Jeremiah 51:53 - Yn Vible Casherick 1775 1819

⁵³ Ga dy jinnagh Babylon troggal seose ee hene gys niau, as ga dy jinnagh ee niartaghey yrjid yn troshid eck, ny-yeih voym’s hig cragheyderyn urree, ta’n Chiarn dy ghra.

Jeremiah 51:53 ပူးပေါင်းရင်းမြစ်များ

Genesis 11:4

As dooyrt ad, Tar-jee, lhig dooin ard-valley as toor y hroggal, e vullagh nee roshtyn gys niau; as lhig dooin ynnyd-vaghee shickyr y yannoo dooin hene, nagh bee mayd skeaylt veih-my-cheilley er slane eaghtyr y thallooin.

Lioar Yob 20:6

Ga dy vel e ooashley roshtyn gys ny niaughyn, as e chione troggit seose gys ny bodjallyn;

Isaiah 13:17

Cur-my-ner, greinnee-yms seose ny Medeyn nyn ’oï, nagh bee scansh oc jeh argid; as er son airh, cha vel ad goaill taitnys ayn.

Isaiah 41:25

Ta mee er hroggal seose fer veih’n twoaie, as hig eh: veih irree ny greïney nee eh fockley-magh my ennym; as ver eh princeyn fo-chosh myr y morter, as myr ta pasheyder stampey’n chray.

Isaiah 47:5

Soie uss dty host, as stiagh oo ayns dorraghys, O inneen ny Caldeanee: son cha bee oo ny smoo enmyssit, Ard-lady ny reeriaghtyn.

Isaiah 47:7

As t’ou er ghra, Bee’m my ard-lady son dy bragh: as cha ren oo ny reddyn shoh y ghoaill gys dty chree, chamoo ren oo smooinaghtyn cre’n jerrey harragh er.

Jeremiah 49:16

Ta dty chione-ardys hene, as mooaralys dty chree er dty volley, uss ta dty chummal mastey scoltaghyn ny creggey, ta freayll mooie ’sy vullagh: ga dy jinnagh oo dty edd co-ard rish yn urley, raip-yms oo neose veih shen, ta’n Chiarn dy ghra.

Jeremiah 50:21

Immee seose noi thalloo Merathaim, eer noi shen, as fir-vaghee Phekod; cur naardey as stroie dy bollagh nyn eiyrt’s, ta’n Chiarn dy ghra, as jean ooilley rere myr ta mee er harey dhyt.

Jeremiah 50:25

Ta’n Chiarn er vosley thie e armyn, as er choyrt lesh magh greinyn e yymmoose: son shoh obbyr y Chiarn Jee ny flaunyssee ayns cheer ny Caldeanee.

Jeremiah 50:45

Shen-y-fa eaisht-jee rish coyrle y Chiarn t’eh er ghoaill noi Babylon, as cre t’eh kiarit dy yannoo noi cheer ny Caldeanee; dy jean eer yn er s’faase ’sy chioltane ad y eiyrt magh; son shickyrys ver eh naardey nyn ynnyd-vaghee mâroo hene.

Jeremiah 51:11

Shleeu-jee ny sideyn; lhieen-jee ny builg-side: ta’n Chiarn er ghoostey spyrryd reeaghyn ny Medeyn: son t’eh kiarit noi Babylon dy stroie eh, as dy nee shoh yn cooilleeney ta’n Chiarn dy ghoaill son e hiamble.

Jeremiah 51:25

Cur-my-ner, ta mish dt’oï, O lieau chustey, ta’n Chiarn dy ghra, ta coyrt shaghrynys er ooilley yn seihll; agh sheeyn-yms my laue ort, as rowl-yms neose oo veih dty chreggyn, as neem’s oo y yannoo slieau loshtee.

Jeremiah 51:48

Eisht nee niau as thalloo, as ooilley ny t’ayndoo, jannoo ronneeaght er Babylon: son hig ny cragheyderyn urree veih’n twoaie, ta’n Chiarn dy ghra.

Jeremiah 51:56

Er-yn-oyr dy vel y spooilleyder er jeet urree, eer er Babylon, as ta ny deiney niartal eck goit; ta ooilley ny bow’ghyn oc brisht, son nee yn Chiarn Jee, yn Lhiaseyder, dy shickyr cooilleeney.

Jeremiah 51:58

Myr shoh ta Chiarn ny armeeyn dy ghra, Bee voallaghyn lheaney Vabylon dy bollagh lhieggit rish y thalloo, as ny giattyn ard eck losht lesh aile; as nee’n pobble tooilleil ayns fardail, as baaree yn sleih nyn niart dy deinagh trooid yn aile.

Daniel 4:30

Loayr y ree, as dooyrt eh, Nagh nee shoh Babylon mooar, ta mee er hroggal son thie yn reeriaght, liorish niart my phooar, as son onnor my ooashley?

Amos 9:2

Ga dy gleiyagh ad gys niurin, veih shen nee my laue ad y ghoaill, as ga dy jed ad seose gys niau, veih shen ver-ym lhiam neose ad:

Amos 9:4

As ga dy jed ad gys cappeeys kiongoyrt rish nyn noidyn, shen y raad ver-ym sarey da’n chliwe, as nee eh ad y varroo: as bee sooill aym orroo son olk, as cha nee son mie.

Habakkuk 2:9

Smerg dasyn ta sondagh er cosney aggairagh son e hie! dy vod eh soiaghey e edd dy ard, dy vod eh ve livreït veih roshtyn yn olk.