Jeremiah 5:7 - Yn Vible Casherick 1775 1819

⁷ Caïd nee’m shoh y leih dhyt? ta dty chloan er my hreigeil, as er loo lioroosyn nagh nee jeeghyn ad: tra va mee er n’yannoo magh ad gys nyn yeeilley, eisht vrish ad poosey, taaghey ayns troopyn ny thieyn streebee.

Jeremiah 5:7 ပူးပေါင်းရင်းမြစ်များ

2 Recortyssyn 13:9

Nagh vel shiu er hilgey magh saggyrtyn y Chiarn mec Aaron, as ny Leviteyn, as er n’yannoo diu hene saggyrtyn lurg cliaghtey ny ashoonyn jeh cheeraghyn elley? myr shen quoi-erbee ta chebbal eh-hene dy ve ny haggyrt lesh dow aeg as shiaght reaghyn, foddee eh ve ny haggyrt dauesyn nagh nee jeeghyn ad.

Lioar Yob 31:12

Son te ny aile ta lostey gys toyrt-mow, yinnagh ooilley my chooid-seihlt y chur naardey.

Psalmyn 50:18

Tra honnick oo maarliagh, va dt’aigney lesh: as t’ou er ghoaill ayrn mâroosyn ta brishey poosey.

Jeremiah 12:16

As hig eh gy-kione, my nee ad gynsaghey dy kiaralagh raaidyn my phobble, dy crauee loo liorish my ennym’s, gra, Myr ta’n Chiarn bio; (myr dynsee ad my phobble dy loo liorish Baal;) eisht yiow ad cummal shickyr, eer ayns mean my phobble.

Jeremiah 13:27

Ta mee er vakin kys t’ou er vrishey poosey m’oï, yllaghey dty reaïd, rouanys dty vaarderys, as dty obbraghyn naareydagh er ny croink fud y vagheragh. Smerg dhyt’s, O Yerusalem! nagh bee oo er dty ghlenney? cuin vees y traa?

Jeremiah 16:11

Eisht dy jir uss roo, Er-y-fa dy vel nyn ayraghyn er my hreigeil, ta’n Chiarn dy ghra, as son dy vel ad er n’eiyrt er jeeghyn joarree, as er hirveish ad, as er chur ooashley daue, as er hreigeil mish, as nagh vel ad er reayll my leigh’s:

Jeremiah 16:20

Jean dooinney jeeghyn y yannoo da hene, as cha nee jeeghyn ad?

Jeremiah 2:11

Vel ashoon er chaghlaa ny jeeghyn oc, nagh nee foast jeeghyn ad? agh ta my phobble’s er chaghlaa nyn ghloyr son shen nagh vel foays ayn.

Jeremiah 2:31

O heeloghe, gow-jee tastey jeh goo yn Chiarn: Vel mee er ve ny aasagh da Israel? cheer dy ghorraghys? Cre’n-fa ta my phobble gra, Ta shin nyn mainshtyryn hene; cha jig mayd ny-sodjey hood’s?

Jeremiah 23:10

Son ta’n cheer lane maarderee; son kyndagh rish gweeaghyn as loo oaiagh, ta’n cheer dobberan, ta aberyn aalin yn aasagh chyrmit seose, as ta nyn gliaghtaghyn olk, as nyn booar gys drogh ymmyd.

Jeremiah 3:19

Agh dooyrt mee, Kys nee’m uss y ghoaill mastey’n chloan, as cheer aalin y choyrt dhyt, eiraght ooasle ayns ymmodee ashoonyn? As dooyrt mee, Nee oo mish y enmys, My ayr! as cha jean oo chyndaa ersooyl voym.

Jeremiah 3:8

As hug mee tastey, lurg dou ve er choyrt ersooyl ee, son ooilley ny oyryn lioroo va Israel chooyl-skyrraghtyn er vrishey poosey, as dy row mee er choyrt jee screeuyn-scarree; ny-yeih cha ren y chuyr foalsey eck Judah aggle y ghoaill, agh hie ish as ren ee maarderys myrgeddin.

Jeremiah 7:9

Jean shiu geid, jannoo dunverys, as brishey poosey, as loo dy oaiagh, as lostey incense gys Baal, as geiyrt er jeeghyn elley nagh vel enney eu orroo;

Jeremiah 9:1

O dy beagh my chione ny ushtaghyn, as my hooillyn farrane dy yeïr, dy voddin keayney oie as laa son cloan stroit inneen my phobble!

