Jeremiah 51:5 - Yn Vible Casherick 1775 1819

⁵ Son cha vel Israel dy slane treigit, ny Judah, liorish e Yee, Chiarn ny flaunyssee; ga dy row yn cheer oc lhieent lesh peccah noi Fer-casherick Israel.

Jeremiah 51:5 ပူးပေါင်းရင်းမြစ်များ

1 Reeaghyn 6:13

As nee’m cummal mastey cloan Israel, as cha dreig-ym my phobble Israel.

2 Reeaghyn 21:16

Ren Manasseh myrgeddin deayrtey mooarane fuill neu-chyndagh, derrey v’eh er lhieeney Jerusalem veih kione gy-kione; marish e pheccah hene huggey v’eh er hayrn Judah, ayns jannoo shen ny va olk ayns shilley yn Chiarn.

Ezra 9:9

Son va shin fo bondiaght, agh cha vel y Jee ain er hreigeil shin ayns nyn mondiaght, agh er hoilshaghey myghin dooin ayns sooillyn ree Phersia, dy choyrt dooin ooraghey, dy hoiaghey seose thie yn Jee ain, as dy lhiasaghey yn traartys echey, as dy choyrt dooin voalley ayns Judah as Jerusalem.

Psalmyn 94:14

Son cha jean y Chiarn failleil e phobble: chamoo nee eh treigeil e eiraght;

Isaiah 44:21

Cooinee orroo shoh, O Yacob as Israel; son uss my harvaant: ta mee er dty chummey; t’ou uss my harvaant: O Israel, cha jean-ym dty yarrood.

Isaiah 51:15

Agh mish y Chiarn dty Yee, ren rheynn yn aarkey, va ny tonnyn eck freaney: Chiarn ny flaunyssee yn ennym echey.

Isaiah 62:12

As bee ad enmyssit Yn pobble casherick, Cloan chionnit y Chiarn: as bee uss enmyssit Ennoil, Yn ard-valley nagh vel treigit.

Jeremiah 14:19

Vel oo dy bollagh er hreigeil Judah? vel Zion dwoaie dty annym? cre’n-fa t’ou er woalley shin, as nagh vel saase nyn gour? va shin jerkal son shee, as cha vel veg y vie; as son earish slayntoil, as cur-my-ner seaghyn!

Jeremiah 14:9

Cre’n-fa veagh oo myr dooinney fo atchim, myr dooinney lajer t’er choayl e vree? foast t’ou uss, O Hiarn, ny mast’ ain, as ort’s ta shin enmyssit; ny treig shin.

Jeremiah 16:18

As hoshiaght nee’m cooilleeney dooble y ghoaill son nyn mee-chairys as nyn beccah; er-yn-oyr dy vel ad er n’yannoo my heer neu-ghlen, t’ad er lhieeney my eiraght lesh callinyn nyn reddyn feohdoil as eajee.

Jeremiah 19:4

Er-yn-oyr dy vel ad er my hreigeil, as er an-chasherickey yn voayl shoh, as er lostey incense ayn da jeeghyn joarree, nagh row enney oc hene orroo, ny ec nyn ayraghyn, ny ec reeaghyn Yudah, as dy vel ad er lhieeney yn voayl shoh lesh fuill gyn-loght.

Jeremiah 23:15

Shen-y-fa shoh myr ta Chiarn ny sheshaghtyn flaunyssagh dy ghra mychione ny phadeyryn, Cur-my-ner, ver-ym daue ullymar dy ee, as ver-ym ushtey galley daue dy iu: son veih phadeyryn Yerusalem ta mee-chraueeaght er n’gholl magh fud ooilley’n cheer.

Jeremiah 31:37

Shoh myr ta’n Chiarn dy ghra, My oddys niau heose ve towshit, as undinyn y thallooin heese ve ronsit magh, eisht scarr-yms myrgeddin rish ooilley sluight Israel, son ooilley ny t’ad er n’yannoo, ta’n Chiarn dy ghra.

Jeremiah 46:28

Ny gow aggle, O Yacob my harvaant, ta’n Chiarn dy ghra; son ta mee mayrt: as nee’m slane jerrey er ooilley ny ashoonyn raad ta mee er n’eiyrt oo; as cha jean-yms slane jerrey jeed’s; agh smaght-yms oo ayns myghin; ga nagh vaag-ym oo ooilley-cooidjagh gyn kerraghey.

