Jeremiah 51:16 - Yn Vible Casherick 1775 1819

¹⁶ Tra t’eh cur magh e choraa, ta’n aer laadit lesh ushtey, as t’eh cur er kay troggal veih ardjyn sodjey magh y thallooin; t’eh cur magh tendreilyn lesh fliaghey, as lhiggey magh yn gheay ass e hashtaghyn.

Jeremiah 51:16 ပူးပေါင်းရင်းမြစ်များ

Genesis 8:1

As chooinee Jee er Noah, as er dagh cretoor bio, as er ooilley yn maase va mârish ’syn arg: as hug Jee er geay dy heidey harrish y thalloo, as ren ny ushtaghyn sloateil.

Lioar Yob 37:13

T’eh cur er cheet, edyr son kerraghey, son y thalloo, ny son myghin.

Lioar Yob 38:22

Vel uss er n’gholl stiagh gys tashtaghyn y sniaghtey? ny vel oo er vakin creaghyn y sniaghtey-garroo,

Lioar Yob 40:9

Vel roih ayd’s myr t’ec Jee? er-nonney vod oo taarnaghey lesh dty choraa goll-rishyn?

Psalmyn 104:7

Ec yn oghsan ayd’s t’ad chea ersooyl: ec coraa dty haarnagh ta aggle orroo.

Psalmyn 135:7

T’eh cur magh ny bodjallyn veih ardjyn sodjey magh y theihll: as cur magh ny tendreilyn-taarnee lesh y fliaghey, tayrn ny geayghyn magh ass e hashtaghyn.

Psalmyn 147:18

T’eh coyrt magh e ghoo, as dy hennue ad: t’eh sheidey lesh e gheay, as ta ny ushtaghyn roie.

Psalmyn 18:13

Hug y Chiarn neesht taarnagh veih niau, as ren y Fer syrjey coyrt e haarnagh: claghyn-sniaghtee, as smarageyn d’aile.

Psalmyn 46:6

Ta ny ashoonyn goaill lane bea orroo, as ta ny reeriaghtyn er nyn scughey: agh ta Jee er hoilshaghey e choraa, as nee’n seihll lheïe ersooyl.

Psalmyn 68:33

Ta ny hoie ayns ny niaughyn erskyn ooilley er-dyn toshiaght: cur-my-ner, t’eh cur magh e choraa, dy jarroo, as shen coraa niartal.

Psalmyn 78:26

Myr shen ren dooinney bee ainleyn y ee: son hug eh daue beaghey dy liooar.

Exodus 10:13

As ren Moses e lorg y heeyney magh harrish cheer Egypt, as hug y Chiarn lesh geay-niar er y cheer fey-ny-laa, as fud-ny-hoie shen; as tra va’n moghrey er jeet rish, hug y gheay-niar lesh ny locustyn.

Exodus 10:19

As hyndaa yn Chiarn yn gheay mygeayrt gys y neear, feer lajer as niartal, ren sheebey ersooyl ny locustyn, as ad y cheau ayns yn Aarkey Jiarg: cha row un locust faagit ayns ooilley ardjyn Egypt.

Exodus 14:21

As heeyn Moses magh e laue erskyn yn aarkey; as hug y Chiarn er yn aarkey dy hraie, lesh geay niartal veih’n niar fud-ny-hoie shen, as haink y thalloo chirrym rish, as va ny ushtaghyn er nyn scarrey veih-my-cheilley.

Ezekiel 10:5

As va sheean skianyn ny cherubim er ny chlashtyn, gys eer yn chooyrt sodjey magh, myr coraa yn Jee ooilley-niartal, tra t’eh loayrt.

Amos 9:7

Nagh vel shiuish myr cloan ny Ethiopianee dooys, O chloan Israel? ta’n Chiarn dy ghra. Nagh nee mish hug lhiam seose Israel ass thalloo Egypt? as ny Philistinee veih Caphtor, as ny Syrianee veih Kir?

Jonah 1:4

Agh hug y Chiarn magh geay vooar er yn aarkey, as va sterrym dorrinagh ayns y cheayn, myr shen dy row yn lhong ayns gaue brishey.

Jonah 4:8

As haink eh gy-kione, tra dirree yn ghrian, dy doardee Jee geay-niar fowanagh; as cha lajer shen va chiass ny greïney er kione Yonah, dy huitt eh my-neealloo, as yeearree eh ayns e chree, dy gheddyn baase, as dooyrt eh, Te ny share dooys dy ve marroo na dy ve bio.