Jeremiah 5:31 - Yn Vible Casherick 1775 1819

³¹ Ta ny phadeyryn jannoo phadeyrys foalsey, as lesh y chooney ocsyn ta ny princeyn gymmyrkey reill; as ta my phobble booiagh lesh myr shen dy ve: as cre’n erree hig erriu son ooilley shoh?

Jeremiah 5:31 ပူးပေါင်းရင်းမြစ်များ

1 Reeaghyn 22:6

Eisht ren ree Israel sumney ny phadeyryn cooidjagh, mygeayrt kiare cheead dooinney, as dooyrt eh roo, Jem seose dy chaggey noi Ramoth-gilead, ny jean-ym lhiggey shaghey? As dooyrt ad, Immee seose; son nee’n Chiarn livrey eh gys laue yn ree.

Raaghyn Creeney 17:4

Ta drogh-yantagh cur geill da meillyn foalsey; as breagerey coyrt cleaysh da drogh hengey.

Isaiah 10:3

Agh cree nee shiuish ayns laa yn cherraghey, as ayns y traartys hig veih foddey? quoi gys nee shiu chea son kemmyrk? as quoi nee nyn merchys y choadey?

Isaiah 20:6

As jir cummaltee yn ellan shoh ayns y laa shen, Cur-my-ner, lheid shoh ta’n jerkal ain, raad ta shin chea son cooney dy v’er nyn livrey veih ree Assyria: as kys nee mayd scapail?

Isaiah 33:14

Ta aggle er ghreimmey ny peccee t’ayns Zion; ta creau doaltattym er ghoaill ny crauee-oalsey: quoi ny mast’ ain oddys cummal ayns yn aile lhome-loshtee! quoi nyn mastey oddys surranse ayns loshtaghyn dy bragh farraghtyn!

Isaiah 43:27

Ta dty henn-ayr er n’yannoo peccah, as ta dty ir-ynsee er ve foiljagh m’oï.

Isaiah 47:7

As t’ou er ghra, Bee’m my ard-lady son dy bragh: as cha ren oo ny reddyn shoh y ghoaill gys dty chree, chamoo ren oo smooinaghtyn cre’n jerrey harragh er.

Jeremiah 12:4

Caïd nee’n cheer dobberan, as glassyraght dy chooilley vagher fioghey, kyndagh rish mee-chraueeaght ny cummaltee? ta’n maase shymley ersooyl, as ny eeanlee; son dy dooyrt ad, Cha vel sooill echey er nyn raaidyn.

Jeremiah 14:14

Eisht dooyrt y Chiarn rhym, Ta ny phadeyryn jannoo phadeyrys breagagh ayns m’ennym’s; cha dug mee ad er y chaghteraght shoh, chamoo hug mee sarey daue, chamoo loayr mee roo: t’ad fockley magh diu ashlish foalsey, as faishnaghyn breagagh, as red gyn veg, as molteyrys yn chree oc hene.

Jeremiah 26:7

As cheayll ny saggyrtyn, as ny phadeyryn, as ooilley’n pobble, Jeremiah loayrt ny goan shoh ayns thie yn Chiarn.

Dobberan 1:9

Ayns ny rumbyllyn eck ta broïd, cha ren ee smooinaghtyn cre’n erree harragh urree, shen-y-fa huitt ee dy yindyssagh, cha row gerjeyder eck: O Hiarn, cur-my-ner my heaghyn: son ta’n noid er voggyssagh harrym.

Dobberan 2:14

Ta dty adeyryn er vakin nheeghyn fardalagh as ommijagh er dty hon; as cha vel ad er vrah dty loghtyn, dy hyndaa ersooyl dty chappeeys, agh t’ad er vakin dty chour erraghyn foalsey, as oyryn eebyrt-cheerey.

Dobberan 4:13

Kyndagh rish peccaghyn e phadeyryn, as mee-chairys e haggyrtyn, t’er gheayrtey fuill yn vooinjer ynrick ayns y vean eck;

Dobberan 4:18

T’ad shelg nyn gesmadyn, nagh vod mayd goll trooid nyn straïdyn: ta’n jerrey ain er-gerrey, ta nyn laghyn harrish, son ta’n jerrey ain er jeet.

Ezekiel 13:10

Er-yn-oyr, dy feer, er-yn-oyr dy vel ad er chur shaghrynys er my phobble, gra, Shee, tra nagh row shee ayn; as hrog fer voalley, as cur-my-ner va feallagh elley dy laa harrish eh lesh morter gyn-bree.

Ezekiel 13:6

T’ad er vakin fardalys, as phadeyrys breagagh, gra, Ta’n Chiarn dy ghra; as cha vel eh er choyrt ad; as t’ad er chur er feallagh elley dy hreishteil, dy jinnagh ad yn goo y chooilleeney.

Ezekiel 22:14

Vod dty chree surranse, ny dty laueyn ve lajer, er ny laghyn ayndoo dellym rhyt? mish y Chiarn t’er loayrt eh, as cooilleen-ym eh.

Hosea 4:9

As bee ad co-laik pobble co-laik saggyrt; as nee’m ad y cherraghey son nyn raaidyn, as ad y chooilleeney son nyn ghrogh-yannoo.

Hosea 6:10

Ta mee er vakin red atchimagh ayns thie Israel: ta maarderys Ephraim ayn, ta Israel neu-ghlen.

Hosea 9:5

Cre nee shiu er yn ard-laa-feailley, as er laa-feailley casherick y Chiarn?

Micah 2:11

My ta dooinney gimmeeaght ayns spyrryd dy oalsaght, cur rish breagyn, gra, Nee’m phadeyrys dhyt mychione feeyn as jough lajer; bee eshyn eer phadeyr yn phobble shoh.

Micah 2:6

Ny jean-jee phadeyrys, jir ad roosyn ta phadeyrys: cha jean ad phadeyrys daue, nagh gow ad nearey.

Micah 3:11

Ta ny briwnyn eck briwnys son leagh, as ny saggyrtyn eck gynsagh son faill, as ny phadeyryn eck phadeyrys son argid: ny-yeih t’ad goaill orroo dy ve ass lieh yn Chiarn, as gra, Nagh vel y Chiarn ny mast’ ain? cha jig olk erbee orrin.

Zephaniah 3:4

Ta ny phadeyryn eck deiney eddrym as cluicagh: ta ny saggyrtyn eck er an-chasherickey yn ynnyd casherick, t’ad er vrishey stiagh er y leigh.

Deuteronomy 32:20

As dooyrt eh, M’eddin neem’s y hyndaa voue, as hee-ym cre’n erree hig orroo: son sheeloghe feer frowartagh ad, cloan nagh vel veg y treisht orroo.

Deuteronomy 32:29

O dy beagh ad creeney, dy doiggagh ad shoh, dy goghe ad gys nyn gree nyn laghyn jerrinagh!