Jeremiah 51:30 - Yn Vible Casherick 1775 1819

³⁰ Ta treanee Vabylon er scuirr veih’n chaggey, t’ad lhie cooyl nyn voallaghyn: ta’n troshid oc er n’aase moal; t’ad faase myr mraane: ta ny ynnydyn-vaghee eck losht, as ny boltyn eck brisht.

Jeremiah 51:30 ပူးပေါင်းရင်းမြစ်များ

Nahum 3:13

Cur-my-ner, cha vel dty phobble cheu-sthie jeed agh mraane: bee giattyn dty heer dy lhean foshlit gys dty noidyn, nee yn aile stroie dty chagliaghyn.

Dobberan 2:9

Ta ny giattyn eck lhiggit sheese fo halloo; t’eh er stroie as er vrishey ny boltyn eck, ta’n ree as ny princeyn eck mastey ny ashoonee; ta’n leigh er n’gholl naardey, as cha vel ashlish sodjey ec ny phadeyryn veih’n Chiarn.

Isaiah 19:16

Ayns y laa shen vees Egypt goll-rish mraane: bee aggle as atchim er, kyndagh rish laue baggyrtagh Chiarn ny flaunyssee, t’eh dy chraa harrish.

Psalmyn 76:5

Ta’n vooinjer voyrnagh er nyn roostey, t’ad er ghoaill nyn gadley baaish: as ooilley ny deiney va ny laueyn oc niartal, cha vel ad er gheddyn monney.

Amos 1:5

Brish-ym myrgeddin giattyn Ghamascus, as astyr-ym yn cummaltagh ass strah Aven, as eshyn ta cummal yn lorg-reill ass thie Eden: as hed pobble Syria ayns cappeeys gys Kir, ta’n Chiarn dy ghra.

Jeremiah 48:41

Ta Kerioth goit, as ny cashtallyn lajer greimmit, as bee creeaghyn deiney-caggee Voab ec y laa shen myr cree ben ayns pianyn troailt.

Ashlish 18:10

Shassoo foddey jeh son aggle jeh’n torchagh eck, gra, Ah treih, treih, yn ard-valley mooar shen Babylon, yn ard-valley mooar lajer shen! son ayns un oor ta dty vriwnys er jeet.

Jeremiah 51:57

As nee’m ny princeyn eck er-meshtey, ny deiney creeney, ny captanyn, ny fir-reill, as ny treanee caggee: as hig cadley trome orroo, as gyn doostey, ta’n Ree dy ghra, ta e ennym Yn Chiarn ny flaunyssee.

Jeremiah 51:32

Dy vel ny coorseyn-ushtey giarit jeh, yn chuirtlagh er aile, as ny deiney-caggee er choayl nyn dappey.

Psalmyn 147:13

Son t’eh er n’yannoo shickyr boltyn dty yiattyn: as er vannaghey dty chloan er cheu-sthie jeed.

Psalmyn 107:16

Son t’eh er vrishey ny giattyn prash: as er yiarey ny barryn yiarn veih-my-cheilley.

Isaiah 47:14

Cur-my-ner, bee ad myr y yiare-choonlagh; nee yn aile ad y lostey; cha jean ad livrey ad-hene veih pooar y lossey: cha bee ayn smarage dy nyn jiow, ny aile dy hoie sheese huggey.

Jeremiah 50:15

Yllee-jee noi eck ooilley mygeayrt: t’ee er livrey seose ee hene: ta ny undinyn eck er ny lhaggaghey, ny voallaghyn eck lhieggit; son shoh lhiasaghey yn Chiarn: gow-jee cooilleeney urree; ’naght myr t’ee er n’yannoo, jean-jee r’ee.