwnys; goym kerraghey er my noidyn, as cooilleeney orroosyn ta dwoaie oc orrym.

Deuteronomy 32:43

Gow-jee boggey, marish e phobble, O shiuish ashoonyn: son nee eh cooilleeney ’ghoaill son fuill e harvaantyn, as kerraghey er e noidyn, as bee eh myghinagh da e heer, as da e phobble.

1 Timothy 5:22

Ny cur laueyn dy siyragh er dooinney erbee, chamoo gow ayrn jeh peccaghyn deiney elley: freill oo hene glen.

Ashlish 16:19

As va’n ard-valley mooar scart ayns three ayrnyn, as va ard-valjyn ny Hashoonee er nyn lhieggal: as haink ard-valley mooar Vabylon ayns cooinaghtyn fenish Yee, dy choyrt jee yn cappan feeyney jeh dewilys e yymmoose.