Jeremiah 5:8 - Yn Vible Casherick 1775 1819

⁸ V’ad myr cabbil ard-veiyht ’sy voghrey: dagh fer jeu shêgin er ben e naboo.

Jeremiah 5:8 ပူးပေါင်းရင်းမြစ်များ

Genesis 39:9

Cha vel unnane ny syrjey ’sy thie shoh na mish: chamoo t’eh er reayll nhee erbee voym’s, agh uss, er-yn-oyr dy nee oo yn ven echey: kys eisht oddym’s cur rish yn aggair vooar shoh, as peccah ’yannoo noi Jee?

Lioar Yob 31:9

My ta my chree er ve mollit liorish ben; ny my ta mee er lhie follit ec dorrys my naboo;

Exodus 20:14

Cha brish oo poosey.

Exodus 20:17

Cha der oo saynt da thie dty naboo, cha der oo saynt da ben dty naboo, ny da e harvaant, ny da e inney-veyl, ny da e ghow, ny da e assyl, ny da nhee erbee ta lesh dty naboo.

Raaghyn Creeney 6:29

Myr shen eshyn ta jannoo peccah rish ben e naboo: quoi-erbee vennys r’ee cha bee eh gyn-loght.

Jeremiah 13:27

Ta mee er vakin kys t’ou er vrishey poosey m’oï, yllaghey dty reaïd, rouanys dty vaarderys, as dty obbraghyn naareydagh er ny croink fud y vagheragh. Smerg dhyt’s, O Yerusalem! nagh bee oo er dty ghlenney? cuin vees y traa?

Jeremiah 23:10

Son ta’n cheer lane maarderee; son kyndagh rish gweeaghyn as loo oaiagh, ta’n cheer dobberan, ta aberyn aalin yn aasagh chyrmit seose, as ta nyn gliaghtaghyn olk, as nyn booar gys drogh ymmyd.

Jeremiah 29:23

Son dy vel ad er n’yannoo dy naareydagh ayns Israel, as er vrishey-poosey rish mraane nyn naboonyn, as er loayrt goan breagagh ayns my ennym, red nagh doardee mee daue: aym’s ta fys er shoh, as ta mee my eanish orroo, ta’n Chiarn dy ghra.

Jeremiah 50:11

Er-yn-oyr dy ren shiu boggyssagh as craid, shiuish stroideryn my eiraght; son dy vel shiu er n’aase roauyr myr yn cholbagh ec faiyr, as dy vel shiu buirroogh myr terriu;

Jeremiah 9:2

O dy beagh aym ’syn aasagh boayl-aaghtee myr t’ec troailtee, dy voddin my phobble y aagail, as goll roym voue! son t’ad ooilley maarderee, sheshaght dy gheiney foalsey.

Ezekiel 22:11

As ta fer er n’yannoo peccah eajee rish ben e naboo, as ta fer elley dy naareydagh er ve foiljagh rish e inneen-’sy-leigh, as ta fer elley aynyd er injillaghey e huyr, inneen e ayrey.

Deuteronomy 5:18

Chamoo nee oo poosey ’vrishey.

Deuteronomy 5:21

Chamoo nee oo geearree ben dty naboo, chamoo ver oo saynt da thie dty naboo, ny da e vagher, ny da e er-mooinjerey, ny da e inney-veyl, e ghow, ny e assyl, ny da nhee erbee ta lesh dty naboo.