Jeremiah 9:2

O dy beagh aym ’syn aasagh boayl-aaghtee myr t’ec troailtee, dy voddin my phobble y aagail, as goll roym voue! son t’ad ooilley maarderee, sheshaght dy gheiney foalsey.

Dobberan 3:42

Ta shin er ve foiljagh as er n’irree-magh, cha vel uss er phardooney.

Ezekiel 22:11

As ta fer er n’yannoo peccah eajee rish ben e naboo, as ta fer elley dy naareydagh er ve foiljagh rish e inneen-’sy-leigh, as ta fer elley aynyd er injillaghey e huyr, inneen e ayrey.

Hosea 11:8

Kys oddym scarrey rhyt, O Ephraim? kys oddym sauail oo, O Israel? kys nee’m oo myr Admah, as soiaghey jeed myr Zeboim? ta my chree er ny hyndaa cheu-sthie jee’m, ta my vyghinyn er ny ghreesaghey dy cheilley.

Hosea 13:6

Cordail rish nyn aber, myr shen v’ad jeant magh; v’ad er nyn lhieeney, as va’n cree oc er ny yrjaghey: shen-y-fa t’ad er my yarrood.

Hosea 4:2

Liorish loo oaiagh, as breagyn, as dunverys, as geid, as brishey-poosey, t’ad brishey magh, as ta dunverys er dunverys.

Hosea 7:4

T’ad ooilley loshtagh er maarderys, myr aile ayns oghe yn uinneyder, ta cur traa da’n theayst dy hroggal, erreish da v’er heaystney, derrey vees eh slane soorit.

Leviticus 20:10

As y dooinney ta foiljagh jeh brishey poosey rish ben ghooinney elley, eer eshyn ta brishey poosey rish ben e naboo, bee’n maarderagh as y streebagh dy shickyr er nyn goyrt gy-baase.

Amos 8:14

Adsyn ta breearrey liorish peccah Samaria, as gra, Ta dty Yee’s bio, O Dan, as ta bioys ayns jee-jalloo Veer-sheba; dy feer, nee ad tuittym, as cha n’irree ad dy bragh arragh.

Zephaniah 1:5

As adsyn ta cur ooashley da sheshaght rollageagh yn aer, er mullagh ny thieyn, as adsyn ta ooashlaghey, as breearrey liorish y Chiarn, as breearrey liorish Malcham;

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

1 Corinthianee 6:9

Nagh vel fys eu nagh vow ny mee-chrauee eiraght ayns reeriaght Yee? Ny bee-jee mollit: chamoo yiow maarderee, ny adsyn ta cur ooashley da jallooyn, ny adsyn ta brishey-poosey, ny ny soailtee, ny adsyn ta cur rish peccah noi dooghys,

1 Corinthianee 8:4

Mychione gee ny reddyn shen eisht t’er ny hebbal ayns oural gys jallooyn, ta fys ain nagh vel jalloo monney ’sy theihll, as nagh vel Jee erbee elley ayn agh unnane.

Galatianee 4:8

Agh ny-yeih, tra nagh row enney eu er Jee, va shiu ayns bondiaght dauesyn nagh nee jeeghyn ad liorish dooghys.

Deuteronomy 32:15

Agh daase Jeshurun roauyr, as ren eh brebbal: t’ou uss er n’aase roauyr, as t’ou er n’ghoaill thummyd, t’ou coodit lesh saill; eisht hreig eh Jee ren eh y chroo, as hoie eh beg jeh creg e haualtys.

Deuteronomy 32:21

T’ad er my ghreinnaghey gys corree, lesh shen nagh nee jee eh, t’ad er m’ vrasnaghey gys jymmoose, lesh nyn jallooyn: as neem’s adsyn y ghreinnaghey gys eadaghey lioroosyn nagh nee pobble ad, nee’m ad y vrasnaghey gys corree lesh ashoon fardalagh.

Hebrewnee 13:4

Ta poosey onnoroil ayns ooilley, as y lhiabbee gyn-loght: agh maarderee as adsyn ta brishey-poosey nee Jee briwnys.

Jamys 4:4

Shiuish gheiney as vraane maarderee [spyrrydoil], nagh vel fys eu dy vel caarjys y theihll noidys rish Jee? quoi-erbee er-y-fa shen saillish ve ny charrey da’n seihll, t’eh noid Yee.

Joshua 23:7

Nagh jean-jee ainjys rish ny ashoonyn shoh, ta er-mayrn ny mast’ eu; chamoo loayrys shiu dy arrymagh jeh enmyn ny jeeghyn oc, ny loo lioroo, ny shirveish ad, ny croymmey shiu-hene sheese huc: