Jeremiah 5:23 - Yn Vible Casherick 1775 1819

²³ Agh ta ec y pobble shoh cree roonagh as mee-viallagh; t’ad er hyndaa cooyl, as er n’gholl roue.

Jeremiah 5:23 ပူးပေါင်းရင်းမြစ်များ

Psalmyn 78:8

Dy voddagh ad nyn dreishteil y choyrt ayns Jee: as gyn obbraghyn Yee y yarrood, agh ny annaghyn echeysyn y reayll.

Psalmyn 95:10

Da-eed bleïn liauyr va mee corree rish y cheeloghe shoh, as dooyrt mee: She pobble ad ta goll er-shaghryn ayns nyn greeaghyn, son cha vel enney er ve oc er my raaidyn.

Isaiah 1:5

Cre’n-fa veagh shiu ny-sodjey er nyn gerraghey? nee shiu girree-magh ny smoo as ny smoo. Ta’n kione ooilley ching, as yn cree ooilley faiynt.

Isaiah 31:6

Chyndaa-jee huggeysyn veih ta cloan Israel er n’gholl dy mooar er-shaghryn.

Jeremiah 17:9

Ta’n cree molteyragh erskyn dy chooilley nhee, as mee-chrauee erskyn-towse: quoi oddys toiggal eh?

Jeremiah 4:17

Myr arreyderyn magheragh, shen myr t’adsyn noi eck cruin mygeayrt; er-yn-oyr dy vel ee er ve mee-viallagh m’oï’s, ta’n Chiarn dy ghra.

Jeremiah 5:5

Hem roym gys ny deiney mooarey, as loayr-ym roosyn; son t’adsyn er hoiggal raad y Chiarn, as briwnys nyn Yee: agh t’ad shoh ooilley-cooidjagh er vrishey’n whing, as er scoltey ny greïnyn.

Jeremiah 6:28

T’ad ooilley nyn ard-vee-viallee, gimmeeaght lesh scammyltyn: t’ad prash as yiarn; t’ad ooilley-cooidjagh shleeuit er olk.

Hosea 11:7

As ta my phobble soit er skyrraghtyn voym; ga dy row eam oc gys yn er smoo syrjey, cha dug fer erbee ard-voylley da.

Hosea 4:8

T’ad beaghey er peccah my phobble, as t’ad soiaghey nyn greeaghyn er nyn ghrogh-yannoo.

Zephaniah 3:1

Smerg jeeish ta beishtagh as neu-ghlen, eer yn ard-valley tranlaasagh!

Deuteronomy 21:18

My ta mac roonagh as mee-viallagh ec dooinney, nagh der geill da coyrle e ayrey, ny coyrle e vayrey, as lurg daue v’er smaghtaghey eh, nagh der eh biallys daue:

Deuteronomy 31:27

Son shione dou dty vee-viallys, as dty chreoi-wannallys: cur-my-ner, eer rish my lhing hene, gys y laa t’ayn jiu, ta shiu er ve mee-viallagh da’n Chiarn; as cre-woad smoo eisht lurg my vaase?

Hebrewnee 3:12

Cur-jee twoaie, vraaraghyn, nagh bee ayns veg eu drogh chree dy vee-chredjue, ayns treigeil y Jee bio.