Jeremiah 50:20

Ayns ny laghyn shen, as ec y traa cheddin, ta’n Chiarn dy ghra, nee ad briaght son loght Israel, agh cha bee veg ayn; as son peccaghyn Yudah, agh cha bee ad ry-gheddyn: son beem’s myghinagh dauesyn ta mee dy livrey.

Jeremiah 51:19

Cha vel Eiraght Yacob goll-roosyn; son she eshyn t’er chroo dy chooilley nhee; as ta Israel cronney e eiraght; Yn Chiarn ny flaunyssee yn ennym echey.

Ezekiel 8:17

Eisht dooyrt eh rhym, Vel oo er vakin shoh, O vac y dooinney? nee red eddrym eh da thie Yudah, dy vel ad cur-rish lheid yn eajeeys, as t’ad dy yannoo ayns shoh? son t’ad er lhieeney yn thalloo lesh tranlaase, as t’ad er chur cooyl rhym, dy my vrasnaghey; as cur-my-ner ta’n broïd oc er chur feoh aynym.

Ezekiel 9:9

Eisht dooyrt eh rhym, Ta mee-chraueeaght thie Israel as Judah erskyn-earroo mooar, as ta’n cheer roie harrish lesh fuill, as ta’n ard-valley lane dy vee-chairys: son t’ad gra, Ta’n Chiarn er hreigeil y thalloo, as cha vel y Chiarn cur-my-ner.

Hosea 1:10

Ny-yeih bee earroo cloan Israel myr genniagh ny marrey, nagh vod ve er ny howse, ny er ny choontey; as hig eh gy-kione, ’syn ynnyd ayn ve er ny ghra roo, Cha nee shiuish yn pobble aym’s, dy nee ayns shen bee eh graït roo, Shiuish mec y Jee bio.

Hosea 2:1

Abbyr-jee rish nyn mraaraghyn, Ammi, as rish nyn shayraghyn, Ru-hamah.

Hosea 2:3

Er-aggle, dy der-ym ee gys nearey, cha rooisht as y laa ruggyr ee, as dy jean-ym ee myr faasagh, as myr thalloo reeastaneagh, as dy marr-ym ee lesh paays.

Hosea 4:1

Eaisht-jee rish goo yn Chiarn, shiuish chloan Israel: son ta cooish ec y Chiarn rish cummaltee ny cheerey, son nagh vel ynrickys, ny myghin, ny tushtey dy Yee ayns y cheer.

Hosea 4:2

Liorish loo oaiagh, as breagyn, as dunverys, as geid, as brishey-poosey, t’ad brishey magh, as ta dunverys er dunverys.

Micah 7:18

Quoi ta ny Yee casley rhyt’s, ta leih mee-chairys, as maih’ghey yn shaghrynys ocsyn ta er-mayrn ayns e eiraght? cha vel eh freayll e chorree son dy bragh, er-yn-oyr dy vel eh goaill taitnys ayns myghin.

Micah 7:20

Nee oo yn ynrickys y hoilshaghey da Jacob, as y vyghin da Abraham, t’ou, er vreearrey da nyn ayraghyn er-dy laghyn yn chenn earish.

Zechariah 12:6

Ayns y laa shen neem’s kiannoortyn Yudah goll-rish chiollagh dy aile mastey’n fuygh, as myr brasnag aile ayns bunney arroo: as nee ad stroie ny ashoonee ooilley mygeayrt, er y laue yesh, as er y laue chiare: as bee cummaltee ayns Jerusalem reesht, ayns y voayl eck hene, eer ayns Jerusalem.

Zechariah 12:8

Nee’n Chiarn ayns y laa shen fendeil cummaltee Yerusalem: as bee eshyn ta faase ny-vud oc ’sy laa shen goll-rish David; as bee thie Ghavid goll-rish Jee, as myr ainle y Chiarn goll rhymboo.

Zechariah 2:12

As nee yn Chiarn goaill huggey hene myr eiraght Judah e chronney ayns y thalloo sheaynt, as gow ee eh reesht Jerusalem myr reih.

1 Samuel 12:22

Son cha jean y Chiarn treigeil e phobble er graih e ennym mooar hene; son dy s’gooidsave lesh y Chiarn dy yannoo shiu e phobble.