Jeremiah 51:11 - Yn Vible Casherick 1775 1819

¹¹ Shleeu-jee ny sideyn; lhieen-jee ny builg-side: ta’n Chiarn er ghoostey spyrryd reeaghyn ny Medeyn: son t’eh kiarit noi Babylon dy stroie eh, as dy nee shoh yn cooilleeney ta’n Chiarn dy ghoaill son e hiamble.

Jeremiah 51:11 ပူးပေါင်းရင်းမြစ်များ

1 Reeaghyn 11:14

As ghreinnee’n Chiarn seose noid da Solomon, Hadad yn Edomite, v’eh jeh sluight ree Edom.

1 Reeaghyn 11:23

As ghreinnee Jee seose noid elley n’oï, Rezon mac Eliadah, chossyn er-chea veih e hiarn Hadadezer, ree Zobah.

1 Recortyssyn 5:26

As ren Jee Israel greinnaghey seose spyrryd Phul ree Assyria, as spyrryd Tiglath-pileser ree Assyria: as chur eh lesh ad ersooyl, (eer ny Reubeniteyn, as ny Gaditeyn, as y lieh-tribe Vanasseh) as hoie eh ad ayns Halah, as Habor, as Hara, as choud’s awin Gozan, gys y laa t’ayn jiu.

2 Recortyssyn 36:22

Nish ’sy chied vleïn jeh Cyrus ree Phersia (dy voddagh goo’n Chiarn hie er loayrt liorish beeal Yeremiah ve cooilleenit) ren y Chiarn greinnaghey spyrryd Cyrus ree Phersia, dy dug eh magh sarey scruit trooid ooilley e reeriaght, gra,

Ezra 1:1

Nish, ayns y chied vleïn jeh Cyrus ree Phersia (dy voddagh goo’n Chiarn liorish beeal Yeremiah v’er ny chooilleeney) hug eh ayns cree Cyrus ree Phersia, dy ockley magh trooid ooilley e reeriaght, as myrgeddin dy beagh eh ayns screeu, gra,

Isaiah 10:26

As nee Chiarn ny flaunyssee doostey seose kerraghey er e hon, myr ayns cragh Vidian ec creg Oreb; as myr va’n lorg echey er yn aarkey, myr shen nee eh troggal seose eh, myr ren eh ec Egypt.

Isaiah 21:2

Ta ashlish feiyjagh er ny hoilshaghey dou; Ta’n molteyr hene er ny volley, as ta’n spooilleyder er ny spooilley. Seose lhiat, O Elam: chion stiagh [Babylon], O Vedia: ooilley ny osnaghyn v’eck by-chyndagh roo ta mee er chur dy fea.

Isaiah 21:5

Soie-jee magh y boayrd, freill-jee arrey ayns toor y watch, ee-jee, iu-jee: irree-jee, shiuish reiltee, as bee-jee ullee ayns nyn eïlley-caggee.

Isaiah 41:25

Ta mee er hroggal seose fer veih’n twoaie, as hig eh: veih irree ny greïney nee eh fockley-magh my ennym; as ver eh princeyn fo-chosh myr y morter, as myr ta pasheyder stampey’n chray.

Isaiah 45:1

Myr shoh ta’n Chiarn dy ghra rish e er-ooilit, rish Cyrus, e laue yesh ta mee niartaghey, dy injillaghey ashoonyn kiongoyrt rish; as nee’m lhaggaghey meeghyn reeaghyn, dy osley roishyn ny giattyn coollee-dooble; as cha bee ny giattyn dooint:

Isaiah 45:5

Mish y Chiarn, as cha vel Jee erbee elley agh mish: ren mee dty niartaghey, ga nagh vel oo er choyrt enney orrym;

Isaiah 46:11

Geamagh er eean jollyssagh veih’n niar, yn dooinney ta cooilleeney my choyrle veih cheer joarree: dy jarroo, ta mee er loayrt eh, ver-ym lhiam eh myrgeddin gys kione; ta mee myrgeddin er chiarail eh, nee’m myrgeddin cooilleeney eh.

Jeremiah 25:25

As ooilley reeaghyn Zimri, as ooilley reeaghyn Elam, as ooilley reeaghyn ny Medeyn,

Jeremiah 46:3

Fow-jee aarloo yn scape as yn eilley-caggee, as tayrn-jee magh gys y chaggey.

Jeremiah 46:4

Greïe-jee ny cabbil; as er nyn mooin, shiuish varkee, as shass-jee magh ayns nyn mayrnyn-caggee; shleeu-jee nyn shleiyghyn, as cur-jee erriu ny cooatyn-caggee.

