Jeremiah 51:57 - Yn Vible Casherick 1775 1819

⁵⁷ As nee’m ny princeyn eck er-meshtey, ny deiney creeney, ny captanyn, ny fir-reill, as ny treanee caggee: as hig cadley trome orroo, as gyn doostey, ta’n Ree dy ghra, ta e ennym Yn Chiarn ny flaunyssee.

Jeremiah 51:57 ပူးပေါင်းရင်းမြစ်များ

Isaiah 37:36

Eisht hie ainle y Chiarn magh, as woaill eh ayns camp ny Assyrianee nuy-feed as queig thousaneyn: as tra dirree ad ’sy voghrey, cur-my-ner, v’ad ooilley nyn girp marroo.

Isaiah 44:25

Ta cur dyn veg cowraghyn ny breageryn; ta cur shaghrynys er ny fir-obbee; ta coyrt deiney creeney ass y raad, as jannoo nyn greenaght dy ve ommijys;

Isaiah 6:5

Eisht dooyrt mee, Smerg dooys! cre’n erree hig orrym; er-yn-oyr dy vel mee my ghooinney jeh meillyn neu-ghlen, as ta mee cummal mastey pobble jeh meillyn neu-ghlen: son ta my hooillyn er vakin y Ree, Chiarn ny flaunyssee.

Jeremiah 13:13

Eisht jir oo roo, Myr shoh ta’n Chiarn dy ghra, Cur-my-ner, lhieen-yms ooilley cummaltee yn cheer shoh, eer ny reeaghyn ta soie er stoyl-reeoil Ghavid, as ny saggyrtyn, as ny phadeyryn, as ooilley cummaltee Yerusalem, lesh meshtallys.

Jeremiah 25:27

Shen-y-fa jir oo roo, Myr shoh ta Chiarn ny sheshaghtyn flaunyssagh, Jee Israel, dy ghra, Iu-jee, as bee-jee er-meshtey, as jean-jee tilgey as tuittym, as ny irree-jee arragh, kyndagh rish y chliwe ver-yms ny mast’ eu.

Jeremiah 46:18

Myr ta mee bio, ta’n Ree gra, ta’n ennym echey, Yn Chiarn dy heshaghtyn-flaunyss, Cha shickyr as ta Tabor soit mastey ny sleityn, as Carmel rish oirr ny marrey, bee shoh er ny chooilleeney.

Jeremiah 48:15

Ta Moab spooillit, as er hreigeil e ard-valjyn, as ta e reih deiney aegey er n’gholl sheese gys y slaughter, ta’n Ree dy ghra, ta enmyssit, Chiarn ny flaunyssee.

Jeremiah 50:30

Shen-y-fa tuittee ny deiney aegey eck ayns ny straïdyn, as bee ooilley ny deiney-caggee eck giarit jeh ayns y laa shen, ta’n Chiarn dy ghra.

Jeremiah 51:39

Ayns chiass nyn rouanys aarlee-yms gien elley daue, as nee’m ad er-meshtey dy yannoo ching jeu, as dy hilgey ad ayns cadley trome kinjagh, nagh bee ad dy bragh er nyn ghoostey, ta’n Chiarn dy ghra.

Ezekiel 20:33

Myr ta mee bio ta’n Chiarn Jee dy ghra, son shickyrys, lesh laue niartal, as lesh roih sheeynt magh, as lesh eulys trome reill-yms harrystiu.

Nahum 1:10

Son choud as t’ad cast fud-y-cheilley myr ny drineyn, as nyn geeayl voue, myr deiney meshtal, bee ad stroit myr stubble slane creen

Nahum 3:18

Ta dty vochillyn saveenagh, O ree Assyria: nee dty gheiney ooasle cadley ayns y joan: ta dty phobble skeaylt er ny sleityn, as cha vel dooinney erbee dy haglym ad.

Malachi 1:14

Agh mollaght dy row er y chialgeyr, t’echey ayns e hioltane fyrrynagh, as ny-yeih ta breearrey as chebbal gys y Chiarn red doghanit: son ta mish yn Ard-ree, ta Chiarn ny flaunyssee dy ghra, as ta m’ennym atchimagh mastey ny ashoonee.

Ashlish 18:9

As nee reeaghyn y theihll ta er n’yannoo maarderys, as er vaghey dy rouanagh mâree, keayney, as dobberan er e son, tra hee ad jaagh y lostey eck.