Jeremiah 5:3 - Yn Vible Casherick 1775 1819

³ O Hiarn, nagh vel ny sooillyn ayd’s er yn ynrickys? t’ou uss er lhie dty laue orroo, agh cha vel ad er ghoaill shoh gys nyn gree; t’ou uss dy choyrt mow ad, agh t’ad er n’obbal dy ghoaill kerraghey: t’ad er n’yannoo nyn eddin ny s’creoi na’n chreg; t’ad er n’obbal dy hyndaa.

Jeremiah 5:3 ပူးပေါင်းရင်းမြစ်များ

Genesis 19:34

As haink eh gy-kione, er laa-ny-vairagh, dy dooyrt y shuyr shinney rish yn unnane saa, Cur-my-ner, lhie mish riyr marish my ayr: lhig dooin cur er giu feeyn noght myrgeddin; as gow uss stiagh, as lhie mârish, dy vod mayd cummal seose sluight nyn ayrey.

1 Reeaghyn 13:33

Lurg yn obbyr shoh, cha hyndaa Jeroboam veih e ghrogh raaidyn, agh ren eh reesht jeh’n sleih s’inshley saggyrtyn jeh ny ard-ynnydyn: quoi-erbee baillish, ren eh casherickey eh, as haink eh dy ve fer jeh saggyrtyn ny ard-ynnydyn.

2 Reeaghyn 1:13

As hug eh reesht captan y trass lieh-cheead, as e heshaght. As hie trass chaptan y lieh-cheead seose, as haink eh as huitt eh er e ghlioonyn kiongoyrt rish Elijah, as ren eh aghin huggey, as dooyrt eh rish, O ghooinney dy Yee, ta mee guee ort, lhig da my vioys, as bioys ny jeih as da-eed shoh dty harvaantyn, ve deyr ayns dty hilley.

2 Recortyssyn 16:9

Son ta sooillyn y Chiarn roie noon as noal trooid y slane seihll, dy hoilshaghey eh-hene dy ve niartal er y cheu ocsyn ta lesh cree firrinagh treishteil ayn. Ayns shoh t’ou er n’yannoo dy ommijagh; shen-y-fa veih’n traa shoh magh bee oo seaghnit lesh caggey.

2 Recortyssyn 28:22

As ayns earish e arkys hie eh er e hoshiaght ayns peccah noi’n Chiarn. Shen ree Ahaz diu.

Psalmyn 51:6

Agh cur-my-ner, t’ou shirrey firrinys ayns ny ayrnyn er cheu-sthie: as ver oo orrym toiggal creenaght dy follit.

Psalmyn 51:8

Ver oo orrym clashtyn jeh boggey as gennallys: dy vod ny craueyn t’ou er vrishey boggey ’ghoaill.

Psalmyn 55:20

Dy jarroo, Jee hene, ta farraghtyn dy bragh, nee m’y chlashtyn, as ver lesh adsyn sheese: son cha jean ad chyndaa, ny goaill aggle roish Jee.

Raaghyn Creeney 21:29

Ta’n drogh ghooinney staayney e eddin: agh son y dooinney onneragh, t’eh goll jeeragh er y raad.

Raaghyn Creeney 22:12

Ta sooillyn y Chiarn coadey deiney creeney, as t’eh tilgey goan y tranlaasagh bun-ry-skyn.

Raaghyn Creeney 23:35

T’ad er woalley mee, nee oo gra, as cha row mee guint; t’ad er my yeealley, as cha dennee mee eh: cuin nee’m doostey? shir-yms huggey reesht.

Raaghyn Creeney 27:22

Ga dy jinnagh oo ommydan y vroo ayns mortar, mastey curnaght, lesh pestyl, foast cha jean eh scarrey rish e ommijys.

Isaiah 26:11

Hiarn, tra ta dty laue troggit seose, cha der ad geill da: agh shegin daue fakin eh, as gowee ad nearey son nyn roon noi yn pobble; dy jarroo, nee aile dty noidyn ad y stroie.

Isaiah 42:25

Shen-y-fa t’eh er gheayrtey magh orroo eulys e yymmoose, as dewilys yn chaggey; as hug eh aile er ooilley mygeayrt, ny-yeih cha dug eh geill da; as v’eh er ny lostey liorish, ny-yeih cha ghow eh shoh gys e chree.

Isaiah 48:4

Er-y-fa dy row fys aym’s dy vel oo roonagh, as ta dty wannal feh-yiarn, as dty vaaish prash;

Isaiah 9:13

Son cha vel y pobble chyndaa huggeysyn ta dy smaghtaghey ad, chamoo t’ad shirrey gys Chiarn ny flaunyssee.

Jeremiah 15:7

As nee’m ad y asney lesh dollan ayns giattyn y cheer; nee’m ad y roostey jeh nyn gloan, nee’m my phobble y stroie, fakin nagh vel ad chyndaa veih nyn raaidyn.

Jeremiah 17:23

Agh cha dug adsyn biallys, chamoo chroym ad nyn gleaysh, agh ren ad nyn mwannal roonagh, nagh jinnagh ad geaishtagh, ny goaill ynsagh.

Jeremiah 19:15

Myr shoh ta Chiarn ny sheshaghtyn flaunyssagh, Jee Israel, dy ghra, Cur-my-ner, ver-ym lhiam er yn ard-valley shoh, as er ooilley e baljyn, ooilley yn olk ta mee er n’ockley magh noi eck; er-yn-oyr dy vel ad er chreoghey nyn mwannal noi geaishtagh rish my ghoan’s.

