Jeremiah 50:4 - Yn Vible Casherick 1775 1819

⁴ Ayns ny laghyn shen, as ec y traa cheddin, ta’n Chiarn dy ghra, hig cloan Israel, adsyn as cloan Yudah dy cheilley, keayney myr t’ad goll, as shirrey gys y Chiarn nyn Yee.

Jeremiah 50:4 ပူးပေါင်းရင်းမြစ်များ

2 Recortyssyn 7:14

My nee my phobble ta enmyssit orrym, ad-hene y injillaghey, as padjer y yannoo, as shirrey my eddin, as chyndaa veih nyn ghrogh raaidyn: eisht ver-ym clashtyn veih niau, as neem’s yn peccah oc y leih, as slaanee-ym yn cheer.

Psalmyn 105:4

Shir-jee yn Chiarn as e niart: shir-jee e eddin er son dy bragh.

Isaiah 14:1

As nee yn Chiarn soilshaghey myghin er Jacob, as nee eh foast goaill Israel myr reih, as soiaghey ad ayns nyn jeer hene: as bee joarreeyn goit stiagh mâroo, as nee ad lhiantyn gys thie Yacob.

Isaiah 45:19

Cha vel mee er loayrt dy follit, ayns corneil dorraghey jeh’n theihll: cha dooyrt mee rish sluight Yacob, Shir-jee mee ayns fardail. Mish y Chiarn ta loayrt ynrickys, ta mee soilshaghey magh reddyn cairal.

Isaiah 55:6

Shir-jee gys y Chiarn choud’s t’eh ry-gheddyn, eam-jee ersyn choud’s t’eh er-gerrey.

Isaiah 63:4

Son ta laa yn lhiasaghey ayns my chree, as ta’n vleïn dy livrey my phobble er jeet.

Jeremiah 31:31

Cur-my-ner, ta ny laghyn cheet, ta’n Chiarn dy ghra, dy jean-yms conaant noa rish thie Israel, as rish thie Yudah;

Jeremiah 33:15

Ayns ny laghyn shen, as ec y traa shen, trog-yms seose da David yn Vanglane dy chairys; as nee eh briwnys as cairys y hirveish ’sy cheer.

Jeremiah 41:6

As hie Ishmael mac Nethaniah magh veih Mizpah nyn guail, keayney ooilley yn raad myr hie eh: as haink eh gy-kione, tra haink eh seose roo, dy dooyrt eh roo, Tar-jee gys Gedaliah mac Ahikam.

Ezekiel 16:61

Eisht nee oo cooinaghtyn er dty raaidyn, as nee oo nearey y ghoaill, tra yiow dty hayraghyn reesht, shinney as saa: as ver-ym ad dhyt son inneenyn, agh cha nee liorish dty chonaant’s.

Ezekiel 39:25

Shen-y-fa, shoh myr ta’n Chiarn Jee dy ghra, Nish ver-ym chyndaa da cappeeys Yacob, as bee myghin aym er slane lught-thie Israel, as bee’m eadolagh son my ennym’s casherick.

Hosea 1:11

Eisht bee cloan Yudah, as cloan Israel er nyn jaglym dy cheilley, as nee ad reih magh leeideilagh daue hene, as hig ad seose ass y cheer: son s’mooar vees laa Yezreel!

Hosea 11:10

Nee ad gimmeeaght lurg y Chiarn: troggee eh seose e choraa myr lion: tra ver eh magh e choraa, eisht bee’n chloan er-creau voish y neear.

Hosea 3:5

Ny lurg shen nee cloan Israel chyndaa reesht, as shirrey gys y Chiarn nyn Yee, as David nyn ree, as gowee ad aggle roish y Chiarn as e vieys, ayns ny laghyn jerrinagh.

Hosea 6:1

Tar-jee, as lhig dooin chyndaa gys y Chiarn: son t’eh er raipey, as nee eh nyn lheihys; t’eh er woalley shin, as nee eh nyn slaanaghey.

Joel 2:12

Shen-y-fa myrgeddin nish, ta’n Chiarn dy ghra, Chyndaa-jee dy jarroo hym’s, lesh ooilley nyn gree, as lesh trostey, as lesh keayney, as lesh dobberan.

Zechariah 12:10

As neem’s deayrtey er thie Ghavid, as er cummaltee Yerusalem, spyrryd dy ghrayse as dy phadjeryn, as nee ad jeeaghyn orrym’s t’ad er hoylley, as nee ad dobberan er e hon, myr ta dooinney dobberan son e vac ynrycan, as bee ad ayns sherriuid er e hon, myr dooinney ta ayns sherriuid son e vac shinney.

Jamys 4:9

Bee-jee seaghnit, as jean-jee dobberan as keayney: lhig da’n gharaghtee eu ve chyndaït gys dobberan, as y reaïd eu gys trimshey.