Jeremiah 46:9

Tar-jee seose, chabbil; as jean-jee freaney, shiuish fainee; as lhig da ny deiney-caggee marchal; ny Ethiopianee, as ny Lybianee ta gymmyrkey yn scape, as ny Lydianee ta aghtal dy hayrn as dy lhoobey yn vhow.

Jeremiah 50:25

Ta’n Chiarn er vosley thie e armyn, as er choyrt lesh magh greinyn e yymmoose: son shoh obbyr y Chiarn Jee ny flaunyssee ayns cheer ny Caldeanee.

Jeremiah 50:3

Son ass y twoaie ta cheet seose ashoon noi eck, nee jannoo yn cheer eck follym-faase, as cha bee cummaltagh ayn; nee ad scughey, nee ad treigeil ee, chammah dooinney as baagh.

Jeremiah 50:45

Shen-y-fa eaisht-jee rish coyrle y Chiarn t’eh er ghoaill noi Babylon, as cre t’eh kiarit dy yannoo noi cheer ny Caldeanee; dy jean eer yn er s’faase ’sy chioltane ad y eiyrt magh; son shickyrys ver eh naardey nyn ynnyd-vaghee mâroo hene.

Jeremiah 50:9

Son cur-my-ner, trog-yms seose, as ver-ym noi Babylon, shiartanse vooar dy ashoonyn pooaral veih’n cheer-twoaie; as nee ad soiaghey ad-hene ayns order-caggee noi eck; lioroo shen vees ee goit: bee ny sideyn oc myr sideyn dooinney lajer gastey; cha bee side jeu lhiggit ayns fardail.

Jeremiah 51:12

Cur-jee seose yn mergey er voallaghyn Vabylon, niartee-jee yn arrey, soie-jee ny arreyderyn, cur-jee sleih dy lhie cooyl-chlea: son ta’n Chiarn chammah er chiarail, as er n’yannoo mie ny t’eh er loayrt noi cummaltee Vabylon.

Jeremiah 51:24

Agh cooilleen-yms er Babylon roish nyn sooillyn, as er ooilley fir-vaghee Chaldea, ooilley ny huilk t’ad er n’yannoo er Zion, ta’n Chiarn dy ghra.

Jeremiah 51:35

Yn dewilys jeant orrym’s as er my eill, dy row eh er Babylon, nee cummaltagh Zion gra; as, Dy row my uill er fir-vaghee Chaldea, jir Jerusalem.

Jeremiah 51:36

Shen-y-fa myr shoh ta’n Chiarn dy ghra, Cur-my-ner, goym’s seose dty chooish, as trog-yms cooilleen er dty hon; as chyrmee-ym seose yn awin eck, as dooin-ym e farraneyn;

Daniel 5:30

’Syn oie cheddin va Belshazzar ree ny Caldeanee er ny varroo.

Joel 3:10

Bwoaill-jee magh ny coulteryn eu ayns cliwenyn, as ny corranyn-pollal eu ayns shleiyghyn; lhig da’n fer faase gra, Ta mee lajer.

Joel 3:9

Fockle-jee shoh magh mastey ny ashoonee: bee-jee ullee son y chaggey, dooisht-jee ny deiney niartal, lhig da ooilley ny deiney-caggee tayrn er-gerrey, lhig daue cheet seose.

Leviticus 26:25

As ver-yms lhiam y chliwe erriu, nee cooilleeney ’ghoaill erriu son brishey my chonaant: as tra ta shiu er nyn jaglym cooidjagh ayns nyn ard-valjyn, ver-yms y plague ny-vud eu; as bee shiu er nyn livrey gys laueyn nyn noidyn.

Zechariah 14:12

As shoh vees yn kerraghey, lesh nee yn Chiarn bwoalley ooilley’n pobble, t’er chaggey noi Jerusalem: nee’n, eill oc shymley ersooyl choud as t’ad shassoo er nyn gassyn, as nee ny sooillyn oc lheïe ersooyl ayns nyn ghing, as nee’n chengey oc shirgaghey ayns nyn meeal.

Zechariah 14:2

Son chaglee-ym ooilley ny ashoonee noi Jerusalem dy chaggey, as bee’n ard-valley er ny ghoaill, as bee ny thieyn er ny roostey, as bee ny mraane goit er-êgin, as hed y derrey lieh jeh’n ard-valley magh ayns cappeeys, as cha bee yn chooid elley jeh’n pobble er ny yiarey jeh veih’n ard-valley.