Jeremiah 2:30

Ayns fardail ta mee er smaghtaghey nyn gloan, nagh beagh er nyn gerraghey: ta’n cliwe eu hene, myr lion stroialtagh, er varroo nyn adeyryn.

Jeremiah 3:3

Shen-y-fa ta ny frassyn er nyn lhiettal, as cha vel y fliaghey jerrey-bleeaney er jeet; as va eddin streebagh ayd, dob oo nearey y ghoaill.

Jeremiah 32:19

Mooar ayns coyrle, as pooaral ayns dty obbraghyn: (son ta dty hooillyn foshlit er ooilley raaidyn cloan gheiney, dy choyrt da dagh unnane cordail rish e raaidyn, as cordail rish mess e obbraghyn:)

Jeremiah 35:13

Myr shoh ta Chiarn ny flaunyssee, Jee Israel, dy ghra, Immee as insh da deiney Yudah, as cummaltee Yerusalem, Nagh jean shiu ynsagh y ghoaill dy eaishtagh rish my ghoan? ta’n Chiarn dy ghra.

Jeremiah 44:10

Cha vel ad er n’injillaghey ad-hene eer gys y laa t’ayn jiu, chamoo t’ad er ghoaill aggle, ny er n’immeeaght ayns my leigh, ny ayns my lattyssyn, ren mee soiaghey reue, as roish ny ayraghyn eu.

Jeremiah 7:26

Ny-yeih cha n’eaishtagh ad rhym, ny croymmey nyn gleaysh, agh ren ad nyn mwannal y chreoghey: ren ad ny smessey na nyn ayraghyn.

Jeremiah 7:28

Agh jir uss roosyn, Ta shoh ny ashoon nagh vel coyrt biallys da coraa yn Chiarn nyn Yee, ny goaill ynsagh: ta’n ynrickys er jerraghtyn, as giarit ersooyl veih’n veeal oc.

Jeremiah 8:5

Cre’n-fa eisht ta pobble Yerusalem er chooyl-skyrraghtyn voym’s foddey as kinjagh? t’ad greimmey chion er molteyrys, t’ad gobbal dy hyndaa.

Ezekiel 2:4

Son t’ad cloan ghaaney as creoi-chreeagh: ta mee dy dty chur hucsyn, as jir oo roo, Myr shoh ta’n Chiarn Jee dy ghra.

Ezekiel 24:13

Ayns dty vroïd ta rouanys; er-yn-oyr dy vel mee er dty ghlenney, as cha beagh oo er dty ghlenney; cha bee oo er dty ghlenney veih dty vroïd arragh, derrey ver-ym er my eulys dy hannaghtyn ort.

Daniel 9:13

Myr te scruit ayns leigh Voses, ta ooilley yn olk shoh er jeet orrin: ny-yeih cha ghow shin nyn badjer gys y Chiarn y Jee ain, dy hyndaa veih nyn ghrogh-yannoo, as dy hoiggal dty ynrickys.

Leviticus 26:23

As mannagh bee shiu er ny lhiasaghey lioroo shoh, agh shassoo magh m’oï:

Amos 4:10

Ta mee er choyrt ny mast’ eu yn chramp, myr hug mee eh er Egypt: ny deiney aegey eu ta mee er varroo lesh y chliwe, as er ghoaill ersooyl ny cabbil eu, as ta mee er choyrt er smoghan ny campyn dy heet seose gys ny stroanyn eu: ny-yeih cha vel shiu er hyndaa hym’s, ta’n Chiarn dy ghra.

Amos 4:11

Ta mee er hilgey paart j’iu bun-ry-skyn, myr ren Jee rish Sodom as Gomorrah, as va shiu myr stoo saueit ass yn aile: ny-yeih, cha vel shiu er hyndaa hym’s, ta’n Chiarn dy ghra.

Amos 4:6

As ta mee myrgeddin er choyrt diu glennid feeacklyn, ayns ooilley nyn ard-valjyn, as genney arran ayns ooilley nyn gummallyn: ny-yeih, cha vel shiu er hyndaa hym’s, ta’n Chiarn dy ghra.

Amos 4:8

Myr shen ren ghaa ny three dy ard-valjyn rouail gys un ard-valley, dy gheddyn ushtey; agh cha row ad jeant magh: ny-yeih cha vel shiu er hyndaa hym’s, ta’n Chiarn dy ghra.

Amos 4:9

Ta mee er woalley shiu lesh fowan as millchea; tra ren nyn gharaghyn, as nyn gharaghyn-feeyney, as nyn miljyn-figgagh, as nyn miljyn-olive bishaghey, ren yn veishteig-loauee ad y stroie: ny-yeih, cha vel shiu er hyndaa hym’s, ta’n Chiarn dy ghra.

Zephaniah 3:7

Dooyrt mee, Shickyr nee oo aggle y ghoaill roym: bee oo er dty ynsaghey, myr shen nagh beagh yn cummal oc giarit jeh, cre-erbee yn aght ren mee ad y cherraghey: ny-yeih, dirree ad dy moghey, as hie ad er ny smessey as ny smessey ayns ooilley nyn yannoo.

Romanee 2:2

Agh ta fys ain dy vel briwnys Yee cordail rish yn irriney, n’oï adsyn ta cur rish lheid ny reddyn.

Hebrewnee 12:9

Ny-sodjey, ta er ve ain ayraghyn dooghyssagh, dreill shin fo smaght, as hug shin arrym daue: nagh der mayd eisht foddey sleaie biallys da Ayr ny spyrrydyn, as ve bio?