Cur-my-ner, ver-yms geay paittoil ny raad, as clynnee eh jeh naight caggee, as nee eh chyndaa gys e heer hene; as ver-yms er tuittym liorish y chliwe ayns e heer hene.
Tar neose, as soie ayns y joan, O voidyn inneen Vabylon; soie er y thalloo: cha vel stoyl-reeoil sodjey dty chour’s, O inneen ny Caldeanee: son cha bee oo ny smoo enmyssit seyr as mettey.
As er Elam ver-ym lhiam ny kiare geayghyn veih ny kiare ardjyn yn aer, as nee’m fasney ad gys ooilley ny geayghyn shen; as cha bee ashoon erbee raad nagh jig scapailtee Elam.
Immee seose noi thalloo Merathaim, eer noi shen, as fir-vaghee Phekod; cur naardey as stroie dy bollagh nyn eiyrt’s, ta’n Chiarn dy ghra, as jean ooilley rere myr ta mee er harey dhyt.
Ta mee er hoiaghey ribbey er dty hon, as t’ou goit, O Vabylon, as cha r’ou er dty hwoaie: t’ou er dty gheddyn magh, as greimmit neesht, er-yn-oyr dy vel oo er n’irree-magh noi yn Chiarn.
Eïe-jee er ny sideyryn noi Babylon: ooilley shiuish ta lhoobey yn vhow, camp-jee noi eck chion mygeayrt: ny lhig da veg cosney ass-jee: cur-jee leagh e obbraghyn; rere myr ooilley t’ee er n’yannoo, jean-jee reeish: son t’ee er ve mooaralagh noi yn Chiarn, Fer casherick Israel.
Myr shoh ta Chiarn ny flaunyssee gra, Va cloan Israel as cloan Yudah tranlaasit dy cheilley, as dy chion v’ad freilt lioroosyn ghow ad nyn gappeeyn; dob ad feaysley daue.
Son cur-my-ner, trog-yms seose, as ver-ym noi Babylon, shiartanse vooar dy ashoonyn pooaral veih’n cheer-twoaie; as nee ad soiaghey ad-hene ayns order-caggee noi eck; lioroo shen vees ee goit: bee ny sideyn oc myr sideyn dooinney lajer gastey; cha bee side jeu lhiggit ayns fardail.
Ga dy jinnagh Babylon troggal seose ee hene gys niau, as ga dy jinnagh ee niartaghey yrjid yn troshid eck, ny-yeih voym’s hig cragheyderyn urree, ta’n Chiarn dy ghra.
Agh v’ee er ny astyrt ayns eulys, v’ee tilgit sheese gys y thalloo, as ren y gheay-niar shirgaghey seose ny messyn eck: va ny slattagyn lajer eck brisht as fiojit, stroie yn aile ad.
Ga dy vel eh messoil mastey e vraaraghyn, hig geay-niar er, hig lomman lajer veih’n Chiarn seose ass yn aasagh, as chyrmee eh seose ny farraneyn-geill echey, as hed ny strooanyn ushtey echey naardey, nee eh spooilley ooilley tashtaghyn ny siyn aalin.
Son myr shoh ta Chiarn ny flaunyssee dy ghra, Ta Jee ny ghloyr er my choyrt noi ny ashoonee ren shiuish y spooilley, son eshyn vennys riuish, t’eh bentyn rish clagh y thooill echeysyn.