Jeremiah 5:9 - Yn Vible Casherick 1775 1819

⁹ Nagh jean-yms kerraghey son ny peccaghyn shoh? ta’n Chiarn dy ghra; as nagh jean m’annym’s cooilleeney ’ghoaill er lheid yn ashoon shoh?

Jeremiah 5:9 ပူးပေါင်းရင်းမြစ်များ

Raaghyn Creeney 6:29

Myr shen eshyn ta jannoo peccah rish ben e naboo: quoi-erbee vennys r’ee cha bee eh gyn-loght.

Isaiah 1:24

Shen-y-fa myr shoh ta’n Chiarn dy ghra, Chiarn ny flaunyssee, Jee niartal Israel, Ah, neem’s reaghey rish my noidyn, as goym cooilleeney orroosyn ta girree-magh m’oï.

Isaiah 57:6

Mastey claghyn shliawn y trooan ta dty chronney; t’adsyn, eer adsyn yn cronney ayd’s; dy jarroo dauesyn t’ou er gheayrtey magh oural-feeyney, t’ou er hebbal oural-arran. Cre’n taitnys oddym’s goaill ayndoo shoh?

Jeremiah 23:2

Shen-y-fa myr shoh ta’n Chiarn, Jee Israel, dy ghra noi ny bochillyn ta harrish my phobble, Ta shiu er skeayley my hioltane, as er n’eiyrt ad ersooyl, as cha vel shiu er yeeaghyn daue: cur-my-ner, neem’s cooilleeney y ghoaill erriu son y drogh-yannoo eu, ta’n Chiarn dy ghra.

Jeremiah 32:31

Son ta’n ard-valley shoh er ve dooys oyr corree as eulys, veih’n laa hrog ad eh, eer gys y laa t’ayn jiu, as derrey hed eh er scughey ass my hilley;

Jeremiah 44:22

Myr shen nagh voddagh y Chiarn gymmyrkey ny-sodjey rish loght nyn yannoo, as ny cliaghtaghyn dwoaiagh ta shiu er chur roo: shen-y-fa ta’n cheer eu ny hraartys, as atchim, as mollaght, gyn cummaltagh, myr ec y laa t’ayn jiu.

Jeremiah 5:10

Seose-jee er ny voallaghyn eck, as stroie-jee ad; agh ny jean-jee slane jerrey orroo: gow-jee ersooyl ny tooryn eck; son cha nee lesh y Chiarn ad.

Jeremiah 5:29

Nagh jean-yms kerraghey y ghoaill son ny peccaghyn shoh? ta’n Chiarn dy ghra: nagh jean m’annym cooilleeney y ghoaill er lheid yn ashoon shoh?

Jeremiah 6:11

Shen-y-fa ta mee lane jeh eulys y Chiarn; te pian dou dy lhiettal eh: deayrt-ym magh eh er y chloan dy lhean, as er co-chruinnaght ny deiney aegey; son bee eer y dooinney marish e ven goit ersooyl, eshyn t’ayns slane eash mârishyn ta lane dy laghyn.

Jeremiah 6:6

Son shoh myr ta Chiarn ny sheshaghtyn flaunyssagh er ghra, Giare-jee sheese biljyn, as trog-jee cronk-caggee noi Jerusalem: shoh’n ard-valley ta ry-hoi kerraghey; cha vel monney agh tranlaase cheu-sthie j’ee.

Jeremiah 9:8

Ta’n chengey oc myr side gyere lhiggit; te loayrt molteyrys: ta fer loayrt dy dooie rish e naboo lesh e veeal, agh ayns e chree t’eh lhie cooyl-chlea.

Jeremiah 9:9

Nagh jean-yms ad y smaghtaghey son ny peccaghyn shoh? ta’n Chiarn dy ghra: nagh jean m’annym’s cooilleeney y ghoaill er lheid yn ashoon shoh?

Dobberan 3:42

Ta shin er ve foiljagh as er n’irree-magh, cha vel uss er phardooney.

Dobberan 4:22

Ta kerraghey dty vee-chairys cooilleenit, O inneen Zion, cha der eh lesh oo arragh gys cappeeys: gowee eh kerraghey er dty vee-chairys, O inneen Edom, ver eh briaght er dty pheccaghyn.

Ezekiel 7:9

As cha jean my hooill lhiggey lhiat, chamoo vees chymmey aym ort; cooilleen-yms oo cordail rish dty raaidyn, as ny peccaghyn eajee ta cheu-sthie jeed, as bee fys eu, dy nee mish y Chiarn ta dy woalley shiu.

Hosea 2:13

As nee’m kerraghey urree laghyn Vaalim, ayndoo losht ee incense daue, as ren ee soiaghey magh ee hene lesh e fainaghyn-cleayshey, as e jewellyn, as hie ee geiyrt er e gimmanyn, as yarrood ee mish, ta’n Chiarn dy ghra.

Hosea 8:13

T’ad ouralley feill son ourallyn my hebballyn, as t’ad gee eh; agh cha vel y Chiarn jannoo soiaghey jeu: nish nee eh cooinaghtyn er nyn mee-chairys, as kerraghey nyn beccaghyn: nee ad chyndaa reesht gys Egypt.

Leviticus 18:25

As ta’n cheer fo slane broïd: shen-y-fa, ta mish goaill kerraghey er ny peccaghyn eck, as ta’n cheer hene skeeah magh e cummaltee.

Leviticus 26:25

As ver-yms lhiam y chliwe erriu, nee cooilleeney ’ghoaill erriu son brishey my chonaant: as tra ta shiu er nyn jaglym cooidjagh ayns nyn ard-valjyn, ver-yms y plague ny-vud eu; as bee shiu er nyn livrey gys laueyn nyn noidyn.

Nahum 1:2

Ta Jee eadolagh, as ta’n Chiarn goaill kerraghey, ta’n Chiarn goaill cooilleeney, as t’eh eulyssagh, nee’n Chiarn goaill kerraghey er e noidyn; as freayll jymmoose cour e noidyn.

Deuteronomy 32:35

Dooys ta bentyn kerraghey, as cooilleeney, nee’n chass oc skyrrey ayns traa cooie: son ta laa nyn dreihys er-gerrey, as ta ny reddyn hig orroo cheet dy tappee.

Deuteronomy 32:43

Gow-jee boggey, marish e phobble, O shiuish ashoonyn: son nee eh cooilleeney ’ghoaill son fuill e harvaantyn, as kerraghey er e noidyn, as bee eh myghinagh da e heer, as da e phobble.