Jeremiah 5:4 - Yn Vible Casherick 1775 1819

⁴ Shen-y-fa dooyrt mee, Son shickyrys t’ad shoh nyn moghtyn; t’ad giare-cheeayllagh: son cha vel toiggal oc jeh raad y Chiarn, ny briwnys nyn Yee.

Jeremiah 5:4 ပူးပေါင်းရင်းမြစ်များ

Isaiah 27:11

Tra ta ny banganyn echey fiojit, bee ad er nyn mrishey jeh: ta ny mraane cheet as cur aile orroo; son she pobble mee-cheeayllagh ad: shen-y-fa eshyn chroo ad, cha jean eh myghin orroo, as eshyn ren ad y chiaddey, cha jeeagh eh veg y foayr daue.

Isaiah 29:12

As ta’n lioar er ny livrey huggeysyn nagh vel ynsit, gra, Lhaih shoh, ta mee guee ort: as t’eshyn gra, Cha vel ynsagh aym.

Jeremiah 10:8

Agh t’ad ooilley-cooidjagh bolvaneagh as gyn tushtey; ta’n jalloo ny ynsagh dy ardalys.

Jeremiah 4:22

Son ta my phobble ommijagh, cha vel ad er chur enney orrym’s; t’ad cloan vee-cheeayllagh, as cha vel veg y toiggal oc: ta keeayll oc dy yannoo olk, agh dy yannoo mie cha vel oc veg y tushtey.

Jeremiah 7:8

Cur-my-ner, ta shiu treishteil gys goan fardalagh, nagh vel gys veg yn ymmyd.

Jeremiah 8:7

S’feer eh, dy vel y stork ’syn aer goaill baght jeh ny imbaghyn dooghyssagh; as ta’n turtle, as y choar, as gollan-geayee, freayll gys y traa t’ad ry-hoi cheet; agh cha vel my phobble’s cur veg y gheill da briwnys y Chiarn.

Jeremiah 9:3

As t’ad lhoobey nyn jengaghyn myr nyn mhow son breagyn; agh cha vel ad dunnal son yn ynrickys er y thalloo; son t’ad goll er nyn doshiaght veih olk dy olk, as cha vel enney oc orrym’s, ta’n Chiarn dy ghra.

Hosea 4:6

Ta my phobble’s goll naardey son laccal tushtey: son dy vel uss er n’yiooldey rish tushtey, jioold-yms myrgeddin rhyt’s, nagh bee oo ny-sodjey son saggyrt dooys: fakin dy vel oo er yarrood leigh dty Yee’s, neem’s myrgeddin yn chloan ayd’s y yarrood.

Noo Mian 11:5

Ta ny doail geddyn nyn soilshey, as ny croobee shooyl, ny louraanee er nyn ghlenney, ny beuyr clashtyn, ny merriu er nyn mioghey, as yn sushtal er ny phreacheil da ny boghtyn.